¹ Weno vyakuhamena liyo lyaHompa wetu Yesusi Kristusi ntani na likugwanekero lyetu mu kukakara kumwe naye, ntani nalishungido lyalinene kukwenu, vaghuni vande, ² kapishi mu kuhove kutangana ndipo vimukundame, mpirindi kumpepo ndi kumbudi ndipo kumbapira oyo yina kumupempuro mutunde ku kwetu oyo yina kudjonaghuro ashi liyuva lyaHompa lyaya kare. ³ Pa shakara ghumwe ogho ana kumupukito murepe keheruno. Hompa kapi ngaya dogoro ghudini Karunga nga ghuyerane ntani mudiniveta nga moneke, mona mudjonaghuli. ⁴ Ndje muka nkore ntani nga kunenepeka mwene muku divyuka vininke navintje vyashinaghu Karunga ndipo nkediyinya vafumadekitanga Karunga. Muruhulilira,ghuye nga kashungira muntembeli yaKarunga na kuku twenya mwene ashi Karunga. ⁵ Kapi muna kuvhuruka ashi shirugho osho naya kalire nanwe naya vimutantelire vininke vino ndi? ⁶ Weno muna viyiva ashi vinke vinamu kwato,mposhi ghuye ngaya kuyivita pa shirugho shaghuhunga. ⁷ Nkondo da mudiniveta kuna kuruwana dina kuruwana, mukaholya holya, ngoli vyakushorokoka kapi nga vishoroka dogoro nange nkoko ngava mughupa mundjira. ⁸ Makura mudiniveta nga shoroka,ogho ngaya dipayita Hompa Yesusi na munku wamukanwa kendi na kumushuva mungosho kulimoneko lya kuya kwendi. ⁹ liyo lya ghuno mudiniveta nga likarako kupitira muviruwana vyaSatana na nkodo nadintje, viyivito,na vitetukito vyamapempa, ¹⁰ ntani na maghudona naghantje ogho nga yapukitita ovo vakombano,mukondashi vavo vashwena ushiri mukurenkashi vaka paruke. ¹¹ Mukonda yavino Karunga ngava tumina liku yuvho lya nkonda mposhi nga vapure muvimpempa. ¹² ntani mposhi nga vaka vapangure mukonda yakudira kupura ghushiri ano mulivango lyavyo vavo mbyo vapingidamo ghu halimburukwi. ¹³ Ano atwe maruvede nayintje kutapa mpadu kwaKarunga mukonda yenu anwe, vaghunivetu vakuhora mwahompa,mukonda ashi Karunga kwamuhorowora muku karashi nyango yakuhoverera oyo yatupuko kupitira mu likushuro lya mpepo na kupura mughushiri. ¹⁴ Ghuye kwamuyita kupitira mulivangeli lyetu mposhi ngamu kawane lifumano lyaHompa wetu Yesusi kristusi. ¹⁵ Mpongoli ashi, vaghunivande, karenu mu nayimana ndjikiti karenu mu nakoro ntani kweterenu ku nkalito oyo vamuronga, vikareshi munkango ndipo muntumwa tjangwa. ¹⁶ Weno Hompa wetu Yesusi Kristusi mwene na Karunga Shetu, ogho atu horo na kutupa mashengawidiro ghanaruntje nalihuguvaro lyanaruntje kupitira munkenda, ¹⁷ ashengawide nakupameka dimushima denu mushiruwana kehe shino shashi wana nkango.