¹ Paurusi, Selvanusi, ntani na Timoteusi, kunkirishe yava ka Tesaronika mwaKarunga Shetu na Hompa Yesusi Kristusi. ² Ghufenkenda kwenu na mpora yaku tunda kwaKarunga shetu ntani Hompa wetu Yesusi Kristusi. ³ Twahepa kutapa mpandu kwaKarunga ruvede naruntje mukonda yenu, vaghunivetu movya wapera, mukondashi lipuliro lyenu kuna ku kuwederera kukura, ntani shihoro shakeheghuno ghumwe wenu vina kuwederere. ⁴ Atwe naghumwetu kukupanda mukonda yenu munkirishe daKarunga kulidimiko lyenu nalipuro na mumahepeko ghenu naghantje ntani na makutondovoro ogho muna kufwitangana. ⁵ Ghuno ngo ghungambi wampanguro yakuhungama yaKarunga, mposhi nanwe nga muwapere ghuntungi waKarunga, ogho muna kuhepera. ⁶ Mu ushili, vino vyahungama kwaKarunga mu kuvyuta ruvoko kovo vana kumuhepeko, ⁷ ntani rufugho ku kwenu anwe munakuhepo ntani natwe mushi kwavo, opo Hompa Yesusi ngaya kutundirira muwiru nava Engeli vendi, ⁸ mu maraka ghamundiro, kuvyuta ruvokoko vadiro kuyiva Karunga ntani novo vana kudiro kukwama nkango yaHompa wetu Yesusi. ⁹ Vavo ngava hepa ku kashitiko kalidjonaghuko lyanaruntje kuvatundita kushipara shaHompa ntani nga vatunditako kumantjo ghaHompa ntani kushikoda shankondo dendi. ¹⁰ Ghuye nga yaviriuwana vino apa ngaya paliyuva olyo ngaya kukodapeke muvantu vendi vakupongoka mukuyatetura ku pitira mwana vantje ovo vapuro,mukondashi ghungambi wetu kukwenu mwaghupulire. ¹¹ Mukonda yavino natwe ku ko vikida mu kumu rapererako anwe, Karunga amu renke muwapere liyito lyenu ntani na nkondo dendi ghuye atikitilitemo keheshino shitambo shashiwa ntani kehe shino shiruwana shamulipuro. ¹² Atwe kuna kuraperera vino mposhi lidina lya Hompa wetu Yesusi linenepe mumwenu ntani anwe mumwendi, mukutwara kunkenda yaKarunga wetu naHompa wetu Yesusi Kristusi.