लिउ २१
1
ङिराङ् तिबातनि टाल्निते टुगेर्पु का ला गालिन्, ङिराङ् कोष ग्यासा छ्यला गालिन्। त्यासुर ङिराङि ज्यार्मि ङिराङ्ला रोडस ग्यासा नेसुर थाल्निते पटारस् ग्यासा नेबा गालिन्।
2
ङोरेकि फोनिके नेवा डोइकिरप् टुगेर्पुला जेनिते गालिन्।
3
ङिराङ् साइप्रसकि ग्याम्छोकि साला हसिमा, ङिरेकि ङिरेकि तिल यान्बि छ्यला जोनिते सिरियाला गालिन्। तेमे टुरोस ग्यासला पापिन्। चिला सिसिन् ति टुगेर्पुला खबु सामा तिबा त्याराङ् बेप्गोबु नक्।
4
ङिरेकी टावा तिवाला टेसिमा ङिराङ् त्या ङिमा दिन् साक देतिन् । ति टावा तिविकि थुचेङङे नेसुर पावाल कि यरुशलेमला काङ्बा जुबु म्याङङु सिक्यासुङ ।
5
V5 ङिराङ त्या ङिवा ङिशुम्जो देसिमा, ङिराङ् त्यासुर टाल्निते दाक्पि लाम स्युविन । ङिराङ फिला मोख्योल्साक तिबा ताङ् तिब पुज्युङ तिबा तेरिक लाम्ला छ्याजिक हसूङ । ङिरेकी ग्याम्जो कि नामुला टेमुङ् चुनिते मोपार क्यानिते टालिन्।
6
ङिराङ् दूगेपार्ला ज्यानिते याङ्लोङ् गालिङ्, तेमे तिवा याङलोङ् दाक्पि खाङवाला गाल्सुङ्।
7
ङिरेकी टुरोसकि लाम सिदा क्यासिमा ङिराङ् टोलेमाइसला हनि ख्योल्सुङ्।
8
ज्यामी ङिमाला ङिराङ् टालिन्,तेमे कैसरिया नेवा गालिन् ङिराङ लेन ल्यामु लापुप फिलिप कि खाङवाला गालिन्, ति मेरा दिन् नेसुर मिच्यिक दिन्। ङिराङ् ति तानिराङ् देतिन्।
9
ति मितिकिदि पुम सी नक् तिविकि लुङदेम्वा लाप्किक।
10
ङिराङ् ते ङिमाचोजिक दितुक वेला ते यहूदिया नेसुर अगाबस सिरु मेराजिक लुङतेम्बा ल्यासुङ्।
11
ति निरेचाला लेसुङ्, तेमे पावल की करा लासुङ्। ति करा की तिगी खरे लाक्पा ताङ् कङबा ठासुङ् तेमे सिक्यासुङ् “ थुच्याङी की दुकसासुङ्, यरुशलेकी यहुदी तिबीकी तिला ज्यान मिरिक कि लाक्तुला विन्सुङ्।’’
12
ङिरेकि तिनक् ताम् कोसिमा, ङिराङ्ताङ् क्यानि मि तिबा तेरिक्कि पावनल्ला यरुशलेम्ला माडो सिनिते गोङ्बा स्युबिन्।
13
तेसुर पावलकि ताम् लक्सुङ्, “ङाला डोमिजिबुला ङुनिते माक्योर। चिला सिसिन् ङा चावा कन्ज्यक् कि मिन्ला टागुला क्याजिक् मिन्। यरुशलेम्ला स्यापलाङ् टेगे हये।
14
पावल कि ग्युरुप् सेम् माक्यासिमा ङिरेकि सिरुप् ताङ्ङिन्, तेमे साबिन्, “चावाकि साबु दगेराङ् हुङ्सित।”
15
ति ङिमि तिङ्ला ङिरेकि दाक्पि बेर्पा तिबा लानिते यरुसलेम थाका गालिन्।
