लिउ २७
1
तजोला ङेरेकि इटालिला डोगोक्यसिनि टो क्याबिन्, तिविकि पावल ताङ काङ चिनखाङ्कि मि तिवाला अगस्टकि माग्मि क्ष्येन्दक् युलियस बिन्सुङ।
2
ङेराङ एड्रामिनेटोसनेसुर् टु गेर्पुला जेबिन् तिदि एसियाकि ग्याम्क्षोकि नामु नेसुर च्युङ्नि ड्वप् छोलिन् नक् । तिकि किसाला ङेराङ ग्याम्कक्षो क्ष्य नेवा गालिन्। माकेडोनियाला देतुप् थेसेलोनिकिकि अरिस्तार्खस ङेराङ तानि गाल्सुङ।
3
राङ्सा छेमु ङेराङ गेर्पु टु नेसुर् सिदोन् ग्यासाला पाबिन्, त्ये युलियसकि पावलला ङिङ्ज्येबु किताङ् क्यासुङ, तिला तिकि दाल्जा तिवा नेसुर् ङिङ्ज्ये ङेसित् सिनि तिला तिकि दाल्जि खाङ्बाला ड्वप् सिनि का बिन्सुङ।
4
त्येसुर् ङेराङ ग्याम्छोकि क्ष्याला गालिन्, तेमे हुर्तुकनसुर् थार्थुबु वतुप् साइप्रसकि ग्याम्छोकि साश्यि चाने टु गेर्पुनेसुर् गालिन्, चिला सिसिन् हुर्तुक् ति ङेरे गमा नेसुर् ङेरे छ्याला हुङिन् वतुप् नक्।
5
किलिकिया ताङ पामफिलियाकि चानेसुर् टु गेर्पुने ङेराङ लुकिया ग्यासाकि माइराला लेम्खोलिन्।
6
त्ये माग्मि क्ष्येबुति इटालि डोइ वतुप् अलेक्जेन्ड्रियाकि च्यिक टु गेर्पु ङेसुङ। तिकि ङेराङ्ला तिला चेसुङ।
7
ङेरेकि ङिला आला दुक्पा क्यानि किन्डस चाला लेम ख्योलिन्, हुर्तुककि ङेराङ्ला त्यासुर गमाला डो माचि। तिकि किसाला, ङेरेकि सल्मोनकि चाला वतुप् क्रेटकि दाल्जा लानि गालिन्।
8
ग्याम्छोकि चाने च्युङ्नि लासिया ग्यासाकि चाला वतुप् ल्यामु बन्दरगाह सिरुप् दासाला माख्योलु साक ङेरेकि दुक्पा क्यानि युबिन्।
9
ङेराङ्ला ख्योलुप्ला तुज्ये आला थसुङ। यहुदि तिविकि काङ मासोवा देतुप् ङिमातिङ् सिनि सिनक। ग्याम्छोला युकुप् ति दुक्पा च्युङ नक्, तिकि किसाला पावलकि तिवाला च्याङ्सेकि येन्देन्बिन्सुङ,
10
तेमे सिक्यासुङ्, "मि तिवा, ङेरेकि ग्याम्छोला ड्वप् छालुप्ला ङेरे सामा तिवा ताङ टु गेर्पुला क्याजिक् मिन्, ङेराङ्लाङ गेर्पु मा थेनि मेलेवा डिउइ सिरु ति ङे थोङिनक्।"
11
माग्मिकि क्ष्येम्बुकि पावलकि क्याबु ताम्ला सिना टु थ तोङ्गुप्ताङ टुकि ज्यिन्दाक् कि ताम्ला आला सेम्बा क्यानि रेत्पा क्यासुङ।
12
चिला सिसिन ख्येवि तुज्येला ति बन्दरगाह ला देतुप् ति दुक्पा वतुप् नक । तिकि किसाला, टु थ तोङ्गुप् तिवा मेरा आला नाङ्ने चुक् क्यानि हिन्सिनाङ फेनिक्स ग्यासाला ख्योल्नि ख्येवा नेसुर् थारुप् सिनि त्येसुर् ड्वप्ला टो बिन्सुङ। फोनिक्स क्रेटकि चिक् बन्दरगाह हिन्, तिदि च्याङ-श्यार् ताङ ल्हो-श्यार् छ्यला ग्युरु नक् ।
13
तजोला ल्हो छ्य नेसुर् कोले क्यानि लुङ हुङु ज्यिसुङ, तजोला टु थ तोङ्गुप् तिविकि काङ नावा क्याबु नक् ति ङेसुङ् सिनि तिविकि नासाम् ताङ्सु,। तिकि किसाला, तिविकि लङ्गर थेनि ग्याम्छोला क्युर्सुङ्, तेमे क्रेटकि नामुने च्युङ्नि गाल्सुङ।
