लिउ १०
1
कैसरिया ग्यासाला कर्नेलियास मिन क्याबु मेरा चिक मि चिक नक । इटालिया मिन क्याबु पल्टनकि माग्मि क्ष्येम्बु नक।
2
तिदि कन्ज्यकला मोवा किरुप मि नक । तिताङ तिवि गिपा तिवा कोन्ज्यगकि सोवा बुल्गिनक । तिगि यहुदि तिवाला नाम्लाङ बाङि टाङा बिनि कोन्ज्यगला नाम्लाङ मोपार बुल्गिनग ।
3
ङिर्मि ३ बजे ठबाला कोन्ज्यगकि थुचिग राङि क्ष्यला हुङिन कितुप क्ष्यार्पाला थोङ्सुङ । थुकि सिक्यासु "ए कर्नेलियास "
4
कर्नेलियासकि थु ला थोङ्नि जिवा किइ सिक्यासुङ "लासो" सि । थु कि तिला सिक्यासुङ ,ख्यरे मोपार ताङ ख्यरेकि पेरेङबु तिवाला बिन्दुप जिन्बा ति ज्ये मुथुबु ताङ जिन्बा ताङु दगे कन्ज्यगकि दङ्ला ख्योलु वे ।
5
पत्रुस सिनि ङो सेबु सिमोन सिरुब मिला टि हुङ्गुबला योप्पा सिरुप् ग्यासाला मि तिवा तोङ्।
6
ति सिमोन ति सिमोनराङ सिनि ङो सेबु क लाका कितुप् मि तानि देनि वे तिकि खाङ्बा ति ग्याम्छो चाला वे ।
7
राङ ताङ ताम किरुप् थु गाल्सिमा कर्नेलियासकि राङि खाङ्बि यक्पु मिरा ङि ताङ तिकि लाक किरुप् माक्मि पार्ने कन्ज्यगला स्वा बुलुप मेराचिग माग्मि ला का ताङ्सुङ ।
8
कर्नेलियासकि तिवाला तेरिग ताम श्येनि तिवाला योप्पा ला ताङसुङ ।
9
साला तिला तोतो मिन्सिन ङिर्मि क्ष्युजि चिङ्ङि चोला तिवा युकिन युकिन ग्यासाकि चाला लेम् ख्योल्सिन पत्रुस मोपार किरुप्ला खाङबि खाला जेसुङ।
10
तिला ल्हब लानि काङ काङ साब सेम लासुङ हिन्सिनाङ मितिविकि साच्ये चोइ वतुप् ठला तिकि क्ष्यार्वाजिक थोङ्सुङ ।
11
नाम सेनि सामाज्यिग जाम्बुलिङ क्ष्यला ल्हुबिन वतुप् थोङ्सुङ तिदि सुर श्यिगारकि क्ष्यला टानि वतुप् रा गेर्पु दगे नग।
12
तिला काङ्बा लाग्पा ज्यि वतुप् पालाङतिवा, जाम्बुलिङ्ला ताङ नाम्ला फुरुप् च्याज्युम तिवा नग ।
13
ति तिङ्ला वोरु ज्यिगि तिला सिक्यासुङ "पत्रुस खग लानि तिला सेन स "
14
हिन्सिनाङ पत्रुसकि सिक्यासुङ "मिन मेङो चावा , चिला सिसिन ङेकि नाम्लाङ सामा मेचेङा तिवा मासोबा वे ।
15
याङलोङ ति वोरु तिकि चाला लेसुङ कन्ज्यगकि चेङि जोबु तिला ख्यरेकि मेचेङि मासि ।
16
खेप् सुम साग तिनक राङ च्युङसिमा ति रा श्यारि नाम्लाराङ खुन गाल्सुङ।
17
दाग्पि थिङ्गुप क्ष्यार्पाकि तेन्दग काङ हिन सिनि पत्रुस कि नासाम तोङज्यिन कर्नेलेसकि ताङ्गुप मिति गे चाला लेम ख्योल। तिवा खाङ्बा छोलिन लेम्नग ।
18
पत्रुस सिरु सिमोन ति त्या देनि वे ना मेत सिनि तिविकि टिसुङ ।
19
पत्रुस कि तारुङसाङ क्ष्यार्वाकि नासाम तोङिन वततुप् ठला थु चेङिकि तिला सिक्यासुङ ,"ल्होसा, मेरा सुम्गि ख्योरुङ्ला छोलिन वे।
20
खक लानि मालिमला ग्युक तिवा तिनि डब्ब सिनि जिवा माकि चिला सिसिन ङेकिराङ तिवाला ताङु हिन ।"
21
तिकि किसा , पत्रुस ति तिमितिवि चाला गाल्नि सिक्यासुङ खिरेकि छालु मिति ङाराङ हिन , खिराङ चिले वबु हिन ?
