लिउ १८
1
दिकि तिङ्ला पावल एथेन्स ताङ्निते कोरेन्थला गाल।
2
त्या तिकि इटालि नेसुर लेपु अकिला मिन् क्याबु पेन्टसला देतुप् यहुदि ज्यिक् ताङ् तिकि पेर्मि प्रिस्किलाला टेसुङ् चिलासिसिन् क्लाउडियसकि यहुदि तिबिकि रोम तोङ्ङुला का बिदुप् हिन्।; तेमे पावल तिबि चाला लेसुङ्।
3
पावाल तिबा तानिराङ् देसुङ् तेमे यक् क्यासुङ् चिला सिसिन् तिबि यक् डिकु नक्। तिबिकि ताम्बु जेउ।
4
तेमे पावल ङासब् ङिमिटाङ् जोम्खाङ्ला गाल्निते ग्रिक ताङ् यहुदि ङिकार कि युल्बा तिबातानि ताम् किरुस्युसुङ्।
5
पावल ताङ् तिमोथि माकेडोनिया नेसुर हक्ला लेसुङ्, पावल्ला थुचेङ्ङेकि येशू राङ् ख्रिष्ट हिन् सिनिते यहुदि तिबाला लाप् चिसुङ्।
6
तेमे यहुदि तिबा पावलकि खाला लासिमा पावल दि खरे माज्या रुगिन्ताङ् तिबाला दुक् सिक्यासुङ्, “खीरे ठाक् खिरे गोलाराङ् थोप्सित्; ङेदि दोबा मेत्। ताफेन्नेसुर ङा ज्यान् मिरिक्त्ये डिउ।”
7
तेमे पावल ति दासाला ताङ्निते तितस युस्तसकि खाङ्बाल गाल्सुङ् तिकि दि कन्ज्यक्ला मोवा किरुप्नक्। तिकि खाङ्बा ति जोम्खाङ् कि चाला नक्।
8
जोम्खाङ्कि गमा किरुप् मि क्रिस्पस ताङ् कोरिन्थकि आला मिरिक् तिबिकि मोवा क्यानिते बप्तिस्मा लासुङ्।
9
नुप्ला मिलाम्ला कन्ज्यक्की पावलला सासुङ्, “जिबा माक्याबा ताम् कि खाराङ्पा देत्।
10
चिला सिसिन् ङा ख्योरुङ् तानि हये ख्योरुङ् सिसाङ् दोबा तोङ् मुथूबु चिला सिसिन् दि ग्यासाला ङे मि आला हये।”
11
ति दासाला पावल लोखर्मा ज्यिक् ताङ् फेचोज्यिक् देसुङ् तेमे तिबि पार्ला कन्ज्यक् कि सुङ् लाप्सुङ्।
12
तेमे गालियो ति अखैयाकि ग्याल्बु च्युङ्सिमा तेमे यहुदि तिबा डिङ्निते पावल कि खाला लासुङ् तेमे ठिम् क्योङ्गुप्ला पावलला ठिमखाङ्ला खासुङ्।
13
तिबिकी सासुङ् “दि मितिकि ठिमला मेतुप् कन्ज्यक्ला सोवा बुल्जिक्यु।
14
तेमे पावलकि ताम् किरुप् छाल्सिमा, गालियोकि यहुदिला सासुङ्, “खीराङ् यहुदितिबा; दि ति लाका मेलेबा हिन्सिन् दिकि कला खिराङ् तानि ताम् किरुप् ति ल्यामुराङ् गिउ।
15
हिन्सिराङ् दि ताम्तिबा ताङ् मिन् तिबाति खिरे दाक्पि ठिम् तानि डिकुकि किसाला खिराङ् दाक्पुराङ् डिक्सा किसा। दिकि कला ङा ठिम् मोक्योङ्ङु।
16
गालिलियोकि तिबाला ठिमकिसा दासा ताङ्निते ग्यिक् सिनिते का बिन्सुङ्।
17
हिन्सिराङ् तिबिकि जोम्खाङ्कि ग्याल्बु तिला जिम्निते ठिम् किरुप् दासाकि दङ्लाराङ् दुसुङ्।
18
ङिमाल त्ये देनिते सिन्सिमा पावलकि नुक् तिबाला ताङ्सुङ् तेमे अकिला ताङ् प्रिस्किलाला छ्याजिक् टिनिते टु गेर्पुला ज्यानिते सिरिया थालाकाला गाल्सुङ्। टु गेर्पुला जेकु दासा तोङ्ङु दिना दङ्ला किक्रियाला पावलकि दाक्पि र्रा टेसुङ् चिला सिसिन् तिकि रा ट्येकिला ना क्यालुप् नक्।
19
तिबा एफिससला ख्योल्सिमा पावलकि अकिला ताङ् प्रिसकिलाला त्येराङ् ताङ्ज्याङ्निते गाल्सुङ्। तेमे खोरुङ्ति जोम्खाङ्ला गाल्सुङ् तेमे तेराङ् स्यासा देसुङ्।
20
तिबिकि पावल हारोङ् देत् सिनिते गोङ्बा स्युसुङ् हिन्सिराङ् पावल कि मेदेउ सिनिते सिक्यासुङ्।
21
हिन्सिराङ् तिबा तानि टाल्निते डोइ किसिन् तिकि सिक्यासुङ्, “कन्ज्यक्कि सेम् क्यासिन् ङा खिरेते लोङ्साङ् ग्युर्निते गिउ” ति तिङ्ला ति टु गेर्पुला ज्येनिते एफिसस छ्यला गाल्सुङ्।
22
कैसरियाला टु नेसुर पाम्निते पावल जेनिते यरुसलेम्ला गाल्सुङ् तेमे तिकि जोम्खाङ्ला गासोस्यप क्यानि एन्टिओखीया तेबा पाप्सुङ्।
23
ते उकुर्जिक् देसिमा पावल त्यसुर फ्रिगिया गलतिया कि तेरिक टाबातिबाला सेम्सो किदाङ् गाल्सुङ्।
24
ता ओपोलोस तिन् क्याबु यहुदि ज्यिक् इकेक्जेन्यिला केबु, तिङ् एफीससला लेसुङ्। ति क्ष्यो स्येबु ताङ् ताम् किरुप्ला खामु नक्।
25
अपोलोस् ति कन्ज्यक् कि सुङ्कि कलाल तेरिक् छ्याहतुप् मि नक। सेम्कि दिंङनेसुर ङार्मा क्यानिते चावा येशूकि कला हतुप् ताम् तिबा किरुप् नक् तेमे ज्यान्ला लोप्किनक्।
26
अपोलोसकि जोम्खाङ्ला आला ङार्मु क्यानिते ताम् किरुप् स्युसुङ् तेमे अकिला ताङ् प्रिस्किला कि दिकि कला कोसिमा तेमे ति तनि गाल्सुङ् तेमे तिला कन्ज्यक् कि कला हारोङ् ल्यामु क्यानि लाप्सुङ्।
27
तिकि अखैया नेसुर डप् सेम् क्यासिमा, नुक् तिबिकि तिला त्ये डप्ला सेम्सो क्यासुङ् तेमे अखैया टाबा तिबिकि तिला सेम्ला लाङ्सित सिनिते लेन टिनिते ताङ्सुङ्। त्या ख्योलसिमा तिकि काटिन् नेसुर रेवा किरुप् तिबाला आला रेवा क्यासुङ्।
28
क्ष्यो तेसुर येशूराङ् ख्रिष्ट हिन् सिनिते खाङ् सिमाथुप्।