¹ '' Vino kuna vimutantere mposhi ngamupire kushuva lipuro. ² Ngava kamu tjidamo muSinagoge. Ano ngoli shirugho ngashitika opo ngava kamu dipagha vavo ngava ghayara ashi kuna kuruwanena Karunga. ³ Vino ngava vimuruwana mukondashi vavo kapi vayiva Vavava nampili nampili nameshi. ⁴ Ame kuna vimutantere vino vyavyo shimpe kapi vina shoroka, mposhi opo ngavi kashoroka ngamuka vhuruke ashi navi mutantilire kare. Kapi navimu tantelire vino vininke pakutanga, mukondashi nanwe nakalire. ⁵ Weno ame kuna kuyenda ko kogho antumo, nakuvhurashi mumpure ashi, 'Kuni ghuna kuyenda?' ⁶ Mukondashi namutantere vino vininke, dimutjima denu dina kara naliguvo. ⁷ Ame kuna kumutantera ghushili ashi, ghuwa ghunene nkeneshi ame nutundepo. Nkene shikapi nutundapo, mukwafi kapi ayakukwenu, nkene shi nuyende, nganu kamutuma kukwenu. ⁸ Opo ngaya, ngaya neyeda ghudyuni pakara ndyo, naghuhungami ntani nampanguro- ⁹ yandyo, mukondshi vavo kapi vapura mumwande, ¹⁰ ashi pakara ghuhungami, mukondashi ame kuna kuyenda kuvavava, anwe kapi ngamu mona nka; ¹¹ ntani ashi pakara mpanguro, mukondashi mupangeli waghuno ghudyuni apwa kare kupangura. ¹² Ame viyingi nahoro kumutantera, ano ngoli anwe vino muvhukire ghunene. ¹³ Ano ngoli opo ngaya ghuye, Mpepo yaghushili, opo ngayiya, ngayiya muronga ghushili naghuntje, yayo kapi ngayi yaghamba vyanaghumwayo. Yayo ngayi yaghamba ovi ngayi yuvha ntani ngayi yamutantera vyakumeho. ¹⁴ Yayo ngayiyita ghuyerere kukwande, mukondashi ngayi ghupa vyande mukura ngayi mutantera. ¹⁵ Navintje ovyo vakara navyo vavava vyande. Mbyo, nakumutantera ashi yayo ngayiya ghupa mwavyo vyande makura ngayi mutantera. ¹⁶ Shirugho shashifupi tupu shina hupoko makura ngamupire kumona me, ano shirugho shashifupi tupu makura ngamumone nka.'' ¹⁷ Varongwa vendi avakupuraghere ashi, ''Vinke vino ana kututantera ashi, 'Shirugho shashifupi tupu nka makura ngamupire kumona me, ntani shirugho shashifupi tupu nka makura ngamumone nka, ntani, Ame kuna kuyenda kuvavava'?'' ¹⁸ Avaghamba ashi, ''Vinke anahoro kutanta pakughamba ashi 'shirugho shashifupi'? Kapi tuna yiva ashi vinke anatamba,'' ¹⁹ Yesus ano ngonona ashi vana shana kumupura, avatantere ashi, ''Anwe kuna kukupuraghera, ashi vinke natamba pakughamba ashi, 'Shirugho shashifupiko tupu makura kapi ngamumona, ntani shirugho shashifupiko tupu nka ngamumone? ²⁰ Ghushili, vyaghushili nakumutantera, anwe ngamulira kumwe nakukema, ano ngoli ghudyuni ngaghuhapa. Anwe ngamukara naliguvo lyalinene, ano ngoli liguvo lyenu ngali kutjindja likare ruhafo. ²¹ Nkene mukamali kuna kuyenda akawane mukeke kukara naliguvo lyalinene mukondashi shirugho shina tikimo, Nange shi ana wana mukeke, tjutju nakuyivhuruka shi mukondashi ana kara naruhafo ashi ghuye anayita muntu muno mughudyuni. ²² Weno muna kara naliguvo, ano ngoli shimpe nganu mumona nka, ngamu kara naruhafo mudimutjima denu, kwato ghumwe ogho ngavhuro kumughupa ruhafo rwenu. ²³ Muliyuva lino kapi ngamuromba vyuma kukwande. Ghushili vyaghushili nakumutantera, kehe shino ngamu shungida kuvavava mulidina lyande, ngava shimupa. ²⁴ Dogoro weno anwe shimpe kapi mwashungida kehe shino mulidina lyande. Shungidenu ngamuwane, mposhi ruhafo rwenu ngarutikiliremo.'' ²⁵ ''Ame kuna ghamba vino muvishewe, ano ngoli shirugho ngashitika opo nganu mudukulira, nganu tantera kumwe nakumudukulira vyakuhamena vavava. ²⁶ Muliyuva lyo ngamushungidira mulidina lyande kapi nganumutantera ashi tanko numushungidire kuvavava, ²⁷ Vavava vavene vamuhora mukondashi anwe mwakara nashihoro name ntani anwe mbyo mwapura ashi ame kwaKarunga natunda. ²⁸ Ame kwatunda kuvavava, nuye muno mughudyuni. Ntani, ame kuna kutunda muno miughudyuni nuvyuke kuvavava.'' ²⁹ Varongwa vendi avaghamba ashi, ''Monenushi, weno kuna kughamba nakudukura kapi ghuna kughamba muvishewe. ³⁰ Weno tuna yiva ashi ove wayiva navintje, kapi wahepa ashi muntu akupure vyuma. Mukonda ndyoyino, atwe tuna kara nalipuro ashi kwaKarunga watunda.'' ³¹ Yesus avalimburura ashi, ''Ntani ngoli muna kupura?' ³² Monenu, shirugho kuna kuya, yi, shinatiki kare, kuna kuyenda mukakuharagane, kehe ghuno pana ghumwendi, ngamu ntjuve pentjande. Ano ngoli ame kapi nganu kara pentjande mukonda vavava kwakara kumwe name. ³³ Ame kuna mutantere vino mposhi mukare nambili mumwande. Mughudyuni kwakaramo maghgudito, ano ngoli kwatenu dimutjima, Ame nafunda kare ghudyuni.''