¹ Weno vyakuhamena kuruvevede navinema vaghunivande, kapi munahepa ashi kehevino tuvimutjangere. ² Kukwenuko anwe naghumwenu munaviyiva nawa nawa ashi liyuva lyaHompa kuna kuya yira muwidi matiku. ³ Opo nga vaghamba ashi, "mpora nalipopero," makura mpopo wangu wangu lidyonaghuko ngaliya papavo, ngalikara yira tjuytu yalishampuruko lyamukamli wamushira. kundereko ndyira nayopeke oyo ngava vishendukira. ⁴ Ngoli anwe, vaghunivande, kapi munakara mumundema mposhi liyuva olyo ngali mukondirikide yira muwidi. ⁵ Kukwenuko anwe namuvatje muvana vaghukenu navana vamwi, atwe kapishi vana vamatiku ndipo vana vamundema. ⁶ Makura, twa sharara shika vamwe ovo vana kuviruwano. mulivango lyavo, tu karenu tu navangara ntani tuva ndyewa ndyewa. ⁷ Ovo vararango kwararanga matiku, ntani ovova korwango kukorwa matiku. ⁸ Ano atwe twahameno kumwi, tuna hepa kukara tu vandyewa-ndyewa ntani tudwatenu lipuliro nalihuguvaro lya liyovoko likare likoli lyetu. ⁹ Karunga kapi atuyitira atwe mughugara, nani tuwane liyoghoro kupitira mwaHompa wetu Yesusi Kristusi, ¹⁰ ogho atufera mposhi nampirindi tukare tuvayumi ndipo tufe atwe kuparuka kumwe naye. ¹¹ kutjokedenu ghumwe naghunyendi nakukutunga ghumwe naghunyendi shika momo mwaviruwana napantje. ¹² Kulishungido lyetu atwe kukwenu, vaghunivetu, mukutambura ovo vana kuruwano mukashi kenu ntani novo vana kumupangero mulidina lya Hompa novo vana kutapo manangwiro kukwenu, ¹³ kuvatekukura mushihoro shashinene mukonda yaviruwana vyavo. Karenu mumpora mwana ghumwenu. ¹⁴ Atwe Kuna kumutjokeda anwe, vaghunivande; rondorenu ovo vana dwapo, twenu mukumo kovo vana dombo, vaterenu vakakuwa, karenu muna kudimikiri kumehoyana vantje. ¹⁵ kengenu ashi mwasha kuvyutangera ghudona naghudo ghumwe naghunyendi, mulivango lyavyo, rambararenu ovyo vina karoshi viwa kwakeheghuno ntani nakunavantje. ¹⁶ Karenu naruhafo kehepano. ¹⁷ Kuraperera mwahana kushayeka. ¹⁸ Mwanavintje tapenu mpandu. Ovino mbyo vipanga vyaKurunga mwakristusi Yesusi. ¹⁹ Nakudonganitashi Mpepo yaKupongoka. ²⁰ Nakushwaghurashi maghuporofete. ²¹ Konakonenu vininke navintje. Kwatererenu kovyo vyaviwamo. ²² Kuporenu kwakehe vino vyavidona. ²³ Ndi Karunga wampora amupongore mwamunenene. Ndi mpepo yenu nayintje, monyo, narutu kughupenu kumaghundyoni naghantje nga muwapere liyo lyahompa wetu Yesusi Kristusi. ²⁴ Mapuliro ndye ndyegho amuyito, ndyenka ndyegho ndye ngaka viruwano vino. ²⁵ Vaghunivande, tu rapererangenuko natwe. ²⁶ Kunditirenupo vaghuni vande navantje nalincumito lyakupongoka. ²⁷ Kuna kumurawira mwaHompa mukutwara mbapira yino mukayivarwire vaghunivande navantje. ²⁸ Nkenda yaHompa wetu Yesusi Kristusi yikare kumwe namwe.