लिउ ३
1
तिकि किसाला, चेङ्ङे नुक् तिबा, खिराङ् देवाचेन्कि काताङ्बाला डाडा जबप्ला काताङ्ङु अरे छ्योने गेर्पु, प्रेरित ताङ् येशू ख्रिष्ट ला नासाम् तोङ्।
2
सि कि खोला जोसुङ्, खो कन्ज्यक् कि कला मोवा कि दिमुनक्। तुक्राङ् क्यानि मोसाङ् कन्ज्यक् कि खाङ्बाका मोवा कि.दिमु नक्।
3
कन्ज्यक् कि मोशाला सिना आला गेर्पु मोवा बिन्नक्। चिला सिसिन्, खाङ् बा ति सिना खाङ्बा जप् ति छ्ये हिन्।
4
खाङ्बा तिबा तेरिक् सिकि हिन्सिराङ् जोबु गिउ। हिन्सिराङ् तिला गोबु तेरिक् सामा तिबा ति जन्ज्क् कि जोबु हिन्।
5
छ्याजिक्ला, मोशा कन्ज्याक् कि तेरिक् खाङ्बा तिबाला रेत्पा कि दिमु यक्पु दगे तिङ्ङि ङिमाला ल्हापु हपुप ताम् दगे नक्।
6
हिन्सिराङ् कन्ज्यक् कि खाङ्बि याक् ल्हासुङ्। अरेकि तेरिक् रेत्पा तानि खोला जिम्सिन्, ओरुङ् गा दिङ् कि सि थुक्यु, ओरुङ् खोकि खाङ्बिति हिन्।
7
तिकि किसाला, थु चेङ्ङे कि साबु दगेराङ्, “हारिङ् ख्यरेकि, खोकि होरु कोसुन,
8
खाङ् मेतुप् दासाला खक्पा ल्हाप तुजेला तिकि खाला लाबु दगे खिरे सेम खिरे सेम् मेतुप मि दगे सेम् ग्योङ्बु माजो।
9
लो खाल्ङि साक् ङे क्याबु याक तिबिकि थोङ्सुङ् हिन्सिराङ् ख्यरे पुर्खा पागाबा तिबिकि ङे खाला लानि खक्पा ल्हासुङ्।
10
तिकि किसाला ङाला ति गिपा तानि दुक्पा लासुङ्। ङे कि साबिन्, ‘खिराङ् नाम्लाङ् दाक्पि सेम् तानि टो निते गालुप् हये। तेमे तिबाला ङे लाम् राङ् छ्या मेत्।‘
11
ङेर्मि तु ला ङेकि ना.क्यालिन्; खिराङ् नाम्साङ् ङे रेत्पाला स्युकु मेङेउ।“
12
नुक् तिबा च्याङ्बु क्यानि देत्। तेमे खिरे नाङ्ला सुङ् खनाक्पा ताङ् मोवा मेतुप् मुच्युङ्सित्, ति सेम् तिकि थर्वा कन्ज्यक् नेसुर टाल्निते थारे दानि मोडोसुत्।
13
ति सिना, नाम्साक्, ‘हारिङ् ङिमा’ सुरु ताम् हये, ङिमि टाङ् च्यिगि ज्यार्माला सेम्सो कि। तिकि किसाला, खिराङ्, जुनक क्यानि दिक्पा खूर्नि सेम् सेम् राबु मोजोसित्।
14
अरेकि थालमा नेसुरराङ् खो तानिते ज्याकुप अरे मोवाला रेत्पा क्यानि राबु क्यानिते ओरुङ् ज्याक्सुन्, ख्रिष्ट तानि ओरुङ्ला डाडा हये।
15
तिकि कला, “हारिङ् खिरेकि खोकि होरु कोसिन् थामु क्याबु दगेराङ् क्यानि खिरे सेम् क्योङ्बु माजो।
16
ति सु हिन कन्ज्यक कि होरु कोनिते खोला खा क्यासुङ्? खाङ् तिबा तेरिक् मोशाकि मिस्र लुङ्बा नेसुर तेनि खबु तिबा मिन्?
17
ति तानि खो ल्हो खाल्जिक् साक् ङेर्मा क्याबु मिन्? खाङ्ति दिक्पा किरुप् तिबा तानि ति तानि स्याब् रो तिबा खाङ् मेतुप् दासाल थोर्रु मिन्?
18
तिबा खोकि ङा साप् ङिमाला स्युक् मुथुबु सिनिते सु तानि खोकि का क्यालु हिन्, खाङ् तिबा खोकि का ङेदुप् तिबा मिन्?
19
रेवातुकि कि माथुबुकि किसालाराङ् तिबा खोकि रेवाला स्युक् माथूबु ङिरेकि थोङिनक्।