¹ Anwe vagarata vantu vavagova! Are mwene ogho amurogho anwe? Ame kwamutantera kumeho yenu ashi Yesusi Kiristusi kwamupampalire pa shikuruse mposhi kehe ghuno kuna ku mukenga. ² Ame kuna shana kuyiva ku kwenu vyaweno ashi: Anwe kwawana Mpepo YaKupongoka muku kwama veta ndi kwawana Mpepo yaKupongoka opo mwayuvire naku tambura Mbudi YaRuhafo? ³ Ghugova munke ogho mwakara nagho? Anwe Kwatamekire ku ruwana vyapa Mpepo, ntani kughuhura weno anwe mbyo muna ku ruwana vyapa nyama? ⁴ Anwe kwagwanekera na masheteko ghamayingi ghamu ghukirisite - mukonda yamaghoko-ghoko tupu ndi? ⁵ Karunga ogho atapango Mpepo YaKupongoka naku ruwana vitetu mukatji kenu, ghuye kwaruwananga vyaweno mukonda yaku limburuka kwenu naku tikitamo veta ndi kwa mpopo mwayuvha mbyo mwatambura Mbudi YaRuhafo? ⁶ Yira momu tupu vatjanga vyaku hamena kwaAburahamu weno ashi, ''Aburahamu kwakalire na lipuro na lihuguvaro mwaKarunga makura mbyo akalire weno ashi ghuye muntu wamuhungami.'' ⁷ ntan anwe yivenu weno ashi, kehe vano vantu vakaro na mapuro vavo vana vaAburahamu. ⁸ Mbudi YaRuhafo, kwayire ku vahedana ngava wene lipuro na liyoghoko yira momu tupu vatjanga vyakuhamena kwaAburahamu weno ashi, "Mukonda yalipuro lya Aburahamu, Karunga nga hungameka naku tungika muhoko wavahedana.'' ⁹ Mukonda yaweno, vantu navantje vaku pura mwaYesus Kirisitusi kwava tungika kumwe na Aburahamu, murume walipuro. ¹⁰ Vantu navantje ovo vakwamango naku ruwanena veta vakara mumafingo, yira momu tupu vatjanga weno ashi, ''Kehe ghuno waku pira kutikitamo naku kwama navintje ovyo vatjanga mu matjangwa nga wana mafingo.'' ¹¹ Pa weno vinakene ashi kwato muntu wakuhungama ku shipara shaKarunga mukonda yaku kwama veta, mukonda shi, ''Vantu vavahungami kwakara na lipuro.'' ¹² Ntani muntu waku kwama veta ghuye kwato lipuro, nani ngoli, ''Muntu waku kwama veta ana hepa ku ruwanena veta ditikiliromo.'' ¹³ Kiristusa kwatuyoghora atwe kulifingo lya ndjo yaveta omo awana mafingo yetu - yira momu tupu vatjanga weno ashi, ''Mafingokwa yenda kwakehe ghuno vapamparera naku ndjendjerera ku shitondo'' - ¹⁴ Mposhi matungiko ghaAburahamu kuvura kuya mposhi vatungiko ghaAburuamu ngagha yende kumuhoko wavahedana kupitira mwaYesus Kiristusi, mposhi mkuonda yalipuro natwe ngatu wane matwenyidiro ghaMpepo YaKupongoka. ¹⁵ Vaghunyande mpulitirenu ame nughambe yira muntu wapa rutu. Nkene shi muntu kuna kutura matwenyidero kwahepa akare pa matjangwa napa veta mu mbapira, matwenyidero ghaweno, kwato waku vhura kugha tjindja naku gharundurura. ¹⁶ Ntani oghano matwenyidiro kwatambire kwaAburahamu ntani naku ruvharo rwendi. Matjangwa kapi atanta weno ashi, ''Kumaruvharo ghoye,'' makura vatambe ku vantu vavayingi, nani ngoli kwatambire tupu muntu ghumwe tupu, ''Wa muruvharo roye,'' ghuye Kiristusi. ¹⁷ Ame kuna tamba vyaweno: Veta, kwayire kuruku rwamwaka 430 ghuye Karunga kwatapa kare lipuro kwaAburahamu, oyino veta ne kuvhura kudongononapo lipuro lya Karunga, olyo ahovire kutapa pakuhova ndi. ¹⁸ Nkene shi atwe kwawana ghupingwa naghuntje mukonda yakutikitamo veta, kutanta ashi atwe kapi twa wana nkwandi vyamatwenyidiro. Ano ngoli Karunga kwatapire ghushwi wamatwenyedero ghalipuro kwaAburahamu. ¹⁹ Vinke, nani, shitambo shaveta? Kwatapire veta ku kwetu ngatu yive ndjo makura ngatu ruwane ghudona, dogoro ngavaya tike varuvharo rwaAburahamu rwamatwenyedero. Karung kwatapire veta yendi yikare mushiruwana mulipititiro lyava engeli. ²⁰ Ano ngoli ligwanekero lya ntantani Karunga kwapitira mwamuntu ghumwe tupu ntani kwato nka vatntu vavayingi, nane ngoli kupitira tupu Karunga ghumwe tupu. ²¹ Weno ne veta yakulimba na matwenyidiro ghaKarunga ndi? Hawe! Nkene shi veta kwayi tapire ngayi kare yaku tapa liparu, kutanta ashi na mpili ghuhungami nagho ndi kwaya ku kwetu kupitira mu veta. ²² Ano ngoli veta kwahoreka ndjo nadintje dikare munda dipire kumoneka. Karunga kwaruwanine vyaweno mposhi atwe ngatu wane liyoghoro na matwenyidiro ghalipuro lyaku pitira mwaYesusi Kristusa litambe ku vantu vaku pura. ²³ Kumeho atwe shimpe kapi tuna wana lipuro, atwe kwakalire mumango namu ghupika waveta, dogoro mpopo twa wanine Mbudi YaRuhafo na lipuro ntani tuna ku manguruka tuyive naku wana lishorora. ²⁴ Kutanta ashi veta kwatu ronga naku tupopera dogoro mpopo aya tikire Kiristus ku kwetu, ntani ngatu yawana Mbudi YaRuhafo na lipuro ngatu yoghoke ku ndjo. ²⁵ Ano ngoli pa weno Mbudi YaRuhafo weno twa yiwana mbyo tuna kara na lipuro, ntani kapi tuna hepa nka ku kara munda yaveta yamureli. ²⁶ Anwe weno muna kara vana vaKarunga vaKarunga kupitira mu lipuro lya Yesus Kiristusi. ²⁷ Mbyovyo shingi shenu ovo vayoyilire mwaKristusa mwakudwateka na ghumwenu na Kristusa. ²⁸ Kundereko nka mu Yudeya ndi mu Girika, kundereko nka mupika ndi mumanguruki, kundereko nka mukafumu ndi mukamali, mbyovyo ashi anwe namuvantje muvamwe mwaKristusa Yesusa. ²⁹ Nangeshi anwe vaKristusa, anwe ruvharo rwaAburahamu, ntani naye kutwara kulitwenyidiro.