लिउ २५
1
ता फेस्तसति ति (प्रान्त ) ला श्यु ङिमा सुम्गि तिङ्ला, ति कैसरिया नेसुर् यरुशलेम् ख्योल्सुङ।
2
क्ष्येम्बु कोङ्यार ताङ क्ष्येम्बु यहुदितिवि फेस्तसकि चाला पावलकि खाला क्यान चुसुङ, ते तिविकि फेस्तस तानि कास्से क्यानि ताम क्यासुङ।
3
तिविकि पावलकि कला किताङ् कि सिनि फेस्तस तानि गङ्बा श्युसुङ, तिविकि तिला यरुसलेमला काताङ्नि तिविकि तिला लाम्लाराङ सेश्यित्।
4
तजोला पावल ति कैसरियाकि चोन्खाङ्ला उम्नि नक, ति दाक्पुराङ त्ये रुक्ला ग्युर गोबु नक् सिनि फेस्तसकि खालेन बिन्सुङ ।
5
तिकि सिक्यासुङ "दिकि किसाला डो थुपुप् तिवा ङा तानि डो गोक्यु, खिरेकि क्यान जु गोक्यु।"
6
ङिमा ग्ये, च्यु हारुङ देसिमा फेस्तस कैसरिया नेवा गाल्सुङ । राङ्सा ङिमाला ति ठिम क्योङु दासाला देनि पावलला तिकि चाला टि ङ्याक सिनि का बन्सुङ्।
7
तजोला ति लेम् ख्योल् यरुशलेमकि यहुदि तिवि चाला टाङि लानि तिविकि तिविकि हिन् सिराङ् मुथुबु क्यानि तिङ्म्बु क्यान चुसुङ ।
8
पावलकि दाक्पुला थार्नि सिक्यासुङ,"यहुदि तिविकि मिनकि खाला मिन्, ल्हाखाङ्कि खालाङ मिन्, कैसरतकि खालाङ मिन, ङेकि ज्येन सिकिङ खाला मेलेवा लाका क्याबु मेत्।
9
हिन्सिङ फेस्तसकि हयदुदि तिविकिङ ङे क्ष्यला नाम किसित् सिरुप् नावा वतुप् कि किसाला पावलला सिक्यासुङ,"काङ ख्योरुङ यरुशलेम गाल्नि दि ताम तिविकि ठिम ङेकि क्याबु सेम्बा किेइ?"
10
पावलकि सिक्यासुङ,"ङा कैसरकि ठिमकि गामाला टाङि लानि वे, त्ये रुक्ला ति ङाला ठिम किगोक्यु। ङेकि चिन्दिङ यहुदि तिवाला मेलेवा लाका क्याबु मेत् सिरुप् ति खोलाङ छ्या वे ।
11
हुतुङ्राङ ङेकि मेलेवा लाका क्याबु वसिन्, सेतुप् राङ गोबु लाका क्याबु वसिन् ङा श्येप् ला काङ जिवा मिकिउइ । हुतुङ तिवि क्यान तिवा काङ मेसिन्, सिकिसाङ ङाला तिविकि लाक्पाला तेर्मुतुउइ। ङा कैसरला का तोङु।
12
तितिङ्ला फेस्तसकि छोक्पाकि पार्ला ताम क्यानि खालेन खालेन क्यासुङ,"ख्यरेकि कैसर तानि दाल्जा कितुप् ला दाल्जा लाङ्सिन्;ख्योङ कैसरकि चालाराङ डोगोक्यु।"
13
ता काङ ङिमि तिङ्ला ग्याल्बु अग्रिपाताङ बर्निकिकि कैसरियाला फेस्तस ला लाकाला सिनि ठेतुप् लेसुङ।
14
ति त्ये ङिमा आला देसिमा, फेस्तसकि पावलकि क्यान तिवा ग्याल्बि दङ्ला सिक्यासुङ्। तिकि सिक्यासुङ,"फेलिक्स कि मिराचिक् मिला चोनखाङ्ला उपु सिनि ताङ्नि ज्याङ्नक्।
