¹ Apa amanine Yesusi kutantera vakashishongero vendi murongo navaviri, makura atundupo ayende akayuvitire nakuronga mumbara. ² Yohanesi ghuye mundorongo ayuvire viruwana vyaKristusi, atumu mbudi kuvakashishongero vendi, ³ aghamba ashi, ''Ove ne ogho ngayo ndi,ndi tutaterere wapeke?'' ⁴ Yesusi akalimburura nakuvatantera ashi, ''Yendenu mukatantere Yohanesi ovyo munamono navi munayuvhu. ⁵ Vatwiku kunakumona, virema kunakuyenda, vanavingondwe kunakukushuka, vipurupuru kunakuyuva nka, vafe kunakuvarambwita kughufe, ntani mbudi yayiwa kunakuyiyuvita kuvahepwe. ⁶ Mukalirago ogho adiro kushinganyeka mukonda yande.'' ⁷ Vakafumu vanya apa vavyukire, Yesusi makura atameke kutantera mbunga vyakughamena Yohanesi, '' vinke kamuyenderanga mo munya mumburundu mukakenge-mbu yina kumengo kumpepo? ⁸ Ndi vinke kamuyenderanga mukamone-mukafumu anadwato muvyuma vyakurerema? Ghuhunga, ovo vadwatango vyuma vyakurerema kwatunga mumbara yahompa. ⁹ Vinke mwayendilire mukamone-muporofete ndi? Mo, Ame kuna kumutantera ashi, kupitakan muporofete. ¹⁰ Ghuye ndye ghunya vatjanga, 'Kenga, ame kuna kutuma vatapi mbudi kumeho, ogho ngawa payiko ndyira yoye.' ¹¹ Ghushili nakumutantera, mukatji kovo vashampuruka vakamali kudereko wamunenepo yira Yohanesi muyoyi. Nampili ngoli muntu wamudidipo mughuntungi waliwiru munene kwamupitakana. ¹² Kutundilira kumayuva ghaYohanesi muyoyi dogoro weno, ghuntungi waliwiru kuna kunyanda, vantu vavadona kuna ghughupiri munkondo. ¹³ Kutundilira kuvaporofete navantje naveta kwaporofetire dogoro Yohanesi; ¹⁴ nangeshi munatokora kuvitamburako, ghuye ndye Eliyah ogho ngayo. ¹⁵ Kehe ghuno akaro namatwi ayuve. ¹⁶ Kunke nimusheta kanita muhoko ghuno? Yira vanuke vana shingiro pamaghulitiro vana kukuho vaghunyavo, ¹⁷ nakughamba ashi, 'atwe twamuvetilire rumbendo kapi munadana. Tuna guvhu, ngoli kapi munaliri.' ¹⁸ Yohanesi kapi aya lye mboroto nakunwa vinyu, ngoli vaghambire ashi, 'Akara nampepodona.' ¹⁹ Mona Muntu kwayire ghuye kulya nakunwa ngoli vaghambire ashi, 'Monenu, ogho muntu wamakurulya naghunkorwe, muholi wavafutiti mutero ntani vanandyo!' Ngoli ghukonentu ahungama kuviruwana vyendi.'' ²⁰ Makura Yesusi atameke kushwaghura mbara omo aruwanine vitetu vyavinene, mukondashi kapi vakushighulire. ²¹ "Nane, vaKorasini! Nane ve, Betesayida! Nangeshi vitetu kwaviruwanine muTayira naSidoni mbyo vyamushorokero nanwe, ndi vakushighura kare vadwate tjako nakukukwita mututwi. ²² Ame kuna kumutantera ashi ngavaka tambura ko Tayira naSidoni muliyuva lya mpanguro kapishi anwe. ²³ Ghukare ove Kaperenaumu, ashi ngava kutumbe kuliwiru? Nampili kuna kumanga, ngava kughurumwita mushirongo shavafe. Mbyovyoshi muSodomu mwashorokere vitetu vyakushorokiliro,ndi shimpe kapi mwavivhurama dogoro namutji. ²⁴ Ame kumutantera ashi ngavimurerupira shirongo shaSodomu muliyuva lyampanguro kupitakana anwe.'' ²⁵ Muviri yinya Yesusi kwaghambire ashi: '' Ame kuna kukupanda ove, Vava, Hompa waliwiru nalivhu, morwashi wahoreka vininke vino kuvakonentu navanandunge, mbyo wavishororwera vanuke vavadidi. ²⁶ Nhi, Vava, mo ngoli wavishanena mumatedo ghoye. ²⁷ Vininke navintje kwavimpa Vavava, ntani kudereko oghu ayivo Mona nkwandi Sha, ntani nka kudereko ogho ayivo Sha nkwandi Mona pentjendi ntani kehe ghuno ana tovorora Mona kuvimushorwera. ²⁸ Yenu kukwande, namuvantje anwe mwashimbo dimudigho, muyawane lipwiyumuko. ²⁹ Kukambekenu dyoko yande mukurongereko kukwande,Ame kwaghomoka mbyo nakudidipita mumutjima, ngamuwane lipwiyumuko lya monyo denu. ³⁰ Dyoko yande yireru, ntani mudigho wande warerupa.