16
केसेरियास नेसुर लाला टाबा तिबाङ् ङिराङ् तानिराङ् गाल्सुङ्। तिबिकि साइप्रस नेसुर लेपु मानासुन् मिन् क्याबु ङिङ्बा टाबा च्यिक्ला टिनिते लेसुङ्, ति तानिङिराङ् देतिन्।
17
ङिराङ् यरुशलेमला ख्योल्सिमा, उज्यु नुक तिबिकि ङिराङ्ला गादिङ्ङि गासोस्युसुङ्।
18
ज्यार्मा ङिमाला पावल ङिराङ् तानि, याकुप त्ये ख्योलसुङ्, त्या तेरिक् मिछ्येतिबा हबु नक्।
19
पावल कि तिबाला गासो स्युसिमा, तिबि दाक्पि यक् नेसुर कन्ज्यक् कि ज्येन मि तिबि पार्ला रेरे क्यानिते लाप्सुङ्।
20
ति कोसिमा तिबिक कन्ज्यक्ला मोवा पुलसुङ्। तेमे तिबिकि तिला सिक्यासुङ्, “आला यहुदि तिबिकि रेवाक्याबु हये। तिबा सुङ् ङेदुप्ला त्यामु हये।
21
ख्यरेकि ज्यार्मा मिरिक् तिबि पार्ला देनिते तेरिक् यहुदि तिबाला मोशाला पिताङ् तोङ् दिनिते लोप्क्यु, तेमे दाक्पि पेजा तिबिति खातना माकि तेमे ङिङ्बा किताङ् तिबा माकि सिनिते सिउ सिनिते ख्यरे कला तिबाला सिक्याबु हये।
22
ङिरेकि खाङ् किरुजा? हुतुङ् राङ् तिबिक ख्योरुङ् त्ये हबु ताम् कोक्यु।
23
तिकि किसाला ता ङिरेकि खाङ् सिक्यासुङ् ति किसा। ङिराङ् तानि भाकल् क्याबु मि मेरा सि हये।
24
ति मेरा सि मि तिबाला टिनिते ज्युक्, तेमे तिबा तानिराङ् दाक्पुला चेङ्ङे जो, तेमे तिबि टाङ्ङा च्यालनिते बिन्, तिबि दाक्पि र्हा टेक्सित्। दुक्यानि तिबिकि दाक्पि कला लापु ताम् तिबा निन् सिनिते रेत्पा किसित्। ख्योरुङ् ठिम् ङेनिराङ् मिजि क्योङङिन् नक् सिनिते तिबिक छ्याङेदा किसित्।
25
हिन्सिराङ् रेवा किरुप् ज्यार्मा मिरिक् तिबि कला तिबिकि दाक्पिराङ् कुला जिन्बा बिदुप् ताम् तिबा, ठाक् ताङ् जिङ्बा च्युनिते सेतुप् तिबा, तेमे स्याम्डेन् नेसुर थारे देगोबु सिनिते ङिरेकि टिबिन्।
26
ति तिङ्ला पावल कि ति मि तिबाला लासुङ्, तेमे ज्यार्मा ङिमाला तिबा तेरिक्ला सिनिते जिबा बुलुसाक्, चेङ्ङे डप् कि तुज्ये हिन सिनिते सिक्यासुङ् तेमे तिबा तानिराङ् छ्योखाङ्ला चेङ्ङे जोसुङ्।
27
ङिमा दिन् डप् छाल्सिमा, एसियानेसुर लेपुप् लाला यहुदि तिबिकि पावलला थोङ्सुङ्,तेमे तिबा तेरिक्ला ङ्यार्मा लाङ्निते पावल ला लाक्पा ग्याप्सुङ्।
28
