लिउ १६
1
पावल डर्बिताङ लुस्त्रालाङ गाल्सुङ , त्ये तिमोथि मिन क्याबु मिराच्यिक मोवा किरुप् यहुदि पुम्पेजिकि पुज्युङ नक सिसिन तिकि पापाति ग्रिक नक ।
2
लुस्त्राताङ आइकोनियमकि नुक तिविकि तिमोथिकि काला ल्यामु ताम सिउइ ।
3
पावलकि तिमोथिला दाक्पुतानिराङ लाकाला टि ड्वप् सेम क्यासुङ , दिकि किसाला तिकि तिमोथिला दाक्पुतानि राङ टि गाल्नि खतना क्यासिङ सिला सिसिन इलाका तिवाला यहुदि तिवाङ नक तिकि पापा ग्रिक हिन सिनि तिवा तेरिक्ला क्ष्या नक ।
4
प्रेरिततिविकि यरुसलेमला टिनि विन्दुप् लेन तिवा , ग्यासा तिवा खिरिन ड्वप् तुज्येला तिविकि क्षोछोक तिवाला ङेन गोबु लेन तिवा बिन्सुङ ।
5
दुक क्यानि क्षोछोक तिवा क्योङ्बु हुङिन ङिमिटाङ फेलिन गाल्सुङ ।
6
थुचेङिकि तिवाला एसियाला सुङ माश्येत सोनि सिक्याबुकि किसाला पावल ताङ तिकि दाल्जातिवा फ्रिगिया ताङ गलातियाकि दासा नेवा गाल्सुङ।
7
तजोला तिवा माइसियाकि चाला लेम्नि ख्योल्सिमा तिविकि विथिनिया ड्वप् छाल्सुङ , हिन्सिनाङ येशुकि थुकि तिवाला ख्यासुङ ।
8
तुकराङ क्यानि माइसिया नेसुर गाल्नि तिवा त्रोआस ग्यासा ख्योल्सुङ ।
9
माकेडोनियाकि मिराचिक मि लानि सुक सिइ वतुप् छ्यार्सिति नुप्कि तुज्येला पावलकि थोङसुङ "माकेडोनिया लेम्नि ङेराङ्ला दाल्जा कि "
10
पावलकि ति छ्यार्सि थोङ्दिमा , कन्ज्यककि ङेराङ्ला तिवाला लेन लापुप् सिनि काताङु हिन सिनि तिवा श्यारि माकेडोनियाकि छ्यला गाल्सुङ ।
11
त्रोआसनेसुर टु गेर्पुला जेनि खेप्तङमा राङ्सा ङिमाला ङेराङ निपापोलिसला ख्योलिन् ।
12
तेसुर रोमि ओङकि हुतुङराङ हिन्दुप माकेडोनियाकि चिक ग्यासाकि जोन्खा फिलिपिला गालिन । ङेराङ ति ग्यासाला ङिमा आला देतिन् ।
13
सवाँ देपुप् दासा हिन्दे सिनि ङ श्वप ङिमाला ङेराङ ग्यासाकि गोकि नेसुर फिला ज्युङि नामुला गालिन । ङेराङ देनि जोमु पुमपेजा तिवा तानि ताम क्याविन ।
14
त्ये थिआटिरा ग्यासाला देतुप् मिराचिक छो ङोर्नाक चोङ्गुप् लिडिया मिन क्याबु मिराचिक पुमपेजा नक । सिकि कन्ज्यकला सोवा देहुप् नक तिविकि शेम ग्याम्नि कोसुङ । पावलकि सिक्याबु ताम सेम ग्याम्नि कोसित सिनि कन्ज्यककि तिकि सेम पेन बिन्सुङ ।
15
तिताङ तिकि मिछाङ तेरिकला वप्तिसमा विन्सिमा तिकि दुक सिइताङ गङ्वा श्युसुङ ,"हुतुङ खिवातिविकि ङाला कन्ज्यक क्ष्यला मोवा वतुप् सिनि सिसिन ङे खाङ्बाला लेम्नि देत सिनि सिक्यासुङ ।
16
ङेराङ सवां देकुप् दाशि क्ष्यला डोइ वयुप् लाम्ला चि ल्हाप् मिराचिक पुमपेजा ठेसुङ । तिकि दि मो ल्हानि दाक्पि ज्यिन्दाक लासिन आला गिज्या जेनक ।
17
ति पुमपेजा दुक दिइदाङ पावलताङ ङे तिङ्ला तिङ ङ्यासुङ ।"दि मि तिवा कन्ज्यककि यक्पु तिवा हिन । दिविकि खिराङ्ला थार्वाकि लाम्गि ताम श्येक्यु ।"
18
तिकि किसाला ङिमा आला तिनकराक क्यासुङ । तिनेसुर आला छेरे लानि पावलकि तिङ्ला ग्यर्नि ति थुला सिक्यासुङ ,"येसु ख्रिष्टकि मिन्ला ङा ख्योला थेनि ड्वप का किउइ । तेमे ति श्यारि थेनि गाल्सुङ ।
19
दाक्पि ग्यिज्या ज्वप रेवाकि लाम खिर्क्यु सिरु काच्ये क्ष्या ङेसुङ , तिविकि पावलताङ सिलासला जिम्नि टिइदाङ छोङकिसा दासाला ओङ्ज्येनकि गमाला टि गाल्सुङ ।
20
