लिउ १७
1
तिबा अम्बिपोलिस ताङ अपोल्लोनिया ग्यासा नेसुर यहुदि तिबि जोम्खाङ हतु थेसलोनिकि ग्यासा साक लेसुङ् ।
2
पावलकि दाक्पि क्यिताङ दगेराङ क्यानि तिबि चाला गाल्नि ङा सप ङिमा सुमला तेकि मितिवा तानि क्षोकि थेप नेबा सासुङ् ।
3
तिकि क्षो ल्याइदाङ चावा येशुकि क्याबु दुक्पा ताङ स्येप नेबा सेन्बु लाङ् गोकिवि सिनि सासुङ् । तिकि सासुङ्, “ति राङ येशु हिन ङे ख्योरे पार्ला स्येनि ह्ये ।तिराङ चावा येशु हिन् ।
4
काङ् यहुदितिबा ताङ् कन्ज्यकला मोवचा किरु ग्रिक तिबा, आला अगुवा पुमा तिबा ताङ् आला मिकि पावल ताङ सिलासकि तामला मोबा क्यासुङ् ।
5
मोबा मिकिरु यहुदितिबा मिजेर किरु ताङ छ्योङ किरु दासानेबा काङ डे मितिबाला ठिज्यिक जोसुङ् मि बागि छ गाल्नि ग्यासाला कारे क्यासुङ् । तिबि कि यासोनकि खाङ्बा आक्रमण क्यानि पावल ताङ सिलासला मितिबि पार्ला खुङु सेम नक् ।
6
तेमे तिबि कि पावल ताङ सिलासला माटे तेमे यासोन ताङ काङ नुबतिबाला थिनिङ दाङ ग्यासा ओङ तिबिचाला खसुङ । तिबि कि होरु क्यानि सासु, “जम्बुलिङला आलक नालक किरु मिति देसाङ् लेम्ख्योनक।
7
यासोनकि ग्यासा क्याबु ति मिति कि कैसरकि का मेलेबा लाका कि, “येशु सिरु दक्पुजिक ग्याल्बु ह्यर ।
8
ति ताम कोनि तिकि मितिबा ताङ तेरि ग्यासाकि ग्येर्पु तिबा ज्यिबा क्यासु, ।
9
तिबिकि यासोन ताङ नुक नेबा क्ष्येर्पा लानि सिङ्सिनमा तिबाला ताङसुङ् ।
10
ति नुप्ला नुक तिबि पावला ताङ सिलासला बेरियाला ताङसुङ् । ते ख्योल्सिमा तिबा यहुदि तिबि क्ष्योखाङ्ला स्यासुङ् ।
11
थेसलोनिकि हतु मिसिना तेर्क्यि मितिबा लेमु नक् । च्यिलासिसिन तिबि कि लापु ताम तिबा तिराङ हिन् कि मिङ सिनि ङिमि टाङ क्षोनेबा ल्याहिदाङ् खाङ् ग्येप्च्ये माक्याबा कन्ज्यककि सुङ सेम्ला ज्याकिनक ।
12
तेसुर तिबि नाङला काङ मि सेम्ला देतु ग्रिक पुम पेजा तिबा आला ख्यक पेजा तिबि कि चावा येशु खाला मोवा क्यासुङ् ।
13
तेमे पावलकि कन्ज्यककि सुङ् तिबा वेरियाला च्येहि नक् सिनि थेसलोनिकि यहुदि तिबि कि स्या ङेसुङ् तिबा ते गाल्नि तिबाला तेक्सुङ् हाराङहुरुङ् कि च्यिसुङ् ।
14
ति तिङला नुक तिबि पावलला उकुर्जिक ला ग्याम्छो नेबा थाङ्सुङ् तेमे सिलास ताङ् तिमोथि तेराङ् देसुङ् । पावलला टि डोइ किरु मि तिबि कि तिला एथेन्सला ग्यासा साक टि गाल्सुङ् ।
15
पावलला ताङिङ् ग्यिरु तुजेला पावलकि तिबा तानि सिलास ताङ तिमोथिला टिबु स्याक सिनि तिकि का ताङ्सुङ् ।
16
पावलकि सिलास ताङ थिमोथिला गुनि देतु तुजेला एथेनस ग्यासा नाङ्ला कुक्या कुकि क्येङु थोङनि ङे थु लो मिदिबु क्यासुङ् ।
17
तेसुर ति यहुदि तिबा ताङ कन्ज्यककि सोवा किरु तिबा तानि जोमखाङ् ताङ मि तिबा तानि साङ आला ताम क्याबिन् ।
18
तेकि मेरा चोतानि एपिक्युरि ताङ स्तोइकि स।येप तिबा साङ् खादास्योर्सुङ् । काङकि तुक सासुङ्; ति बकबकेकि काङ सिरु छालु हिन ?” राङसा कि सासुङ्, “तिनि राङसा लुङबाकि ल्याहा तिबि लेन किरु दगेराङ् नक । च्यिलासिसिन येशुकि तिकि सेन्बु लाबुकि लाला लेन तेरिन नक् ।
19
तिबिकि पावलला अरि ओपागसला टिनि गाल्सुङ्, तेमे टिसुङ् “काङ ख्यरे सिइ किरु येन्देन कला स्ये थुप्किवि ?
