¹ Muruhura, vaghuni vande, kuna kumupampirikida likaromo lyenu mwaHompa Yesusi. Shika momo tupu mwatambura manangwiro ghakutundirira kukwetu kuhamena weni omo muyenda nakufumadeka Karunga, nka mundyira ndyoyino kovikidenu, mposhi muruwane naghudamiki ² Kukwenuko anwe munayiva ashi manangwiro munke ogho twamupa kupitira mwaHompa Yesusi. ³ Ovino vipanga vyaKarunga, likupongoro lyenu, ashi musheshupite likaro panyama, ⁴ keheghuno wenu anayiva weni omo kara shiruwanito mughupongongi namulikufumadeko, ⁵ kapishi mughukaro wamadovo { yira vakafumu ovo vadiro kuyiva Karunga} ⁶ pashakara muntu ghumwe ogho apukito nakuvipita mughunyendi mughudito ghuno. Karunga ndye muvyuti ruvoko muvininke navintjeya, yira momo twa vimurondora shankondo-nkondo nakuvingambipara. ⁷ Karunga kapi atuyitira ghuhakushuki nani ngoli kughupongoki. ⁸ Mpo ngolishi wakushwena vino kapishi vantu anashwe, naningoli Karunga, ogho atapo Mpepo Yakupongo kukwenu. ⁹ Kuhamena shihoro shashinaghuni, kapi muna hepa kwakehe ghuno avi mutjangere, anwe naghumwenu amuronga kare Karunga ashi kuhora-horenu. ¹⁰ Muhepero, ruwanenu vino kuvaghuni navantje ovo vakaro Mumakedoniya mudima. ngoli atwe kuna kumutjokoda, vaghunivetu, mukuviruwana vino mwamuyingi. ¹¹ Atwe shimpe kuna kumukorangeda mukutunga liparu lyahanandyorongani, ghupenuvitumbukiro vyanaghumwenu, nakurughananamavoko ghanaghumwenu, shikamomo twa mupampirikidire, ¹² Mpongolishi muyende kuvyukilira kughuto nakupira kukara nalihuguvara lyalikwafo lyapandye. ¹³ Atwe kapi tuna kumushanena mukare kapukuru, vaghuni vetu, kuhamena kovo vanakuraro, mposhi kapishi nga mukuvere yira vamwe, ovo vapiro lihuguvaro. ¹⁴ Nangeshi atwe twa pura ashi Yesusi afa ntani avhumbuka waro, monka Karunga ngayita kumwe naYesusi ovo vanawiro muturo mumwendi, ¹⁵ kovino atwe kuna kughamba kukwenu kutwara munkango yaHompa, kukwetu atwe tunakuparuko weno, ovo ngavakaro namwenyo shirugho osho ngaya Hompa ushiri kapi nga tupikna vafe. ¹⁶ Hompa mwene ngatunda muwiru. ghuye ngaya namukumo waghunene, naliywi lya muEngelikurona, ntani narumbendo rwaKarunga, ano vafe vamwa Kriastusi mbo muhovo kuvhumbuka. ¹⁷ ntani ngoli atwe nga tukaro kuna kuparuka, ngava tu yambura kumwe novo ngatu kagwanekere naHompa pamaremo. Mundyira ndyoyino atwe ngatu kakara kumwe naHompa. ¹⁸ Mpo ngolishi, kushengawidenu ghumwe naghunyendi nankango dino.