लिउ २६
1
प्रेरित अग्रिपासकि पावलला सासुङ, ‘’ख्योरुङ दाक्पि कला सि धूक्यिना |’’
2
पावलकि दाक्पि लाक्पा जाक्सुङ | तेमे तिकि दाक्पुला थार्चिसुङ | ति यहुदितिबि तेरि ङिमाला ङे मुद्दा ग्यालुब आग्रिपास ख्योरे दिङला जकु ङेसिन ङा दाक्पुला ग्या किवि |
3
च्यिलासिसिन ख्योरुङ तेरि यहुदि रितिरिवाज तिवा ताङ प्रश्नतिवि ग्याता ह्ये | तुक्रराङ क्यानि ख्यरे कि ङे ताम गुनि कोनि नाङ सिरुप ति ङा गोङबा किवि | हुतुङराङ तेरि यहुदितुबि स्येक्यु | ङा च्युक्यानि ङे नाजुङमा नेबा ङे दाक्पि लुङबा ताङ यरुशलेमला थारिन |
4
तिबिकि तङनेबाराङ ङाला सेक्यि, तेमे ङे फरिसिकि कला थारु ताम तिकि क्यिवि सेमला ज्यक ग्योकि आरे धर्मकि सेम क्योङमु हतु हिङ् |
5
ङा ता ठिमकि कला लाङ्गु च्यिलासिसिन ङा कन्ज्यककि ङिरे पागाबा बिन्दुप ना सेम ज्यकु |
6
ति तिङला अरे च्यिक ङि गिपा नेसुर नुप दिङ कन्ज्यककि सोवा क्यासुङ ङिराङ साङ ख्योलु रेवा किवि |
7
ल्हो ग्यालबु ति रेवाकि किसाला राङ यहुदि तिबि ङाला ढेबा ग्याकु |
8
स्येप तिबाला सेन्बु जप ताम कन्ज्यककि कला हिन्दे दगे मालाङसिन च्युक क्यानि नासाम तिङगि ?
9
दक्पुज्यिक तुजेला येशु नासरिकि मिङकलाला आला ताम तिवा कि गोकिवि सिरुति ङे दाक्पि राङ सेम क्याविन |
10
ङे यरुसलेमला ति लाका तिबा क्यासुङ, ङेकि आला ग्यिपा तिबाला च्यिङ खाङला उविन, ङे तुक क्यिरु ओङज्येन ताङ ग्याल्बु छ्योने नेबा | तेमे तिबाला सेसुङ तिबि कला ङे सेम (जाहेर) क्याबिन |
11
ङेकि तिबाला तेरि जोमखाङला याङयाङ ङेबा बिन्सुङ, तेमे ङेकि तिबाला कन्ज्यकला मेलेबा सिक्यासुङ | ङा तिबा तानि आला ङ्यर्मा क्यसुङ तिबाला मि ग्यासाला स्यार्सुङ |
12
तुकिसाला घेर्पु छ्योनेनेबा ङेतु का ताङ ओङ्ङेन खुर्नि ङा दमस्कसला गालिन |
13
तेमे लामला ङिमा फेला हे ग्यालबु ङे देवाच्येन नेवा टा छ्यालि थोङिन ति ङिमा सिना टा छ्यालि नक | ति ङाताङ ङा तानि युगु मि तिबा ङिकारकि पार्ला सुर्ला टा छ्यालि बिन्सुङ |
14
तेमे ङिराङ तेरि साला डिल्सुङ, ह्रिब्रु तामला ङा तानि ताम किरिन किरुब ङे कोसुङ ,’’ ए शाउल ख्योरे कि ङाला च्यिला दुक्पा तेर्कि ?
15
तेमे ङे साबिङ्, ख्यो सुइन हिङ् चावा येशु? चावा येशुकि सासुङ्, “ङा येशु हिङ्, तिला ख्योङ् दुक्पा तेर्क्यु?