22
तिविकि सिक्यासुङ "कन्ज्यगकि स्वोवा बुलुप् कर्नेलियास मिन क्याबु माग्मि दिग्पा मेतुप् मिति तेरिग यहुदि तिवि पार्ला तेरिगकि ङो सेबु नग। कन्ज्यगकि थु चेङिकि खिराङला काताङ्नि ति खाङ्बा ला टि श्यग सिनि का बिन्सुङ चिला सिसिन ख्यरे लेन ङेन थुप्सित्।
23
तिकि किसा पत्रुसकि तिवाला नाङ्ला लेम्नि तिविकि मि तिवा तानि देत् सिनि काताङ्सुङ । सालि टोप तिला पत्रुस लानि तिवातानि गाल्सुङ । योप्पा कि नुग तिवाङ तिताङ क्कयानि राङ गाल्सुङ ।
24
तिङि ङिमाला तिवाति कैसरिया लेम ख्योल्सुङ । कर्नेलियासकि तिवाला गुनि देनक । तिगि राङि मितिवा ताङ राङि डिगुप् दाल्जा तिवालाङ काताङ्नक ।
25
पत्रुस नाङ्ला श्युसिमा कर्नेलियसकि गासो श्युएदाङ श्यावा क्यासुङ ।
26
हिनसिनाङ पत्रुस कि तिला लाङ्नि सिक्यासुङ खक् ल ङा साङ मिराङ हिन ।
27
पत्रुस ति तिताङ ताम किइ किसिन तिदि नाङ्ला श्युसुङ तेमे बाङि मि तिवा तिवा जोम्बुप् थोङ्सुङ ।
28
पत्रुस कि तिवाला सिक्यासुङ "खिराङ्ला क्ष्या वे याहुदि ज्यिगि जेर्मा मिडिगु मितिवा ताङ छकुप् ठेतुप् ति मेलेवा लाका हिन । हिनसिनाङ ङेकि चुकै मिला साङ मेचेङ सिरु मिडिगुइ सिनि कन्ज्यगकि ङाला छ्यातेनि वे ।
29
तिकि किसाला ङाला का तोङसिन मुताम माताङ्बा वाबिन । खीरेकि च्यिले काताङु हिन
30
कर्नेलियासकि सिक्यासुङ ,"ङिमा ज्यि गमाला दजोला राङ ङिर्मि ३ बजे ठबाला मोपार किइ किसिन माज्या कार्मु कोनि मेराचिक ङे दङ्ला थोङ्सुङ् ।
31
तिकि सिक्यासुङ "कर्नेलियास कन्ज्यगकि ख्यरे मोपार कोतुप् वे ख्यरेकि पेरेङ्बु तिवाला बिन्दुप् ज्यिम्बा तिवा नासाम ताङ्नि वे ।
32
तिकि किसाला सुला हिन्सिन योप्पाला तोङ् पत्रुस सिरुप् सिमोनला काताङ्नि टि श्यक्।ति सिमोन सिरुप् क लाका किरुप् मि खाङ्बाला क लाका किरुप् मि खाङ्बाला देनि वे तिकि खाङ्बा ति ग्यामछोकि चाला वे।
33
तिकि किसा ङे श्यारि ख्योरुङ्ला कातोङ् ताङिन । ख्योरुङ् मोताम माताङा लेसुङ । ता कन्ज्यगकि ख्योरुङ्ला बिन्दुप् का तिवा ङेन्दुप् सिनि ङेराङ कन्ज्यगकि दङ्ला वे ।
34
तेमे पत्रुसकि सिक्यासुङ; हुतुङ्राङ् ङाला छ्या वे कन्ज्यगकि सुलाङ छ्य मिकिउइ ।
