¹ Yesus opo amanine kughamba dino nkango, makura akankuka shipara amone kuliwiru aghamba ashi, ''Vava, shirugho shina tikimo, yererepeka monoye, monoye naye akuyererepeke- ² yira momu wamupa lipangero lya vantu navantje ashi ngatape mpnyo wanaruntje kwakehe ghuno watapa kukwendi. ³ Monyo wanaruntje ngoghuno ashi: Vakuyive ashi, ove pentjoye Karunga waghushili, ntani nagho watuma, Yesus Kristus. ⁴ Ame nakuyererepeka palivhu. Viruwana ovyo watapa kukwande ashi nuviruwane navitikitamo. ⁵ Vava, weno, Mpenu ghuyerere wenu name nukare mughuyerere wenu ogho wakaliroko pakutanga wagho ghudyuni shimpe pandere. ⁶ Lidina lyoye nalishorora kwaVantu ovo watapa kukwande vamughudjuni. Vavo voye vakaliro, mbyo wavatapa kukwande, vavo mbyo vatikitamo nkango doye. ⁷ Ntantani vavo vana yiva ashi navintje ovyo watapa kukwande kukoye vyatunda, ⁸ Nkango odo watapa kukwande, name naditapa kukwavo nadintje. Vavo mbyo vaditambura makura vavo mbyo vayiva nawa-naw ashi ame kukoye natunda, Vavo mbyo vapura ashi ove wantumo. ⁹ Ame kuna kuva raperera. Ame kapi nakuraperera vamughudyuni nane mbovo watapa kukwande, mbyovyoshi vavo voye. ¹⁰ Vininke vyande navintje vyoye, ntani vyoye navintje navyo vyande nka tupu, vyavo kuyita ghuyerere kukwande. ¹¹ Ame kapi nakaramo nka mughudyuni, vavo vantu vavo shimpe mughudyunivana kara, ngoli ame kuna kunya kokoye. Vava mupongoki, vakungire mulidi lyoye olyo watapa kukwande mposhi vakare mutjima ghumwe, yira momu twakara kumwe nove. ¹² Opo nakalire navo, navapopera mulidina lyoye, olyo watapa kukwande. Ame navapopera kwato nampili ghumwe ogho akombano po, nkwandi ndyegho adyonaghukopo tupu pentjendi, mposhi matjangwa atikiliremo. ¹³ Weno ame mundyira kuna kuya kukoye, ano ngoli ame kuna kughamba vino ame shimpe mponuli mughudyuni mpo ashi vakare naruhafo mukatji kavo. ¹⁴ Ame navapa nkango doye kukwavo, makura ghudyuni mbyo wavanyenga mukondashi vavo kapishi vamughudyuni, yira momu nakara ashi kapishi wamughudyuni. ¹⁵ Ame kapi nakukanderera ashi ghuva ghupemo mughudyuni, nane ghuva kunge kwamudyonaghuli. ¹⁶ Vavo kapishi vamughudyuni, yira momu napira kukara wamughudyuni. ¹⁷ Vatoghororemo ghuva pongore vahame kughushili. Nkango doye ndo ghushili. ¹⁸ Yira momu wantuma mughudyuni me, name mo ngoli nava tuma mughudyuni. ¹⁹ Mukonda yavo, nakutoghorora nukare mupongoki, mposhi navo vakare vapongoki vaghushili. ²⁰ Ame kapi nakuraperera ashi mbo vano tupu, nane ngoli navo ngava kapuro munkango odo ngava kayuvita vano ²¹ mposhi ngava kare mutjima ghumwe tupu, yira momu wakara ve, vava, mumwande ntani name mumoye. Navo mposhi vakare mumwetu mposhi vamughudyuni ngava pure ashi ove wantumo. ²² Ghuyerere ogho mwatapa kukwande, name naghutapa kukwavo, mposhi ngava kare mutjima ghumwe tupi, yira momu twakara kumwe tupu: ²³ Ame nukare mumwavo, nove ghukare mumwande-mposhi vakare nali kukwatakano lya kutikiliramo, mposhi ghgudyuni ngaghu yive ashi ove wantumo, mbyo wavahora yira momu wahora name. ²⁴ Vava, ame kuna horo ashi ovo watapa kukwande ngava kare kumwe name oku nakara, ngava mone ghuyerere wande ogho watapa kukwande mukondashi ove wakara nashihoro name, waghu ghudyuni shimpe nakughushita shi. ²⁵ Vava wamuhungami, ghudyuni kapi wakuyiva, ngoli ame nakuyiva; mposhi vavo vayive ashi ove wantumo. ²⁶ Ame nayuvita lidina lyoye kukwavo, ntani nka nganu liyuvita shimpe kumeho, mposhi shihoro osho wakara nasho kwande, name nganukare mumwavo.''