16
तेमे ख्योङ् ल्य, तेमे ख्योरे काङ्बाला लानि देत्, च्यिलासिसिन ङा खिराङ्ला सेवक ताङ् हादा ख्योरे ङे कला स्येबु ताम तिबि क्यिदुक हुङु कि कला नियुक्त किरु उदेश्यकि ङा खिरे चाला लेबिङ्।
17
ङा खिराङ्ला मितिबा नेबा ताङ् यहुदि मिनु नेबा थार्वा क्यु, ति खाला ङेकि तोङिङ् क्यु।
18
तिबि क्यि मिक् पेदु तिबाला नाक तुङि नेबा टाक ग्युरुप ताङ डेकि ङार तेबा कन्ज्यकला ग्युर जितुप कला, तेमे तिबिकि कन्ज्यक तेबा दिक्पा नेबा थार्वा ङेनि तेमे ङेकि ङे खाकि मोवा नेबा ङे दाक्पि थक्ला थारे क्याबुप तिबाला ङेकि तेरुप ओङज्येङ ङे थुप्सित।
19
तिकि किसाला, ग्याल्बु अग्रिपास, ङे ति देवाच्येङ् कि दर्शन अवाज्ञा क्याबिङ्।
20
तेमे तङ्ला दमस्कसला हतुति चाला, तेबा यरुशलेमला ताङ् यहुदिया कि लुङ्बा ला हतु, ताङ् गैरयहुदि तिबि चाला साङ् तिबिकि पश्चाताप क्यानि कन्ज्यक नेबा ग्युर्गोक्यु तेमे पश्चातापकि योग्यकि लाका तिबा कि ग्योक्यु सिनि साबिङ्।
21
तुक्राङ्क्यानि, यहुदितिबि ङाला मन्दिरला जिम्सुङ्,तेमे ङाला सेदु छाल्सुङ्।
22
कन्ज्यककि तारोङ् साक क्याबुप ह्ये। तुक्किसाला ङा खज क्यानि साधरण मितिबा ताङ् मि बोम्बु तिवाला लुङ्तेम्बा तिबाला मोशाकि खाङ् गिउ सिक्याबुप ह्ये ति ताम तिबा सिना ज्येन गवाहि मेतेरु।
23
ख्रिष्टकि दुक्पा कि गोक्यु, तेमे खो स्येप तेबा तङ्ला सेन्बु लाङ्गुप हिङ्, तेमे यहुदि ताङ् गैरयहुदि मितिबाला ज्योति गोषण किरुप ति हिङ्।
24
पावलकि खोकि छिक तेरि क्यासिमा फेस्तसकि सिक्या, “पावल, ख्योरुङ् पागल गालुप हिङ्, ख्यरे बाङ्गि बिधाकि ख्योरुङ् ला पागल जोबुप हिङ्।“
25
तेमे पावलकि सिक्या, “ङा ङ्यङ्बा मिङ्,साम्मानिय फेस्तस, तेमे ङा साहस क्यानि सिउ।“
26
च्यिलासिसिन ग्याल्बिकि दि ताम छ्या ह्ये, तेमे तुक्किसाला ङा खुलेर ताम किउ, च्यिलासिसिन ङाला मोवा ह्ये, खोकि तेबा छ्येन्दक ताम तिबा माइप, च्यिलासिसिन दि ताम गुपचुपला मेत्।
27
ग्याल्बु अग्रिपास खाङ ख्योरुङ् दि लुङ्तेम्बा तिबि मोवा क्यु? ङाला दि ताम छ्या ह्ये, ख्यरेकि मोवा किउ,।
28
अग्रिपासकि पावलला सिक्या, खाङ् ख्यरेकि ङाला दि तुजेलाव ख्रिष्टयन जप छोल्गिना?
29
दि तुजे ज्यिक्ला यिन्सित या बाङ्गिला ख्योरुङ् क्या मि हारिङ् ङे ताम ङेदुप तेरि दि चोङ्साङ् च्याताङ्ग तिबा सिना ङा कन्ज्यकला मोपार किउ।
30
तेबा तिङ्ला ग्याल्बु लासुङ्, तेमे साशक बरनिकि ताङ तिबा ताङ् देनि हतुप तिबा लासुङ्।
31
तिबा सभा भवन नेबा फिला डोइकिरुप तुज्येला तिबिकि च्यिगि च्यिगला ताम क्या, तेमे सिक्या, “दि मिकि स्येप ताङ् कैदला स्योरुप च्येन्दक ताम माक्या।“
32
अग्रिपासकि फेस्तसला सिक्या, ते दिकि कैसर चाला अपिल माक्याबुप यिन्सिन दि मिला तोङ्थुपुप हिङ्”।