लिउ ९
1
ते साऊल तारोङ्साङ् चावा लोमा तिबाला स्येतुप धम्कि तेरिन्दाङ् प्रधान पुजारि चाला गाल्सुङ्।
2
तेमे ते हतुप तेरि ख्यक्पेजा पुमा तगेरिला टानि यरुशलेमला खुङगुप ङेसित सिनि दमस्कसककि सभाघर तिबाला पत्र लाङ्सुङ्।
3
तिबा डोइ किरुप तुज्येला दमस्कसला ख्योरुङ् ख्योल्सुङ ते आकस्मात तिकि चाला देवाच्येन नेबा लेबुप टादिङ्गि थोङ्सुङ्।
4
ति गाङ्डिल्सिङ्मा तिकि दुक्सिरुप उटाक ज्यिक कोसुङ्, “ए शाउल, एशाउल ख्योरुङ् च्यिला ङाला दुल्पा तेर्कि?”
5
शाउलकि सिक्या, “चावा ख्योरुङ् सिहिङ्?” चावाकि सिक्यासुङ्, “ङा ख्यरे दुक्पा बिन्दुपयेशु ति ङाराङ् हिङ्।
6
ता ल तेमे ग्यासाला ग्युक तेमे ख्यरेकि खाङ् सिगोकि ति ख्यिरुङ्ला सिउ।
7
शाउल ताङ् क्यानि युकिन किरुप तिबिकि उटाक तिक्पा कोसुङ्, तेमे तिबिकि ते सुलाङ् माथोङ् तिबा अवाक गाल्नि देसुङ्।
8
शाउल लाङ्सिन तिकि खाङ् माथोङ्। तेमे तिबिकि लाक्पाला जिम्नि टिनि दमस्कस्ला क्याल्सुङ्।
9
तिकि ङिम्प सुम साक ति कि मिक्कि खाङ् माथोङ् तेमे मासो।
10
दमस्कस्ला हननिया मि क्याबुप लोमा जिक नक्। चावाकि तिला दर्शन बिन्सुङ्,” ए हननिया” तिकि सिक्या, “चावा ङा दगेराङ् ह्ये।“
11
चावाकि तिला सिक्यासुङ्, “ल तेमे सोझो सिरुप लाम्ला ग्युक तेमे ते यहुदा खाङ्बाला टार्ससकि शाउल मिन क्याबुप मि जिक्ला छोल्। च्यिलासिसिन ति मोपार कि ह्ये।
12
तिकि मि थोङ्सित सिनि हननिया मिन क्याबुप मिजि तिकि खाला लाक्पा ज्याकुप जिक थोङ्गुप ह्ये।“
13
तेमे हननियाकि सिक्या, चावा तिकि यरुशलेमला ख्यरे मि चेङ्गि तिबाला उदेक दुक्पा बिन्दुप ह्ये सिरुप ति ङे कि मि बाङ्गिकि खा नेबा कोदु ह्ये।
14
ख्यरे मिन लाङ्गुप तिबा तेरिला जिम्बुला मुख्य पुजारितिबि तेबा ओङ्जेङ् ङेतुप ह्ये।“
15
तेमे चावाकि तिला सिक्यासुङ्, “ग्युक च्यिलासिसिन ज्येन मिरिक तिबा ताङ् ग्याल्बु तिबा ताङ् इस्राएलकितेरि पेजा तिबि चाला ङे मिन सिरुपला ति ङे मि हिङ्।
16
च्यिलासिसिन ङे मिङ् कि किसाला तिकि चो दुक्पा ङेकि सिरुप ति ङा तिला छ्या देन्ग्यु।“
17
तेमे हननिया गाल्सुङ् ति खाङ्बि नाङ्ला स्युसुङ। तिकि खाला लाक्पा जाङ्नि सिक्यासुङ् नुप शाउल, ख्यरेकि मि थोङ्सित सिनि थु च्येङ्गिकि केङ्सित ख्योरुङ् उङ्गुप तुजेला थोङ्गुप चावा येशुकि ङाला ताङ् गुप हिङ्।
18
शाउल मिक नेबा पाप्रा दगे लुम्सुङ् तेमे ति कि मि थोङ्गुप गाल्सिमा बप्तिस्ला राङ् देसुङ् लोमा तिबा ताङ् क्यानि।
19
तिकि सामा चेज्यिक् सोसिमा तिकि जुबुला ङार लेसुङ् । ति ति ङिमा चेज्यिक् तिङ्ला साक् टाबा तिबा तानि दमस्कसला राङ् देसुङ् ।
20
स्यारि येशु राङ् कन्ज्यक पुज्युङ् हिङ सिदाङ् तिकि सभाघर तिबाला खोकि प्रचार क्यासुङ्।
21
तिकि ताम ङेदुप तिबा तेरि याम्छेङ् क्यासुङ् तेमे तिबिकि सिक्या, “यरुशलेमला दि मिन लाङ्गुप तिबाला सेतुप मि ति दिराङ् मिन्ना? खाङ तिकि दिबाला टानि मुख्य पुजारि तिबि चाला टि डपला दे लेपुप मिन्ना?”