14
तेमे तिकि काङ तुज्ये तिङ्ला जिवा लाङ्दे च्याङ्-श्यार् मिन् क्याबु हुर्तुक् लेम्नि तेरिक ग्याम्छो साश्यिकाङ ताङ ङेरे खाला ल्हुम्सुङ।
15
टु गेर्पुकि ति हुर्तुक् तानि थाप् माथुसिमा ङेरेकि ग्याल माथु तेमे हुर्तुककि केन्बा दागाल् त्याबाराङ गालिन्,।
16
ङेराङ क्लौडा मिन क्याबु टिक्पेचिक् ग्याम्छोकि जिवा मेतुप् दासा नेसुर् गालिन्, तेमे दुक्पा क्यानि ङेरेकि ति टुला ति हुर्तुक् नेसुर् थेदिन्।
17
तजोला तिविकि दिला तेङ्ला तेक्सुङ, ति तिङ्ला तिकि थाक्पा तिवा टु गेर्पि जुवु टाकुसिनि थसुङ। खिराङ् सिरटिसकि पेप्श्यकला खेकिदे सिनि तिवा जिवा क्याबु नक्। तिकि किसाला तिविकि लङ्गर् तिवा पाम्नि बिन्सुङ, तेमे टु दाक्पुराङ छ्यि खाला छ्यङु ज्युसुङ ।
18
ङेराङ्ला हुर्तुककि माङि राङ पुल्सुङ। तिकिकिसाला, राङ्सा ङिमाला टु थतोङ्गुप् तिविकि टुला वतुप् सामा तिवा ग्याम्छोला क्युरु ज्युसुङ।
19
ङिमा सुम्गि छेमु टु थतोङ्गुप् तिविकि टुला थाका ज्वप् सिनि लोङ्या सामा तिवा क्यु ज्युसुङ।
20
ङिमा आला साक् ङेरेकि ङिमा ताङ कार्ज्येन माथोङ, हुर्तुक गेर्पुकि ङेराङ्ला उप् उप्पा क्यासुङ, तजोला ङरेकि ङेराङ थार्क्यु सिनि रेवा सेनि सिन्दु हिन् ।
21
22
२१तजोला तिविकि सामा मासोबा ङिमा आला देनक्, तितिङ्ला पावल टु थतोङ्गुप् तिवि पार्ला लानि सिक्यासुङ,"मि तिवा दि मे दुक्पा ताङ सामा तिवा सिन्दुप् दुक्पा मुखुरुला ङे ताम ङेनि क्रेट नेसुर् गालु हिन्सिन् ल्यामु हुङु हिन,।
२२ता ङा खिराङ्ला सेम् क्योङ्बु ज्वप्ला सिनि सेम श्वप तेर्क्यु, चिला सिसिन खिरे पार्ला सुङ मिश्यउइ, टु क्याजिक् ना डिउइ।
23
चिला सिसिन गालु नुप्ला ङेकि संवा देपुप् कन्ज्यककि थु चिक् ङे चाला लेम्नि टाङि लानि सिक्याङ,
24
"जिवा माकिसा पावल। ख्यरेकि कैसरकि गमाला टाङि लाङ् गोक्यु ल्होसा कन्ज्यककि दाक्पि च्याम्बाला ख्योङ तानि दि टुला ड्वप्ला वतुप् तेरिक्ला ख्यारे लाक्ला बिन्दुप् वे।
25
तिकि किसाला, मि तिवा सेम राम्बु जो चिला सिसिन् ङा कन्ज्यकला रेत्पा किउइ, ङाला काङ सिक्याबु व तिनक राङ च्युङुउइ।
26
तजोला अरे टु ति ग्याम्छोकि साश्यिला थाम्नि ना डिउइ।"
27
ति तिङ्ला ङिमा श्यिकि नुप् लेसुङ, ङेराङ फारछुर किइ हिन्सिनाङ एड्रियाटिक ग्याम्छोला डोइ हिनदुप हिन्, नुप्कि पार्ला टु थतोङ्गुप् तिविकि ङेराङ साश्यि चाला लेम् ख्योल सिनि सेम्बा क्यसुङ।
28
तिविकि छ्यि तिङ्मु ताप्सुङ् तिकि तिङ्मु ति खाल्ज्यिक् ताङ च्युरुक मिटर नक् सिनि छ्या ङेसुङ, काङ तुज्ये तिङ्ला तिविकि लोङ्या ताम्नि ल्हासुङ तजोलाति ति छ्यि तिङ्मु ति मिटर खाल्ज्यिक ताङ दिन नक् सिनि छ्या ङेसुङ।