तिबा कारि देदिन्ताङ् नक्, “इझ्राएल कि मितिबा ङिराङ्ला र्ह कि। मिरिक् तिबा, ठिम् ताङ् दि दासाकि फिलक्पाला तेरिक्ला ताम लोपु मि दि दिराङ् हिन्। तेमे दिकि ग्रिक्कि मि तिबालाङ् छ्योखाङ् नाङ्ला टिनि हबु हये, तेमे ति चेङ्ङे दासाला मेचेङ् जोबु हये।”
29
चिला सिसिन् तिविकि एफिससकि त्रोफिमला ति तानिते ग्यासाला थोङ्गुप् नक, तेमे पावल किराङ् रिला छ्योखाङ् नाङ्ला टिनिहबु जाइ सिनिरे सासुङ्।
30
ग्यासाला हतुप् तेरिक् मिरिक् तिबाला ङ्यार्मा लाङ्सुङ्, तेमे तेरिक् मि तिबा छ्यनिते तिबिकि पावलला जिम्सुङ्। तिबिकि पावलला टिनिते ल्हाखाङ्ङि फिला तेनिते गो चेसुङ्।
31
तिबिकि तिला सेतुप् छाल्सिमा, योरुशलेम तेरिक् हाराङ्हुरुङ् गाल्सुङ् सिरुप् लेन् ति माग्मि छ्येम्बुकि चाला ख्योल्सुङ्।
32
ति माग्मि छ्येम्बु ताङ् माग्मि तिबा टिनिते ति मि आला जोम्सा दासा नेबा गाल्सुङ् तेमे मिरिक् तिबिकि ति माग्मि ताङ् माग्मि छ्येति थोङ्सिमा पावलला दुङ्ङुप् ति ताङ्सुङ्।
33
तेमे ति माग्मि छ्ये ति पावल कि चाला गाल्सुङ् तेमे पावल ला जिम्निते च्याताक् ङि थनि टसा सिनिते का बिन्सुङ्। रिकि पावल ति सुहिन् तेमे दिकि खाङ् क्यासुङ् सिनिते टिसुङ्।
34
मि आला नाङ्नेसुर ताम् दक्पुज्यिक्राङ् सिदाङ् कारि तेन्सुङ्। दि तेरिक् च्याराङ् चिरिक्कि किसाला माग्मि छ्यतिकि खाङ् सिमाथु तेमे पावल ला माग्मि देसादासाला टिनिते स्यक् सिनिते सिक्यासुङ्।
35
पावल टापाला ख्योल्सिमा मिरिक् आला तिबिकि किसाला तिला माग्मि तिबिकि टिनि गाल्सुङ्।
36
मिरिक आला तिमिकि तिङ् ङ्यगिनताङ् कारि देदिन्, “ दि नेसुर थारेराङ् देदा’’
37
पावल ला माग्मि देसा दासाला टिनि हुङ्ङ तुज्येला तिकि माग्मि धये तिला सासुङ् “खाङ् ङा ख्योरुङला ताम च्यिक ङि सि?’’माग्मि धये तिकि सिक्यासुङ्, “ खाङ् ख्योरुङ् ग्रिकला ताम किथुकिना ?
38
खाङ् ख्योरुङ् तङ्ला खाला लाङ्गु कि गमा ग्यानि तङ्डा सि जिवालोङगुप मितिबाला खाङ् म्यातुप दासाला दिनगालुप ति?
39
पावल कि दिबाला सिक्यासुङ्, “ङा किलिकियाकि टार्सस ग्यासाकि मिरिक च्यिक् हिन्। ङा ख्योरुङ्ला गोङ्बा स्युगुप्, ङाला दि मिरिक् तिबा तानि बातेर किरुप् नाङ्।”
40
माग्मि छ्येतिकि पावल ला का बिन्सिमा पावल टापाला जेसुङ् तेमे मिरिक् आला कि छ्यला ग्युर्निते लाक्पा युसुङ्। तेमे तेरिक् खाराक् खाराक्पा देसिमा, तिकि तिबातानि हिब्रुला ताम क्यासुङ्