¹ 1 Weno, Vaghunivande, turapererangenuko,ashi nkango yayaHompa yikwangure na kufuma,yira momo vina kara ku kwenu ³ Ngoli Hompa walihuguvaro, ogho ngavhuro kumu pameko na ku ghamena ku vadona. ² ,mposhi tuyovoroke kwava vadiro kupura na kuvantu vavadona, kwanavantje nanya vadiro lihuguvaro. ⁴ 4 Tunakara naghupampi mwahompa kuhamena kukwenu,mposhi namuvantje mughu nankondo waHompa yamumwenu, ashi anwe namuvantje kuruwana nakutwikira mukuruwana vininke ovyo twa mutantelire. ⁵ Kumwe Hompa apititire dimutjima denu mushihoro shaKarunga namu lididimiko lya Kristusa. ⁶ Weno kuna kumu rawira anwe, mulidina lya hompa wetu Yesusa Kristusa, ashi tusheshupite kehe vaunyetu ovo vayendango vavo vanadwapa ntani vavo vapirango kutunga kutwara mu mpo oyo mwatambura yakwetu. ⁷ Pana ghumoye yiva ashi vyakuhungama kukoye mukutu pititira atwe, mukonda ashi atwe kapi twakalire nawa shirugho twaya kalire navo. ⁸ Atwe kapi twalire mboroto yakehe uno twa hana kuyi futa, ano ngoli atwe kwayendire matiku namwi muviruwana naviruwana vyaudito, mposhi atwe kapi tuna horo kuya hupitako ghumwe papenu. ⁹ Atwe kwaviruwana vino kapishi mukonda atwe kapi twakara nampangera, ngoli atwe kwaviruwanine nashitambo ashi ngatuyakare, shihonena kwenu mposhi ngamuyatu pititire atwe. ¹⁰ Shirugho osho twa kalire nove, atwe twa kurawilire ve, ''Kwa Umwe ogho anakupiro kuvi hafera viruwana ngasha lya.'' ¹¹ Atwe kwayuva ashi vamweya mukatji kenu mwayenda mwamudona, kapishi ogho anakaro na udwa, paviruwana, ano ngoli shinka sharutu. ¹² Weno yira ghumwe ogho twa murawira naku korangeda mwaHompa wetu Yesusa Kristusa, ashi ovo ngava ruwana nakushagheka ntani nakulya mboroto yana ghumwavo. ¹³ Enengoli anwe, vaunyande kapi muroroke mukuruwana vyaviwa. ¹⁴ Nangeshi mpwali ogho apiro kutikitamo nkango detu muntjangwa tumwa yino, mukengerenu ntani kapi mupakerere naye, mposhi ghuye ngakufe ntjoni. ¹⁵ Waro nka kapi mumuture yira munankore, ano ngoli murondorenu yira unyoye. ¹⁶ Weno kumwe hompa wampora mumwendi amupe anwe mpora pa shirugho nashintje, pa kehe yino nkedi. Hompa ghuye namuvantje. ¹⁷ Ame, Paurusa, natjangiro vino namaghoko ghanaghumwande, olyo lina kukengururo pa kehe mbapira natjanga. ¹⁸ Nkenda yaHompa wetu Yesusa Kristusa yikare nanwe namuvantje. Amen.