29
ङेराङ दोला थाम्नि श्यिदे सिनि तिवा जिवा क्यासुङ,तिकि किसाला तिविकि टु कि तिङि छ्यनेसुर् श्यिचक टु तार मालिम्ला पाम्नि टिवु राङ नाम्लाङ्सित् सिनि मोपार् क्यासुङ।
30
टु थतोङ्गुप् तिविकि ति गेर्पु टुला ताङु सिनि लाम छोलिन् नक्, टिक्पे टु तिवा ग्याम्छो छ्युला पाप्सुङ तेमे टु कि दङ्ने टुतार तिवा मालिम्ला बेप्क्यु सिनि जुनाक जोसुङ्।
31
पावलकि माक्मि तिवाताङ तिविकि क्ष्येम्बुला सिक्यासुङ,"दि मि तिवा दि टुला मादेसिन् खिराङ माथारुउइ।"
32
ति तिङ्ला माग्मि तिविकि ति टुकि थाक्पा तुप्सुङ्, तिला त्याराङ ज्यानि डो चिसुङ।
33
नाम् लाङु छोल्सिन् पावलकि ति तेरिक् मि तिवाला सामा साप् सिनि सिक्यासुङ। तिकि सिक्यासु,"खिरेकि सामा मासोबा देतुप् ति ङिमा श्यि ख्योल्, खिरेकि काङ सोवु मेत् ।
34
खिराङ दाक्पु थारुप सिनि सामा स्व खिरे गोकि राचिगाङ ना मोडिसित् ।"
35
तिजोज्यिक् सिक्या सिन्सिमा, तिकि सिवाङ लानि तेरिककि दङ्ला कन्ज्यक्ला मोपार् क्यानि थुचिच्छे पुल्सुङ। ति तिङ्ला तिकि ति श्यिवाङ च्याङ्नि साप् ज्युसुङ।
36
ति तिङ्ला तेरिक् गा क्यानि सामा सोसुङ।
37
ङेराङ टुला २७६ मि वतुप् हुन्।
38
तजिला तिविकि काश्ये क्यानि सोसिमा तितिङ्ला तिविकि टा ला ग्याम्छोला क्युर्नि टु येङि जोसुङ।
39
तजोला नामलासुङ, तिविकि साश्यिला ङो माश्ये, हिन्सिनाङ तिविकि ग्याम्छोनेसुर् प्येप्श्यककि नामु थोङ्सुङ, तेमे तिविकि ति टु ला त्ये दा डो थुप्किना मुथुप् सिनि टो क्यासुङ।
40
तिकि किसाला तिविकि टुकि रा तिवा तुम्नि ग्याम्छोलाराङ ताङ्नि ज्याक्सुङ। तिराङ तुज्येला तिविकि टुला वतुप् सामा तिवा टाबु थाक्पा तिवा टोल्सुङ् हुर्तुक छ्यनेवा टाकुर् ग्युर्सुङ, ति तिङ्ला तिवा ग्याम्छो नामि क्ष्यलाला गाल्सुङ्।
41
तिवा ङिकार छ्यानेसुर् छ्यु हुङिन् वतुप् दासाला ख्योल्सुङ तेमे टु साश्यिला तिम्सुङ। टुकि गमि क्ष्यला ति खेसुङ तेमे श्यिकश्यिक राङ कि माथु। तजोला गेर्पु हुर्तुककि किसाला टुकि तिङि क्ष्यला ति क्ष्यागु ज्युसुङ।
42
चोनखाङ्ला उपु मि तिवा मोटोसित् सिनि माग्मि तिविकि तिवाला सेतुप् सिनि टो क्यासुङ्।
43
हिन्सिनाङ माग्मि क्ष्येम्बुकि पावालला ति थारुप् सिनि नावा क्यासुङ् तिकिकिसाला तिवाला सेतुप् नेसुर् क्योरु सिनि सुसुला च्याल ग्यागु गिउइ तिवाति छ्युला छ्यङ्बल ग्याम्नि च्याल ग्याम्नि साश्यिला ग्युक सिनि का बिन्सुङ।
44
तितिङ्ला तिकि ज्येन लुबु मि तिवा लाला श्यिङि खाला, लाला टुला वतुप् ज्येन सामा तिवाला जेनि ग्युक सिनि सिक्यासुङ। दुक क्यानि ङेराङ तेरिक् ल्यामु क्यानि साश्यिला लेम् ख्योल्सुङ्।