¹ च्यिलासिसिन तेरि क्षोङ ग्येर्पु तिबि पार्ने क्याला राङ लेमु हिन । कन्ज्यककि थोकतिबि लोला लाका किरु मितिबिकि छापुला तिला ज्यितु हिन । ² तेसुर तिकि दिक्पा किसाला ज्येङबा ताङ ङेयत्पा ङिर मेतुप तानि खा ज्यापु क्यानि लाका क्यि । ³ तिकि किसाला तेसुर तिकि मिकि दिकि नेसुर ज्येङबा दगे तुक्राङ क्यानि तिला दाक्पि दिक्पा कि लोला ज्येङबा दिक्पा नेसुर तिला साङ दिक्पा दाक्पि किसाला ज्येङ बा तेरु क्याबु नक ⁴ सुङ मिकि दाक्पि दाक्पराङ दाङदेन दगेरङ कन्ज्यककि तिलाङ काताङु ह्ये । ⁵ तुक्राङ क्यानि चावाला क्षोङे ग्येर्पु जोबु किसाला न त तिकि दाक्पुला राङ तेगु हिन । बरु ति तानि ताम किरुकि सासुङ, ‘’ख्यो ङे पुज्युङ; अआङ ङआ क्ञओ पापा गालु हिन ⁶ राङसा दासाला साङ तिकि साबु ह्ये। ख्योरुङ नाम्लाङकि मल्किसेदेककि दर्जा दगेराङ ग्येर्पु हिन ⁷ येशु जुबुला हुङ्गु तुजेला तिला स्येपनेबा ह्रकुब कन्ज्यक तानि येशु कि बोबु होर्ला दुङाल ताङ मिक्चयुर तानि मोवा तेमे निवेदन क्यासुङ । येशुकि दाङदेन किसाला तिकि गोसुङ । ⁸ येशु दक्पुजिक पुज्युङ गाल्नि साङ दाक्पि खूरु दुक्पा ति काकिरु लाप्सुङ ⁹ ङेबा मेतु जोसिमा येशला का हुङु तेरिला येशु नाम्लाङ कि थावा गाल्साङ । ¹⁰ मल्किसेदेक दगेराङ क्षोङे ग्येर्पु हुङुला कन्ज्यककि नियुत्त क्यासुङ । ङिराङ तानि येशुकि लाला सिरु आला ताम ह्ये । ¹¹ तेमे ख्यिराङ गोदु दिक्पि गालु नक , तेमे व्याख्या किरु काबु गाल्सुङ ¹² च्यिलासिसिन दि तुजेला नि ख्यिराङ लबेन हुङगोबुति , तेमे ख्यिराङ का लोङ सिसाङ कन्ज्यककि सुङकि तेम्बा ङ्याबु लोप गोकिवि । ख्यिराङ ला साब क्योङ मिङ, हमा सेङ गोकिवि नक । ¹³ च्यिलासिसिन हमा क्या थुनि सुङसाङ दिक्पा मेतुपकि सुङ तानि छोर मुतु । ¹⁴ तेमे सेन क्योङबु ति खामु तिबि ति च्यिलासिसिन तिबा ति खामु बुजाकि डलामकि तिबाति डेनेबा लेमु टाल्नि ज्याक थुपु