¹ Ngoli, apa vyatuvhulire kukudidimikira, atu vighayara ashi kuviwapa mukukara tupu mpantjetu muAtenasi. ² Mbyo twa tumine Timoteusi, mughunyetu ntani muruwani ghunyetu muvirughana vyaKarunga mukuhanita mbudi yayiwa yaKristusi, mukumu pameka nakumushengawida kutwara mulipuliro lyenu, ³ Mpo ngoli ashi pashakara ghumwe ogho ngaghanyunganga masheteko. kukwenuko anwe naghumwenu munayiva ashi kovino atwe kwatu hangura. ⁴ Ghushiri, apa twa yakalire nanwe, twa mutantilire muruvede ashi atwe ntantani tuwire mumahepeko, movyashorokire ngoweyo, shika momo munaviyiva. ⁵ Koyino konda, kapi navhulire kuvikudidimikira mpo natumine ni yayivilite kuhamena kulipuro lyenu.pamweya musheteki anakambadara mukumusheteka nwe, yira viruwana vyetu kwayenda tupu mungosho. ⁶ Makura Timoteusi aya kukwetu atunde kukwenu nakutuyitra mbudi yayiwa yakuhamena kulipuliro lyenu nashihoro. Aya tutantere ashi anwe kehepano kwatughayaranga namaghano ghamawa nakushana kutukenga yira momo twashananga kumukenga natwe. ⁷ mukonda yavino vaghuni vande, atwe twakolire mukonda yalipuliro lyenu. ⁸ Weno atwe kuna kuparuka, nangeshi anwe munayimana ndyikiti mwaHompa. ⁹ Mpandu munke tuvhura kutapa kwaKarunga kuhamena kukwenu, kuruhafo naruntje oro tuna kara naro kumeho yaKarunga wetu rwakukwenu? ¹⁰ Matiku namwi atwe kuraperera ghunene ndi tumone vipara vyenu ntani tu yakugaghunwine ovyo vina pumbo mumapuliro ghenu. ¹¹ Karunga wetu ntani shetu mwene, naHompa wetu Yesusi Kristusi, atuneghede ndyira yetu yakukwenu. ¹² Ndi Hompa amurenke mukuwederere nalikukwatakano mushihoro shaghumwe naghunyendi nakuvantu navantje, shika momo tuna kuviruwana atwe kukwenu. ¹³ Ndi kolite dimushima denu, mpo ngoli ashi ngamupongoke kushipara shaKarunga naShetu opo Hompa Yesusi Kristusi ngaya kumwe nava pongoki navantje.