लिउ २४
1
ङिमा ङाकि तिङ्ला, क्ष्येम्बु कोङ्यार हननिया, काङ लाम गमा किरुप् तिवा ताङ तर्तुलस मिन क्याबु लेमु लुङ्देन् लापुप् मि त्ये गाल्सुङ। दि मि तिविकि ओङ्ज्येन किरुप् मि चाला पावल कि खाला क्यान चुसुङ।
2
तजोला पावल ओङ्ज्येन किरुप् मि चाला टाङि लासुङ, तुर्तसकि पावलला क्यान जुबु ज्युनि ओङ्ज्येन किरुप् मिला सिक्यासुङ,"खोकि किसाला ङेराङ्ला गेर्पु सेम येङि च्युङु वे; ख्योकि नाम्लाङ मिसिन्बुला सिन ल्हाबु कि किसाला ङेरे लुङ्बा ल्यामु च्युङु वे ।
3
तिकि किसाला थेन्बुला वतुप् फेलिक्स, तेरिक थुचिछ्ये तेरिन खोकिक्याबु क्याबु तेरिक् लाका तिवाला ङेराङ गासो श्यिउइ।
4
तिकि किसाला ङा ख्योरुङ्ला मोक्योरुउइ, उकुर्जिक् ङे ताम ङेन् नाङ सिनि ङा गङ्बा श्युउइ ।
5
चिला सिसिन ङेरेकि दि मिला दुक्पा तेरुप् ताङ तेरिक् यहुदिया तिवाला दुक्पा तेरुप् मि हिन सिनि ङो श्येक्यु। ति दि नाजरि युल्वाकि मिराचिक् लुङ्तेम्बा हिन् ।
6
तिकि ल्हाखाङ्लाङ मेचेङि ज्वप् छाल्सुङ, तिकि किसाला ङेरेकि तिला जिम्बु हिन।
7
तजोला माक्मिकि क्ष्येम्बु ति लेम्खोल, तिविकि पावलला ङेरे लाक्नेसुर् ठनि खुन गाल।
8
तजोला ख्यरेकि दि तेरिक् ताम्गि काला ला पावलला टिश्युङ् किउइ, अरेकि तिला क्यान चुबु ताम कि कलाला ख्यरे दाक्पिराङ क्ष्या ङेक्यु।
9
यहुदि तिविकिङ खेप्तङ्मस पावलला क्यान चुउइ दाङ दि ताम तिवा हुतुङ हिन् सिनि सिक्यासुङ।
10
तजोला ओङ्ज्येन किरुप् मि कि पावलला लप्तक् क्यासुङ, पावलकि खालेन क्यासुङ्,"ङा ला छ्या वे खोङ दि मिरिग्कि तङ्नेराङ ठिम किरुप मि च्युङ वे, दिकि किसाला ङा दाक्पुला खोकि चाला गा कि तेरिक ताम सिउइ।"
11
खोङ दाक्पि राङ सि थुक्यु ङा यरुशलेमला संवा देकुप् गालु ति ङिमा च्युप्ङि सिना ल्हाक्पा गालु मेत्।
12
तजोला तिविकि तिविकि ङाला ल्हाखाङ्ला ङेसुङ, ङे सुङ तानि ताम्गि खालाक् माक्या, ङेकि जोमखाङताङ ग्यासा तिवाला जोबु मितिवाला ङार स्वप् माबिन्।
13
तिविकि ङे खाला क्यान चुवु वे सिनि ति तान्द ख्यरे दङ्ला हुतुङ्राङ हिन सिनि सि मुथुउइ।
14
खो तानि ङा दि ताम लिङुउइ तिविकि (पन्थ) सिइ क्याबु लाम नेसुर् राङ ङा ङे गिपा तिविकि कन्ज्यककि लाका किउइ। ठिम्ला वतुप् तेरिक ताम तिवाताङ लुङ्तेम्बा तिविकि टिबु थेप् तिवाला ङा मोवा किउइ।
15
