लिउ २२
1
ङेय इजि नुक ताङ पापा तिबा ङये थार्वा किरुप ताम ङ्येन , ति ङेकी दिजो बेला ख्यिराङला सिउ ।
2
पावल कि तिबाला हिब्रु तामला ताम क्याबु थोङसिमा मि तिबा खाराक्पा देसुङ । तिकि सिक्यासुङ ।
3
" ङा सिलिसियाकी टार्ससला केबु यहुदि हिन् । हिनसिराङ दि ग्यासाला तिजोराङ युकुब बेला ङयेतुप येदेन मि हिन् । ङाला अरे पाबोमु माम्बोमु तिबि ङार्मा ठिम ति तगेराङ येदेन लाप । आरिङ ख्यिराङ तगेराङ कन्ज्यक लागिला ङार्मा गालुप वाई ।
4
ङयेकि दि लामला स्येप साक राङ तुलिन। ङयेकि पुमा तिबाला ताङ क्ष्यकपेजा तिबा ङियकार ला टाबिन , तेमे तिबाला चोनखाङ ला बिदिन् ।
5
दिकि बारेला क्ष्योने ताङ तेरिग् डिक्जोम क्ष्येला पाङबु बिन्सुङ । खो नेमा दमस्कला वातुप यहुदी बन्थु तिबाला टिबु स्यु ङ्येनि ङा दमस्कसला गाल्नी ये वातुप मोबाला टानी यरुशलेमला खुङगोच्यु ।
6
ङा युकिन वाई दमस्कसकी चाला लेम्नी क्ष्योल्सिन पार्ला अचानक ङेय फार्ला छुरला देवाचेन लेमा लेपु ठादिङि लेसुङ ।
7
ङा साला डिल्सुङ तेमे ङाला दिनोक सिक्याबु ओरु कोसुङ , ए शाऊला, ए शाऊल खाङ सिनी ख्योरुङ ङये ति यगिन कि ?
8
ङेकी ताम लकीन "खो सु हिन चावा ? खोकी ङाला सिक्यासुङ ङा नासरतकी येशु हिन् । तिला ख्योरुङ ति यगिन किउ ।
9
ङा तानी वातुप तिबिकी ठादिङी ति थोङसुङ हिनसिराङ ङा तानी ताम किरुप ओरु ति माको ।
10
ङये कि सिक्याबिन चावा ङयेकी खाङ किमोच्यी चावा की ङाला सिक्यासुङ " ल तेमे दमस्कसला ज्युक । त्ये राङ ख्योरुङला ख्यरे किगोबु यक तेरिक छ्या देन्गीउ ।
11
ङयेकी ति ठादिङी किसाला खाङ थोङमाथुप तिकि किसाला ङा तानी वातुप मि तिबीकी ङये लाक्पा ला जिम्नी दमस्कसला च्याल्सुङ ।
12
ङयेकी त्ये ठिम तगेराङ ल्यामु क्यानी मिजि थारुप ताङ त्ये देतुप यहुदी तिबी ङेयेतुप ताङदेन ङेयतुप हनतिया मिन क्याबु मि ठेसुङ ।
13
ति मि ङये चाला लेसुङ तेमे लानी सिक्यासुङ "नुक शाऊल ल्हाप थप मोबा ङयेत । " तिजो बेला राङ ङयेकी ल्हा थुप्सुङ ।
14
तिजि खेर तिला सिक्याबिन , अरे पाबोमु तिबीकी कन्ज्यकला खोकी सेम छ्या वातुप ताङ गिपा मेतुप मि थोङनी ताङ खोकी खे चाला थेदुव ओरुला ङयेदुप ख्योरुङला दाबुप वाई ।
15
खाङसिणि सिसिन ख्येर थोङुप ताङ कोतुप ताम तिबी बारेला ख्यरे तेरिग मितिबि लागिला खोकी पाङबु जेउ ।
16
ता ख्यिराङ खाङ सिनि गनी देनी वाई ल तेमे बप्तिस्मा ल तेमे खोकी नाम लानी दाक्पी दिक्पा तिबा टु ।
