¹ ओरुङ आला च्याङसे क्या देता ओरुङ आला सुङ कन्ज्यककि ङा सप छे ना होसिङ ङाङ ङा सप मेबा ग्येगुप मोडोसित । ² च्यिलासिसिन तिबाला दगेराङ ङिराङला साङ लेन लेमु साबु हिन । कोतु छिक क्यि सुङलाङ खेप्साङ मागाल ति लेन कोतु तिबा मोबा माक्याबु राङ सहभागि गाल्नि खिराङला खेप्साङ मागाल ³ च्यिलासिसिन ङिराङ तिला मोबा क्याबु हिन ति ङा सप ङिमाला ङिराङ क्युंगु, दुक्यानि तिकि सासुङ, ‘’ङेकि ङाला ङ्येर्मा लाबुला ना सोबिन् तिबा नाम्लाङ ङे ङा सप ङिमा मुस्युगु । तिकि सिक्यासुङ जम्बुलिङलाकि सुरुला राङ तिकि जोताङकि लाका खोला गालु नक । ⁴ च्यिलासिसिन ङिमा दिन ला तिकि काङ साबु हये ।‘’ कन्ज्यककि ङिमा दिनला दाक्पि तेरि लाका सिन्नि ङा सोसुङ ।‘’ ⁵ लोङ तिकि सासुङ, किराङ नाम्लाङ ङे ङा सप छे नाम्लाङ मुस्युगु ⁶ तिकि ङा सप छे तरुङ साङ स्युगु तुजेराङ ह्ये ; तेमे आला एस्राएलि तिबिकि लेनलेमु कोसुङ तेमे तिबिकि का माङेन्बु किसाला दि ङा सप छ्ये सुङ मास्यु । ⁷ ‘’आरिङ सानि कन्ज्यककि लोङ दक्पुजिक निश्चित ङिमा जोनि ह्ये । आला दिनला ति दाउद तानि ताम क्यासुङ, ति तङनेसुर राङ जोबु नक, ‘’हारिङ किराङ तानि तिकि होरला किसिन , खिरे सेम क्योङबु माजो ⁸ च्यिलासिसिन यहोशुकि तिबाला ङा सप ङिमाला बिनु हिनसिन् कन्ज्यककि राङसा ङीमाला बातेर मिक्यु । ⁹ कन्ज्यकक मितिबि चाला ङासप ङिमा हुङु ति तरुङ बाकि राङ ह्ये । ¹⁰ च्यिलासिसिन कन्ज्यककि ङा सपला स्युगु, ति दाक्पुराङ दाक्पि लाका नेबा ङा सोक्यु । ¹¹ तुकराङ क्यानि ङिराङ ति ङा सपला स्युगु छोल, तेमे सुङ ति का मिक्यिबु नाङला मोख्योल्सित तेसुर तिबा स्युसुङ ¹² च्यिलासिसिन कन्ज्यककि सुङ सेन्बु ताङ लाका किरु तेमे छ्या ङि हतु तरवार सिना क्ष्येतुप ह्ये तिकि थु ऊ ताङ काङला राङसा ज्यगु तेमे ति सेमगि नासाम ल्याहा थुप्कित । ¹³ तङि काङ ताम कन्ज्यककि मिकला नेबा यिबु मेत । तेमे येशु गमाला तेरि ताम तिबा सेङि ह्ये तिला ओरुकि लेखा तेर्ग्योक्यु ¹⁴ ङिराङ तानि ग्येर्पु क्षोने ह्ये ति दे;वाच्येन नेबा गालु हिन । ति कन्ज्यककि पुज्युङ येशा हिन । ङिरे दाक्पि मास्येबु तिबा ओरुङला सेमसो तेरु मुतुपु दक्पुजिक क्षोने ग्येर्पु मेत । तिकि सट्टाला ङिराङ तानि दक्पिजिक ह्ये । ¹⁵ ति ओरुङ दगे राङ खक्पा ल्हापला गाल्नि गालुसुङ, लोङराङ येशु दिक्पा मेतुप् ह्ये । ¹⁶ तेमे ओरुङ कन्ज्यककि काटिनकि ग्याल्ठिकला सेम दरो क्यानि ग्युक, तेमे मेतु तुजेला ओरुङ आटिन ङ्ये थक्यु