15
तजोला ङा यरुसलेमला वतुप् हिन, क्ष्येबु कोङ्यार ताङ यहुदि तिवाला गमा किरुप् तिविकि दि मिकि खाला ङे चाला क्यान तिवा खसुङ, तिविकि तिकि खाला श्याबा किरुप् सिनि गङ्बा श्युसु।
16
दिला ङिके दिनक खालेन बिन्दिन्,"मिराचिक्ला च्याम्बाला सिनि ज्येन्ला तेरुप् लाका रोमि तिविकि मिकिउइ, तिसिना, क्यान ङेतुप् मि तिविकि तिला क्यान जुवु तिवि खाला लाङ्गुप्ताङ क्यान जुबु तिवि खाला लानि दाक्पुला थारुप्ला सिनि तुज्ये ङे गोक्यु।"
17
दिकि किसाला तिवा तुच्यिक् द्ये लसुङ, ङेकि मागुबा राङ्सा छेमु ङा ठिमकि दासाला देनि ति मिला नाङ्ला टि श्यक् सिनि का बिदिन्।
18
तजोला क्यान जुबु तिवा लानि क्यान चुसुङ,तिविकि तिकि खाला चुबु चिन्दिङ क्यान ङाला तिङमु माला।
19
दिसिना, तिविकि दाक्पि क्ष्योने कला ताङ श्येप् येसुकि कला तिविकि सिताङ नक, तिला ति पावलकि सेन्बाराङ नक सिनि सिरुप् नक्।
20
ङा दि ताम ति च्युक क्यानि पेतुजा सिनि ङाला छ्या माङे, दि ताम तिविकि कला ठिम किरुप् सिनि ति यरुशलेम डिते सिनि ङेकि तिला टिविन्।
21
पावलकि सम्राटकि ठिम्ला सिनि थिन्तु(सुरक्षा) कि क्योर्वाला ज्यकुप् सिनि नावा क्यासिमा ङेकि तिला कैसरकि चाला माताङु साक ज्याकुप् सिनि का बिदिन्।"
22
अग्रिपाकि फेस्तसतानि सिक्यासुङ,"तिकि ताम ख्यरेकि साला ङेन्।"
23
दुक क्यानि राङ्सा ङिमाला बर्निकि ति याम्छेन क्यानि आला मि तिवा तानि लेसुङ; तिवा खाङ्बि नाङ्ला क्ष्येम्बु मितिवा ताङ ग्यासा कि मि क्ष्येम्बु तिवा तानि लेसुङ। फेस्तसकि का बिन्सिमा पावलला तिवि चाला टि लेसुङ।
24
फेस्तसकि सिक्यासुङ,"ग्याल्बु आग्रिप्पा, दे ङेरसङ तानि वतुप् देरिक मि तिवा, खिरेकि दि मिला थोङु; यरुशलेम ताङ दे वतुप् तेरिक् यहुदि तिविकि ङा तानि टो क्यानि ति सेन्बा देतु मेङु सिनि ङा तानि सिक्यासुङ ।
25
हिन्सिनाङ ङाला छ्या ङेसुङ दि मिकि से गोबु चिन्दिङ मेलेवा लाका क्याबु मोथोङ्नक्; तिकि सम्राटकि चाला ड्वप् सेम् क्याबु किसाला, ङेकि तिला तोङु नावा क्याबिन।
26
हिन्सिनाङ ङा तानि सम्राट ला टिगु सिनि चिन्दिङ हुतुङ्कि ताम् मेत् । ग्याल्बु आग्रिपाला लेन टिकुप् ताम् हुङ्सित् सिनि ङेकि तिला खोकि चाला टिनि लेवु हिन्।
27
चिला सिसिन चोनखाङ्कि मि तोङु ताङ तिकि खाला वतुप् क्यान तिवा मिसिबु ति ङाला ल्यामु मालाङु ।"