17
ङा यरुशलेम ला ग्युर्सिमा ङेकी क्ष्योछोक ला सवा देप्सिन ङा मेलेबा दासाला क्ष्योल्सुङ ।
18
खोकि ङाला दुक् सिक्याबु ङेकि थोङ्सुङ् “टिम्बु क्यि, तेमे यरुसलेम् तोङ् । च्लयिलेसिसिन् तिबिकि ङे कला ख्यरे पाङ्बु सेम्ला मालाङ्द ।“
19
ङेय सिक्यबिन , हे चावा ङयेकी तेरिग जोमखाम ला स्युनी खोला मोबा किरुप तिबाला ङयेकी चोनखाङ ला लुकुप ताङ लितुप ताम ख्यिराङला राङ क्ष्या वाई ।
20
खोकी थोङुप मि स्तिफनस ति ठाक डोइ किसिन ङाङ चाला राङ लानि हिन सि वातु नोक । तेमे तिकि सेतुप मि तिबि माज्याला गुनी वातुप नोक ।
21
हिनसिराङ खोकी ङाला सिक्यासुङ 'ज्युक' खाङसिनि सिसिन ख्योरुङला ङा ज्येन रु तिबि चाला तोङु।
22
मि तिबा दिजोसाक पावल ताम ङ्येटिन देसुङ हिनसिराङ ति तिङला तिबा ओरु क्यासुङ " दिनोक दिनोक मितिबा जोबुलीङला ताङनी हिन । ति थारुप खाल मेन"
23
तिबा ओरु किदाङ दाक्पी माज्या ज्युरिदाङ लुङला थाला लगेङीन्दाङ किई ।
24
माग्मी पावलला खाङ व्यारेक नाङला स्युकु का बिन्सुङ । तिबा तिकी लागि खाङ सिबि नुक क्यानी ओरु क्यासुङ सिनी तिकी दाक्पी राङ क्ष्या ,ङयेतुप की लागिला तिकी पावलला ल्यिइदाङ टेप का बिन्सुङ ।
25
केजुला तिबिकी पावलला थाक्पाथनी टासुङ पावल की चाला राङ लानी वातुप कप्तानकी सिक्यासुङ " खाङ दक्पुज्यीक रोमी मि ति मेलेबा मोथोङ बु मि ला कोर्रा ज्याम्नी खोकी लागि ठिम तानी दाल्जा कीइ?
26
कप्तान कि दि कोसीमा माग्मी तिबा गाल्नी सिक्यासुङ " खो की दि मि तिबा खाङ किरुप छालुप वाई ? खाङसिनि सिसिन दि मि तिबा रोमी मि डे दिननोक ।
27
माग्मी की ल्येम्नी पावलकी स्यिकासुङ ङाला सि , खाङ ख्यिराङ रोमि मि हिन । तेमे पावलकी सिक्याप हिन् ।
28
माग्मी कि सिक्यासुङ ङेकी आला बोमु डेबा च्याल्नी ति मि ख्येगा क्यासुङ । पावलकी सिक्यासुङ "हिनसिराङ ङा या फेबुनेमा रीं मि हिन् ।
29
तिनेमा पावलकी टिनी किरू कि किरुप मि तिबा स्यारी तिला ताङनी लेसुङ । पावल रोमी मि हिदुप नोक सिरुप क्ष्या ङ्योसिमा माग्मी ङाङ ज्यिबा क्यासुङ खाङसिनी सिसिन तिकी तिला टाबु नोक ।
30
साला तिला माग्मीकी पावलकी लागिला यहुदी तिबाला कुबुप क्ष्येर्पा ओथुङ ला लोपुप छालिन । तिकि किसाला तिकी पावलला फिला तेन्सुङ । तेमे क्ष्येबु क्ष्योने तिबा ताङ जोमखाङका तेरिक मि तिबा कोप का बिन्सुङ । ति तिङला तिकी पावलला मो खनी तिबि गमला लानी ज्यक् सुङ ।