लिउ ११
1
यहुदियाकि लाला दासा कि छोङ्जाङ्कि मि तिबा लोमा तेपा क्याबु माक्याबु तेरिक मि तानिकि साङ चावा येशु कन्ज्यक लेन लेमुला ताङ् सुङ्ला तेपा क्याबु ह्ये सिनि कोनक।
2
हिङ्सिनाङ् ते यरुशलेमकि लाला दिनक तापा क्याबु मि तिबा नक दुक सिरु मि चावा येशुकि तिङ् यगु तिबि च्येतुब कि गोक्यु सिनिसिरुप तिबा तेमे पत्रुस कैसरिया नेसुर लेम्नि यरुशलेमला ग्युर्सुङ् तेमे तिबिकि तिबा तानि ठेतुप चिसुङ् तेमे तिकि कला मेलेबा ताम क्यासुङ्।
3
तिला तिबिकि सिक्यासुङ् ख्योरुङ् च्येतपा माक्याबा हतुकि यहुदि खाङ्बा ड क्या नाडम मिन दोजोसाक क्यासुङ् ख्यरे तिबा ताराङ् सामा साप देसुङ्।
4
तिकि किसाला पत्रुस कि काङ् हिन्दुप ताम सिक्यासुङ्।
5
तिकि सिक्यासुङ् योप्पा छोङ्ला ङा सवा बुलिङ् हतु तुज्येला ताङ काङ किमुथुबु तुज्ये ङेकि दिनक ज्यिक मिलाम थोङ्सुङ् बोबु बोबु दिङ्ज्ये रेमे दगे ज्यिक देवाच्येन नेबा जाबुलिङ्ला पापु थोङ्सुङ्।
6
तुक्राङ् क्यानि ङेकि सेम च्यिकराङ् ताङ्नि लाह् देतु तुज्ये ङेकि खाङ् बाला सोबु पालाङ् नाटि नाङि बु च्येजुङ्मा तिबा थोङ्सुङ्।
7
तेमे ङेकि कन्ज्यकला दिनोक कादेन किइ हतु कोसुङ् पत्रुस गाल्नि तिबा गेरिक सेनि स।
8
तेमे ङेकि दुक साबिन चावा कन्ज्यक नामलाङ् ङेकि दुक क्याबु दि ख्यरे कि सेम मिक्यु च्यिलासिसिन अरे ठिमकि सिक्याबु नाबा तिबा नाम्लाङ् ङे खाला मालुक्।
9
चावा कन्ज्यककि लोङ्राङ् देवा च्येन नेबा दुक सासुङ्, ‘कन्ज्यककि लेमु जोबु तिला मेलेबा मासिसा।‘
10
दिनकि च्युगुपदि ख्येप ङि गाल्सुङ् तेमे ति गेरिक पालाङ् तिबा सुर स्यिकि रेमे तिबा गेरिक लोङ्राङ् देवाच्येङ् लाराङ् खुर्नि गाल्सुङ्।
11
तिराङ् तुज्येला लोङ्राङ् कैसरिया नेसुर ताङुकि मि मेरा सुम ङा हतु दासाला राङ् लेम ख्योसुङ् ।
12
तेमे कन्ज्यककि थु तिबि ङाला सासुङ्।तेमे मेरा टुक नुप तिबा ङा तानि गाल्सुङ् तेमे ङिराङ् मि तिबि खाङ्बि नाङ्ला गालिङ्।
13
तिबिकि देवाच्येङ् तिकि खाङ्बाला लानि तेतु च्युक्यानि थोङिङ्,तेमे तिकि तिला तुक सासुङ् सिनि ङिराङ्ला सासुङ्, तिकि राङ्सा मिङ् पत्रुस हिङ् ।
14
तिकि खिराङ्ला दाक्पुज्यिक् लेन सिउ, तिकि किसाला ख्योङ् थार्क्यु, ख्योङ् ताङ् ख्योरे तेरिक घराना।“
15
तेमे ङा तिबा तानि ताम क्यासुङ्, तिबि खाला च्येङ्गि थु लेसुङ्, तुक्राङ् क्यानि तङ्ला ङिरे खाला लेबु ह्ये।
16
च्युक् क्यानि तिकि सासुङ्, तेमे ङेकि कन्ज्यककि छिक् तिबा सेमला स्यार्सुङ्, “युहन्नाकि छ्यि बप्तिस्मा बिन्सुङ्, तेमे खिराङ्ला च्येनि थुला बप्तिस्मा तेर्क्यु।“
17
ङिरेकि कन्ज्यकला मोवा क्यासिमा तिकि ङिराङ्ला बिनु ङेत्पा तिकि तिबाला बिन्सुङ्, कन्ज्यकला मेलेबा सिरु ङा सु हिङ्?