22
तेमे शाउलला जन ङार लेप्सिमा तिकि येशु राङ् ख्रिष्ट हिन्सिनि दमस्कसकि मितिबाला अकमक्क जोसुङ्।
23
ङिमा आलाकि तिङ्ला यहुदितिबिकि तिला सेतुप छाल्सुङ्।
24
तेमे शाउलकि दाक्पुला सेतुप छालुप ति छ्या ङेसुङ्। तिला सेतुप सिनि तिबा नुपङिन गोनेबा ल्हाइ देसुङ्।
25
ते खोकि लोमातिबिकि नेबि राङ् पर्खाल नेबा टोकरिला लुङ्नि क्युर्सुङ्।
26
शाउल यरुशलेमला लेप्सिमा लोमा तिबा ताङ् देतुप छाल्सुङ्। लोमा तिबिकि ति लोमा मिङ् सिनि तिकि ताम पात्ते माक्या तेमे तिबा तेरि ज्यिबा क्या।
27
तेमे बारनाबासकि खोला लोमा तिबि चाला टिलेसुङ्। दमस्कस लाम्ला शाउलकि चावा च्युगक्यानि थोङ्सुङ् तेमे चावा दाक्पु ताङ् क्यानि ताम क्याबुप ति दमस्कसला च्युक क्यानि येशु मिङ् सिक्यासुङ् सिरुप ति तिबाला सिक्यासुङ्।
28
यरुशलेम फिनाङ् किरुप तुज्ये तिकि तिबाला ठेसुङ्। तिकि शाहसपुर्बक चावा येशु मिनला ताम क्या।
29
तेमे तिकि ग्रिक यहुदि तिबा ताङ् क्यानि थामु ग्याप्सुङ्। तथापि तिबिकि तिला सेतुप छालुप ताम ति,
30
नुपतिबि छ्या ङेसुङ् तेमे तिला कैसरियाला टिलेसुङ् तेबा तिला टार्ससला ताङ्सुङ्।
31
तुक्यानि तेरि यहुदिया, गालिल ताङ् सामरियाला हतुप जोम्खाङ्ला शान्ति छायो तेमे जोम्खाङ् मजबुत गाल्सुङ्। चावा कन्ज्यक भय ताङ् थुच्येङ्गि सान्तानला जोम्खाङ् तिबा बढेक्यासुङ्।
32
पत्रुस तेरि दासाला डप तुजेला ति लुङ्डा दासाला देतुप मितिबि चाला ख्योल्सुङ्।
33
तिकि ते एनियास मिङ् क्याबुप मि जिम्ला ठेसुङ् ति लो ग्येसाक दासाला देतुप ज्यिक नक च्यिलासिसिन तिला पक्षघात गालुप हिङ्।
34
पत्रुसकि तिला सिक्या, ए एनियास येशु ख्रिष्टकि ख्योरुङ्ला टेक्जि क्यु। तेमे ख्यरे दासा जेउ। ति स्यारि लासुङ्।
35
लुड्डा ताङ् शारोनला देतुप तेरिकि तिला थोङ्सुङ् तेमे तिबा तेरि चावाला लेसुङ्।
36
ता योप्पाला तबिता (ग्रिकमा डोरकास) मिङ् क्याबुप पुमा ज्यिक नक। ति पुमाति यक लेमु किरुप ताङ् कृपापुर्ण लाकाकि किरुप ज्यिग नक तेमे तिकि पेरेङ्बु तिबि लेहेनक।
37
ति ङिमाला ति नानक तेमे ति स्यिसुङ्। तिबिकि ति स्येप जुबु तिला टुनि खाङ्बि नाङ् ज्याक्सुङ्।
38
लुड्डा योप्पा चालाराङ् हतुप किसाला पत्रुस ते नक सिरुप ति लोमा तिबि कोसुङ् तिबिकि दुक्सिनि तिकि चाला लोमा ङिद कला ताङ्सुङ् “बिलम्ब माक्याबा क्यानि अरे चाला लेम्नि नाङ्।“
39
पत्रुस तिताङ् क्यानि गाल्सुङ्। ति लेम ख्योल्सिमा तिला तेकि ठोकाला टिगाल्सुङ्। पत्रुस चावाला हतुप तेरि खोरुङ् मेतुप पुमा तिबा ङुइ किनक तेमे तिबिकि डोरकासला तिबा ताङ् क्यानि हतुप तुज्येला तिबि जोबप माज्या तिबा छ्या देदिन किनक।
40
पत्रुसकि तेरिला फिला तेङ्ताङ्सुङ् तेमे टिमुङ् चुनि मोपार क्या। स्येप तिकि तेबा ग्युर्नि तिकि सिक्या, “ए तबिताला “ तिकि दाक्पि मिक पेसुङ् तेमे पत्रुसला थोङ्सिमा ति देसुङ्।
41
तेमे पत्रुसकि तिला दाक्पि लाक्पा थनि लाङ्सुङ्। तिकि मोवा क्याबु तिबा ताङ् खोरुङ् मेतुप ति तिबाला डाके तेमे तिबि चाला तिबा सेन्बु हतुप ति छ्या तेङ्सुङ्।
42
दि लेन तेरि योप्पाला ख्योल्सुङ् तेमे मि बाङ्गिकि चावाला मोवा क्यासुङ्।
43
पत्रुस ङिमा आला साक सिमोन मिङ् क्याबुप ज्यिक ताङ् क्या देसुङ्।