35
ति सानासाङ तेरिग मिरेगकि नाङ्ला खोकि सोवा बुलुप् ताङ दिग्पा मेतुप् लाका किरुप् मि तिवा खोकि दङ्ला लिङथुबु गिउइ।
36
कन्ज्यगकि इस्त्राएलि तिवाला ताङु लेन तिवा खिराङ्ला छ्याराङ वे ।
खोकि तेरिगकि चावा येसु कि थगने सेम किर्मि लेन ल्यामु श्येसुङ ।
37
युहन्ना कि बप्तिसमा कि तिङ्ला गालिलने यहुदि काङ लेन श्येतुप् ज्युबु लाका ति खिराङ्ल छ्या राङ वे ।
38
ति लाका तिवा नासरत येसुकि कला हिन । तिला ति कन्ज्यगकि थु चेङि ताङ ङारकि ओङ बिन्दुप् नक् । खोकि लाका लेमु तिवा किइताङ डेकि दुग्पा बिन्दुप् तिवाला थार्वा तेरिन गाल्सुङ चिला सिसिन कन्ज्यक ति तितानि नक्।
39
यहुदिकि लुङ्बा ताङ यरुसलेम ङिकारला कन्ज्यककि क्याबु लाक तिवा ङेराङ्ला छ्या वे । देराङ् येसुला तिविकि ग्याङ्सिङ्ला काल्नि सेसुङ ।
40
कन्ज्यककि खोला ङिना सुमगि छेमुङ सेन्बु लाङ्नि थारचिसुङ ।
41
तेरिग्कि चाला मिदा कन्ज्यककि तङ्नेसुरराङ् दाम्बु मि तिवि चाला ङेराङ्ताङ् थोङ्गुप् मि तिवा हिन । ङेरेकि खो श्येप् नेसुर सेन्बु लासिमा खो ताङ्राङ शाप् थुङ्गुप् क्याबिन ।
42
कन्ज्यककि खोलाराङ श्येप् ताङ सेन्बु तिवि ठिम किरुप्ला दाम्बु वे सिनि मितिवाला लेन श्येत् सिनि खोकि ङेराङ्ला का बिन्सुङ् ।
43
खोला मोवा किरुप् तेरिग्कि खोकि मिन नेसुर दिग्पा ताङतोङ ,ङेसित् सिनि तेरिग लुङ्तेन लापुप् मि तिवि खोकि किदुक् बिन्दुप् वे ।
44
पत्रुसकि दि ताम तिवा सिइ किसिन किसिन तिकि लेन ङेन्दुप् तिवा तेरिग्कि खाला थुचेङि पाप्सुङ ।
45
पत्रुस ताङ राङ वबु मोवा किरुप् यहुदितिवाला याम्छेन लासुङ चिला सिसिन थुचेङिकि ङेत्पा ज्येन मिरिगतिवालाङ बिन्दुप् नग्।
46
चिला सिसिन तिविकि ज्यान मिरिग् तिविकि कन्ज्यककि बिन्दुप् छिक् तिवा ताम क्यानि कन्ज्यकला सोवा पुलुप् थोङ्सुङ । तेमे पत्रुस कि खालेन क्यासुङ् ।
47
ङेरे दगेराङ थुचेङि ङेतुप् दि मि तिवाला छ्यि बप्तिसमा लिङ्गुप्ला सिकि क्योर् थुप्क्यि ?
48
तिकि तिवाला चावा येसु मिन्ला बप्तिस्मा ल सिनि का बिन्सुङ । तिविकि ङिमा ङिचोए तिवाताङराङ देत् सिनि सिक्यासुङ्।