18
तेमे तिबिकि ति ताम तिबा कोसुङ्, तिबिकि काङ् प्रतिक्रिया माक्या। तेमे तिबि कन्ज्यककि सोवा बुल्सुङ् तेमे सासुङ्, “कन्ज्यककि गैर यहुदि तिबाला जिबनकि लला पश्चाताप बिनु ह्ये।“
19
स्तिफनस स्यिसिमा आला मिकि यरुशलेम ताङ्नि राङ्सा दासाला गाल्सुङ्।तिबा मोवा किरु तिबा लाला फोनेसिया, साइप्रस ताङ् एन्टिओखिया साक गाल्सुङ्। तेमे ति दासाला तिबिकि मि गेरिकला चावा येशुकि लेन सुलाङ् मासाबा यहुदि तिबाला क्या सासुङ्।
20
तेमे लाला दि मितिबा साइप्रस ताङ् कुरेनि नेबा एन्टिओखियाला लेसुङ् तेमे ग्रिकतिबा तानि ताम क्यासुङ् तेमे चावा येशुकि लेन तिबा सासुङ्।
21
तेमे तिबि तानि कन्ज्यककि लाक्पा ह्ये, तेमे आला मिकि मोवा क्यासुङ् तेमे कन्ज्यक नेबा ग्युर्सुङ्।
22
यरुशलेमला हतु कि मोबा क्याबु मिति एन्टिओखियाला आला मिकि चावा येशुला मोवा क्यासुङ् सिरु कोसुङ् तिकि किसाला यरुशलेमला हतु मोवा क्याबु तिबि गमा क्यिरु गिपा तेरि मितिबि बारनाबासला एन्टिओखिया ला ताङ्सुङ्।
23
तेमे ति लेम्ख्योल्सिमा ल्हासुङ् ते कन्ज्यककि गेरिक मोवा क्याबु मि तिबाला काटिन क्यानि लाका बिन्दु थोङ्सुङ् तिकि किसाला ख्यो सेम नेसुर गा लानि गेरिक ला चावा येशुला तेरिक तुज्येला सवा मोबा किरु लाम्नि टो बिन्सुङ्।
24
बारनाबास सिरु ति नामलाङ् थु चेङि नेसुर केङु ताङ् मोवा ला परिपक्व मि हिङ्, तेमे आला मि कि कन्ज्यकला लेसुङ्।
25
तेमे शाऊलला छोलु बारनाबास टार्सस नेबा गाल्सुङ्।
26
तेमे तिकि तिला ङेसुङ्, तेमे तिला एन्टिओखियाला टि लेसुङ्। तिबा तेरिक लोला तेरिक च्यिगिराङ् गाल्नि आला मिला कन्ज्यककि लेन लाप्सुङ्। तेमे एन्टिओखिया लाराङ् गेरिक सिना तङ्ला मोवा क्याबु मितिबाला ख्रिष्टयन सासुङ्।
27
तेमे ति ङिमाला काङ् मोवा क्याबु तिबा यरुशलेम नेबा एन्टिओखियाला लेसुङ्।
28
तिबि नाङि दाक्पु ज्यिगि अगाबस मिङ् क्याबु जाबुलिङ्ला बोबु अनिकाल हुगु छालु ह्ये सिनि थुकि छ्यातेङ्सुङ्।
29
तिकि किसाला तेरिक याक्पु तिबि यहुदियाला हतु नुप तिबाला खा किरुप कादेन क्यासुङ्।
30
तिबि तुक् क्यासिमा, तिबिकि शाउल ताङ् बारनाबासकि लाक्पाला एल्डर ते डेबा ताङ्सुङ्।