20
च्यिलासिसिन ख्यरेकि याम्छेन लाङ्दे ताम तिबा ङिरे नाम्ज्याग चाला हुगिन कि तिकिसाला तिकि तामकि तेन्दक काङ् सिरु ङिराङ्ला छ्या ङेदु सेम ह्ये ।
21
ता तेरि एतेन्स तिबा ताङ् राङ्सा लुबा नेसुर लेपु राङसा साबा ताम तिबा सिरु ताङ् सावा ताम तिबा कोतु सिना राङसा काङ् ताम ला तुजे मेतेरनक ।
22
तेसुर पावल अरिओगसकि र।ला कानि तुक सासुङ्, “एथेन्समि तिबा खिराङ् ति खाङ्ला साङ् मोवा किरु ह्ये सिरु ताम ङे थोङसुङ् ।
23
च्यिलासिसिन ते युगिन् किसिन् ङे ख्यरे साङ देतु तिबा थोङसुङ् । ङे तिनक् थु देतु दासाङ् थोङिन् ते ङे मि माथोङ् कन्ज्यकला सिनि सि टिबु नक् ।तिला खिराङ्कि ङुमासेबा साङ् देप्कयु; तिराङ् कन्ज्यककि कला ङा खिराङला सिऊ ।
24
कन्ज्यककि जम्बुलिङला हतु तेरि जोसुङ्, ति देवाच्येन ताङ् जम्बुलिङकि चावा येशु गालु कि साला मि जोबु ल्हाखाङला मेदेवि ।
25
न त तिला काङ् मेतु मि दगेराङ लोङिन मि लाक्पाला यक कि गिकिवि, च्यिलासिसन येशु किराङ् मिला जोबु हिन् उताङ तेरि तेर्किवि ।
26
येशु दक्पिजिक मि नेबा जम्बुलिङला देतु तेरि मिरिकि मितिबा जोबु हिन् तेमे त्रदतु तिबा ताङ् तिबा देतु दासा तिबा पेनि ल्याक्सुङ् ।
27
तेसुर तिबि कि कन्ज्यकला छोल तेमे येशुला छाल्नि ङेक्यु । हुतुङ् राङ् येशु अरे नेसुर थारे माडो ।
28
च्यिलासिसिन येशुला राङ युगु, तेमे थार्किवि येशुला राङ् अरे अस्तित्व ह्ये । तेसुर खिरे कि कवि तिकि साबु ह्ये । च्यिलासिसिन ओरुङ् नि येशु किराङ ग्यिपा हिन् ।
29
तेसुर राङ अरे कन्ज्यककि ग्यिपा गालु किसाला कन्ज्यकला मिकि कला ताङ् सेम तानि सेस ताङ ङुल दे नेबा जोबु हिनि साबु मिन् ।
30
तेसुर कन्ज्यककि दङि का माक्याबु तुजेला सेम माक्या ; कन्ज्ककि तेरि दासकि मितिबि कि दाक्पिदिक्पा सेम गुरु का कि ।
31
च्यिलासिसिन कन्ज्यककि दक्पजिक ङिमा चिनि ह्ये । ति ङिमाला ओरुङ्ला ङो स्येसुङ् । मे नेबा येशुकि दिक्पा मेतुप ठिम जम्बुजिङला क्या । कन्ज्यककि स्येपनेबा सेन्बु जोनि तेरि मि तिबाला ति मिकि कला तेनि बिन्सुङ्
32
तेमे एथेन्सकि मितिबि स्येप नेसुर सेन्बु लाङु कला ला कोसुङ्; सुङ सुङ् कि पावला ङेज्याक क्यासुङ्, तेमे ज्येन दुक सासुङ्, “ओरुङ् तिकला याङ्रोङ् कोक्यु ।‘’
33
तेसुर पावलकि तिबाला ताङ्नि गाल्सुङ् तेमे अरियोपागसकि डायनोसियस, दामारिन मिन क्याबु दक्पुजिक पुमा ताङ् राङ्सा ।
34
मितिबि पावलला टे लेसुङ्, तेमे ति तामला मोवा क्यासुङ् । तेबा अरियोपागस सदस्य डियनुसियस दामारिस मिन क्याबु पुमा जिग, तेमे तिबा ताङ् हतुप ज्येन मि तिबाङ नक् ।