दि मि तिविकि ङिकार् दिक्पा वतुप् ताङ दिक्पा मेतुप् श्येप् तिविकि थार्वा गुबु दगे, कन्ज्यकला ङेतिङ तिनक राङ मोवा वे।
16
दिला राङ कन्ज्यक ताङ मि तिवि पार्ला तेरिक् ताम तिवा नेसुर् क्यान मेतुप्कि येन्देन् ङेतुप् सिनि ङा लाका किउइ।
17
तान्दा लो आला तिङ्ला ङा त्ये ङे मिरिक्ला दाल्जा किरुप् ताङ टाङि ङेत्पा तिवा तेरुप् सिनि लेबु हिन्।
18
तजोला ङेकि दि क्याबिन्, एसियाकि काङ मि यहुदि तिविकि ङाला चेङि ज्वप् सिनि मि जोम्बु ल्हाखाङला ठेसुङ, त्ये रुक्ला चिन्दिङ मि जोम्बु ताङ वोरु तिवा मिदुक्।
19
तेमे ति मि तिवा तान्दा ख्योकि गमाला हुङ्गोक्यु। तेमे हुतुङ ङे खाला तिविकि काङ वतुप् हिन्सिन् सि गोक्यु।
20
हुतुङ हिन्सिन् ङा यहुदि ठिमकि गमला लाङ्सिन् तिविकि ङा खाला काङ क्यान ङेसुङ, दि राङ मि तिविकि सि गोक्यु ।
21
ङेकि तिविकि पार्ला लानि वोरु गेर्पुकि दिजो क्याज्यि सिक्याबु हिन्, श्येप् तिविकि ग्युर्वाकि कला कि तामकि राङ हारिङ खो नेसुर् ङे ठिम किइ वे ।"
22
फेलिक्स ला दि लाम्गि कला ति क्ष्या नक, तिकि किसाला तिकि यहुदि तिवाला गु चिसुङ। तिकि सिक्यासुङ,"यरुशलेम नेसुर माग्मि मि लुसियस मालिम्ला लेप्सिमा ङा ख्यारे श्युावाकि खाला ठिम किउइ।"
23
तितिङङ्ला तिकि माग्मि मिला पावलला क्योर्वा तेरुप् का बिन्सुङ, ति तानि नाम्लाङ किटो किरुप् कि किताङ किसा तेमे तिकि दाल्जा तिवा नेसुर् किटो किरुप् लाङु ताङ ठेतुप् ला सिकिसाङ माक्योर सिनि का बिन्सुङ।
24
ङिमा ङिचोजिगि तिङ्ला, फेलिक्स दाक्पि पेर्मि द्रुसिल्ला तानि ग्युर्सुङ्,ति यहुदि नक, तेमे तिकि पावलला काताङ्सुङ, ति नेसुर् चावा येसुकि मोवाकि कला कोसुङ।
25
तजोला पावलकि तिला दिक्पा मेतुप कि ,सेम ल्यामु, हुङिन् वतुप् ठिमकि कला ति तानि खालेन क्यासुङ फेलिक्स ला जिवा लासुङ, तेमे तिकि खालेन क्यानि,"तान्दा ग्युक, तजोला ङाला तुज्ये ङेसिन् ङा ख्योरुङ्ला का तोङु।"
26
ति राङ तुज्येला, पावलकि तिला टाङा तेर्क्यिते सिनि तिकि रेवा क्यानि नक्, तिकि किसाला तिकि पावलला नाम्लाङ का ताङ्नि ति तनि ताम किनक्।
27
तजोला लो ङि सिन्सिमा, फेलिक्स तिङ्ला पर्सिअस फेस्तस ओङ्ज्येन किरुप् मि च्युङ्सुङ, ति सिना फेलिक्स कि यहुदि तिविकि ङार लाङु छोलु चिक् नक् तिकिकिसाला तिकि पावलला नाम्लाङ हृन्तुप् लाकाला ज्यगुप् नक्।