तिविकि पावलताङ सिलासला ठिम किरुप तिविकि गमाला ख्वनि सिक्यासुङ ,"दिवा यहुदितिवा हिन अरे ग्यासाला दुक्पा तेरिन वे ।
21
ओरुङ रोमि तिविकि लाङ मुथुबुप् ताङ कला ङेन मुथुबु फिलक्पा ठिमकि येन्देन तिवा लोबिन वे ।
22
तितिङ्ला मितिवाताङ ठिमकि मितिविकि तिविकि माज्या राल्नि ग्यक्पा थनि दुसुङ ।
23
तिविकि तिवाला आला दुसिमा तिविकि पावल ताङ सिलासला चोनखाङ्ला लुङ्बिन्सिमा तिवाला ल्हाप सिनि चोनखाङकि छ्येबुला का बिन्सुङ ।
24
का ङेदाताङ चोन्खाङकि छ्येबुकि तिवाला नाङि खाङमिक्ला उम्नि तिविकि काङ्बा तिवाला ठिगुर ग्याम्नि टासुङ ।
25
नुप फेचोला पावल ताङ सिलास कन्ज्यक तानि कु लाङगिन सवां किउइ वतुप् ताम तिवा ज्येन चोनखाङ्ला उबु मि तिविकिङ कोनि वतुप् नक ।
26
तेमे ते श्यारि बोबु शै चिक गाल्सुङ तिकि किसाला चोन्खाङकि डाम्चितिवा युसुङ । श्यारि चोन्खाङकि गोतिवा पेसुङ तेमे तेरिक च्याताकतिवा तेरिक दाक्पुराङ पेसुङ ।
27
चोन्खाङकि छ्येबु मि ङिचक नेसुर छोर्सिन चोन्खाङकि तेरिक गोतिवा पेनि नक । दजोला चोन्खाङला मि तिवा टोसुङ सिनि छ्ये मिकि दाक्पि तर्वाल थेनि दाक्पुला सेदु छालु नक ।
28
तजोला पावलकि छार्बु वोरुकि सिक्यासुङ ,"दाक्पुला मासे चिला सिसिन ङेराङ तेरिक द्येराङ वे । "
29
चोन्खाङकि क्ष्येबुकि गो चेचिनि नाङ्लाश्युनि ज्यिवा किइताङ पावलताङ सिलासकि गमाला गो कुङ्नि श्यावा क्यासुङ ।
30
तेमे तिवाला फिला तेनि सिक्यासुङ ,'लासो ङेकि थार्वा ङेदुपला काङ कि गोक्यु ?'
31
तिविकि सिक्यासुङ ,"चावा येसुला मोवा क्यासिन खिराङताङ खिरेकि छाङ तिविकि थार्वा ङेक्यु ।"
32
तिविकि चावाकि सुङ तिवाला तिकि खाङ्बि तेरिक मितिवाला श्येसुङ ।
33
तजोला तिराङ नुप्कि तुज्येला चोनखाङकि छ्येबुकि तिवाला तेनि टि गाल्नि मा तिवा चेङि जोनि बिन्सुङ तितिङ्ला चोन्खाङकि छ्येताङ तिकि खाङ्बि तेरिक नितिवाला वप्तिस्मा विन्सुङ ।
34
तिकि पावलताङ सिलासला दाक्पि खाङ्बा टि गाल्नि तिवाला शामा बिन्सुङ । तिकि खाङ्बिकि तेरिककि कन्ज्यक्ला मोवा क्याबुकि किसाला तिकि तेरिक खाङ्बि मितिवा गा क्यासुङ ।
35
"ति मितिवाला ताङतोङ सिनि " साला टोप्लाराङ ठिम किरुप् तिविकि नाक्मि तिवाला लेन ताङ्सुङ ।
36
दिकि किसाला चोन्खाङकि छ्येबुकि पावलला सिक्यासुङ ,"ठिम किरुप् तिविकि खिराङ्ला ताङतोङ सिनि का विन्दुप् वे तिकि किसाला फिला लेम्नि शेम येङि क्यानि ग्युक ।
37
पावलकि तिवाला सिक्यासुङ ,"ङेराङ ङेवा मेदुप् रोमकि मि तिवा हिन्सिनाङ तिविकि ङेराङ्ला मि गमाला दुनि ङेराङ्ला चोन्खङ्ला लुगुप् वे : तादि ङेराङ्ला सिसाङ हाक माकोबा तोङु छोलिन वे ? हुतुङला तिनक मिन , तिवा दाक्पुराङ लेम्नि ङेराङ्ला टाल्नि टि ग्युक ।
38
तजोला चोन्खाङकि माक्मि तिविकि गाल्नि ठिम तिविकि चाला गाल्नि सिक्यासिमा पावलताङ सिलास रोमि हिन सिनि छ्या ङेसिमा ठिम किरुप् तिवा जिवा क्यासुङ ।
39
ठिम किरु तिवा दाक्पुराङ लेम्नि पावलताङ सिलासला चोन्खाङ नेसुर तेन तोङ सिनि सिक्यानि तेन्सिमा तिवाला ग्यासा ताङ्नि ग्युक सिनि सिक्यासुङ ।
40
तेमे पावलताङ सिलास चोन्खाङ नेसुर थेनि लिडियाकि खाङ्बाला गाल्सुङ । तजोला पावलताङ सिलासकि उज्युनुक तिवाला थोङ्सुङ , तिविकि तिवाला सेम्सो विनि
ति ग्यासा नेसुर दाक्पि लाम श्युसुङ ।