लिउ ८
1
ति स्येतुप ति शाउल तिङ् डिकुप क्यासुङ्। ति ङिमाला यरुशलेम जोम्खाङ् बिरुद्दला सतावट सुरु गाल्सुङ् तेमे प्रेरित तिबि तेमे ज्येन मोवा क्याबु तिबा यहुदिया ताङ् सामरिया दासाला तितर बितर गाल्सुङ्।
2
कन्ज्यकला मोवा किरुप मि। स्तिफनसका उप्सुङ् तेमे तिकि थक्ला उदेक ङुसुङ्।
3
तेमे साउलकि जोम्खाङ्ला उदेक हानि क्यासुङ्। ति खाङ्बि टाङ् गाल्नि पुमा ख्यक्पेजा तेरिला दानि लेम्नि चोङ्खङ्ला उप्किनक्।
4
ते तेरि थोर्नि गालुप मोवा किरुपमि तेरि दासाला सुङ्लिन युसुङ्।
5
फिलिप सामरिया दासाला गाल्सुङ् तेमे तिकि तिबाला ख्रिष्ट लला सिक्यासुङ्। तेमे हुलकि फिलिपकि क्याबुप तातिबा थोङ्सुङ् तेमे तिबिकि ध्यान बिन्नि ङेन्सुङ्।
6
तेमे छबु मि तिबिकि फिलिप्कि क्षा तेन्तुप् ता तिबा थोङ्सुङ् तेमे तिबिकी ल्येमु क्यानि तिकि ताम् ङ्येन्सुङ् ।
7
च्यिलासिसिन तिबि तेबा मेलेबा थु तिबा उटाक किदाङ थेन्निलेसुङ् तेमे बाङ्गि जुबुथेङ्बा ताङ् लङ्गडातिबा टेसुङ्।
8
तेमे ति ग्यासाला उदेक आनन्द क्यासुङ्।
9
दि ग्यासाला सिमोन मिन क्याबुप मिजिक नक तिकि तङ्ला जादुगरि किनक ति प्रभावसालि हिङ्नोक सिरुप ति दाबि किदाङ् तिकि सामरियाकि मितिबाला याम्छेन कि ज्योकि नक्।
10
तेरि सिना टिक्पे तिबा ताङ् तेमे तेरि सिना बोम्बु तिबि कि खोकि ताम तिबा ङेङ्गि नक्।“दि कन्ज्यक ङार हतुप तेमे महान सिनक।
11
तिबिकि तिकि ताम ङेङ्गिनक् च्यिलासिसिन तिकि दाक्पि जादुगर नेबा तुज्ये बाङ्गि नेबा क्ये तिबाला चकित जोबुप नक।
12
ता फिलिपकि कन्ज्यक ग्याल्खाप ताङ् येशु ख्रिष्ट लेनलेमुकि कला खाङ् सिक्यासुङ् तिबिकि तिबा मोवा क्यासुङ् तेमे ख्यक्पेजा ताङ् पुमा तेरिकि बप्तिस्मा लासुङ्।
13
सिमोन साङ् मोवा क्यासुङ् तेमे बप्तिस्मा लासुङ्। ति फिलिप ताङ् क्यासुङ्। ता तिबा ताङ् उदेककि यक तिबा थोङ्नि याम्छेन क्यासुङ्।
14
सामरियाकि मितिबि कन्ज्यक सुङ्ला सेमला लाङ्गु सिरुप ताम ति यरुशलेम प्रेरित तिबि कोसुङ् तेमे तिबिकि पत्रुस ताङ् युहन्नाला तिबि चाला ताङ्सुङ्।
15
तिबा लेप्सिमा तिबिकि थुच्येङ्गि, ङेसित सिनि तिबि थक्ला मोपार क्यासुङ्।
16
ति तुजेसाक्ला थुच्येङ्गि तिबा सुलाङ् मालेप्नक चावा येशु मिनला क्या तिबि बप्तिस्मा लानक।
17
तेबा तिङ्ला पत्रुस ताङ् युहन्नाकि तिबि खाला दाक्पि लाक्पा ज्याङ्नि तेमे तिबिकि थुच्येङ्गि ङेसुङ्।
18
प्रेरित तिबिकि लाक्पा ज्याक्सि थुच्येङगि ङेतुप नक सिनि ते सिमोनकि थोङ्सुङ् तेमे तिकि डेबा भिन्नि,
19
तिकि सिक्यासुङ्, “ङालाङ ङार नाङ् तेमे ते ङेकि सिखाला साङ् लाक्पा ज्याक्सिन तिबिकि थूच्येङ्गि ङेसित्।“
20
तेमे पत्रुसकि सिक्यासुङ्, “ख्यरेकि डेबा ख्योरुङ् ताङ् क्या राङ् नाडोसित् च्यिलासिसिन ख्यरेकि कन्जयक सुङ् डेबा थनि ङ्यो थुप्किनक सिनि नासाम ताङ्सुङ्।
21
दिकि कला ख्योरे च्येन्दग बो मेत् च्यिलासिसिन ख्यरे सेम कन्ज्यक तेबा लेमु मिदुक।
22
तुक्किसाला ख्यरेकि कन्ज्यकला मोपार क्यानि सेम क्युर चित, ना ख्योरुङला दिक्पा नेबा थार्वा तेर्कित।
23
च्यिलासिसिन ख्योरुङ्ला ङेकि थोङिनक् ख्योरुङ् तिबा ताङ् दिक्पाकि टानि नक्।
24
पत्रुस ताङ युहन्नाकि साक्षि बिन्सुङ् चावा कन्ज्यक सुङ् सिक्यासिमा तिबा यरुशलेमला गाल्सुङ् तेमे
25
सिमोनकि सिक्यासुङ् “ङाला मोपार क्यानि नाङ्, तेमे ख्यरेकि सिक्याबुप च्येन्दिङ् ताम ङाला मेङेसित।“लाम्ला सामरियाकि युलतिबाला लेनलेमु सिक्या।
26
ते चावा कन्ज्यककि थुजि फिलिपला सिक्या, “ल तेमे दक्षिण तेबा ग्युक ते यरुशलेम नेबा गाजा साक ङप लाम ह्ये(दि लाम ति दासा थेरि ह्ये)।“
27
ति लानि गाल्सुङ्। ते इथियोपियाकि नपुसक नक ति इथियोपिया लुङ्बाकि रानि कन्दाकि ओङ्ज्येन हतुप ज्यिक नक्। ति तिकि तेरि गिज्या कोषअध्यक्ष हिङ्नक्। ति सोवा किरुपला यरुशलेमला लेपुप हिङ्नक।
28
लकिन किरुप तुजेला खोकि रथला यशैया लुङ्तेम्बाकि क्षो रकिङ्किरुप ज्यिक नक।
29
थुच्येङ्गिकि फिलिपला सिक्यासुङ्, “यार ग्युक तेमे ति रथतिताङ् ग्युक्।
30
तेमे फिलिप तिकि चाला गाल्सुङ् तेमे यशैया अगमबक्ता नेबा रकिङ्किरुइ ति कोनि टिनि ल्हासुङ्, “खाङ् ख्यरेकि रकिन्किरुप ति ख्यरेकि हाक किना?
31
इथियोपियाकि सिक्या, “ ङाला सिसाङ् सिमाक्याबा साक ति ङेकि च्युक क्या हाक कोदुजा?” तिकि फिलिपला खोरुङताङ् क्याराङ् रथला देकि ह्ये सिक्या।
32
इथियोपियाकि रकु क्षोकि खण्ड हिङ् “सेदु थुमाला दगेराङ् तिला तिनि गाल,उन कत्रने थुमा खार्पा देदु दगेराङ् क्यानि ति खार्पा देसुङ्।“
33
ति खार्पा देदु तुज्येला तिकि न्याय खुङ्गाल्सुङ्। सिकि तिकि क्षोकि घोसणा कि? च्यिलासिसिन तिकि मिजिरिङ्बु जाबुलिङ्नेबा हरण क्यासुङ्।“
34
तेमे पेजा मेतुपकि फिलिपला टिसुङ्, “ङाला सि दि लुङ्तेबाकि सि कला सिक्याबु ह्ये दाक्पि कला या ज्येनमि कला?”
35
फिलिपकि सिरुप स्युसुङ् तिकि येशुकि कला सिरुपला यसैया दि नेबा सुरु क्यासुङ्।
36
तिबा डोइन किसिन छ्यु हतुप दासाला ख्योल्सुङ्। पेजा मेतुपकि सिक्या, “ल्होताङ् दे छ्यु ह्ये। ङाला बप्तिस्मा लाङ्गुपला सि गोक्यु?”
37
38
,तुक्किसाला, ति इथियोपियाकि रथ गेकुप ला बिन्सुङ् तेमे फिलिप ताङ् पेजा मेतुप छ्यु हतुप दासाला गाल्सुङ् तेमे फिलिपकि बप्तिस्मा बिन्सुङ्।
39
तिबा छ्यु नेबा थेन्सिमा चावा मन्ज्यक थुकि फिलिपला टि गाल्सुङ्। पेजा मेत्पा तिला माथोङ् तेमे दि गाक्यानि दाक्पि लाम्ला गाल्सुङ्।
40
तेमे फिलिप अश्दोदला थोङ्सुङ्। तिकि कैसरियाला माख्योल्बा साक तिकि तेरि ग्यासाला लेनलेमु सिक्या।