लिउ १५
1
यहुदिया नेबा लाला मितिबा लेम्नि नुपतिबाला दुक सिदाङ् लाप्सुङ्, “नाम्साक ख्यिरे मोशा नाबा दहे क्यानि खतना मिकि ह्ये, तिजो साक ति ख्यिराङ् थारमुथुस्यित्।“
2
ते पावल ताङ् बारनाबास तिबा ताङ् क्यानि खाला लाङ्गुप ताङ् खांदप क्यासुङ् ता दि ताम टिबुला लानि पावल, बारनाबास ताङ् ज्येन मि लाला यरुशलेमला प्रेरित ताङ् एल्डरतिबि चाला डोगो क्यु सिनि नुप तिबि सिक्या।
3
तुककिसाला तिबाला जोम्खाङ् नेबा ताङ्सुङ् तेमे फोलिसिया ताङ् सामरिया नेबा गाल्सुङ् तेमे गैरयहुदितिबा मोवा क्याबुप ताम तिबा सिक्यासुङ्। तिबिकि तेरि उजु नुपतिबाला बोबु ङिङ्साङ् बिन्सुङ्।
4
ता तिबा यरुशलेम लेसुङ्, तिबाला जोम्खाङ् प्रेरित तिबा ताङ् एल्डर तिबिकि गासो स्यप तेमे दुक्क्यानि तिबाताङ् क्यानि कन्ज्यककि क्याबुप तेरि यक तिबि प्रतिबेदन तिबाला सिक्या।
5
फरिसि दलनेबा मोवा क्याबुप लालिकि लानि सिक्या, “तिबाला च्येताङ् किरुप ताङ् मोशा ठिमकि का ङेन्गो क्यु।“
6
तुक्किसाला दि तामला नासाम तोङ्गुपला प्रेरिततिबा ताङ् एल्डरतिबा जोम्सुङ्।
7
उदेक छलफल क्यासिमा पत्रुस लानि तिबाला सिक्यासुङ्, “नुपतिबा तुजेजि तङला कन्ज्यककि ख्यिरे कुङलाब क्याबुप छनौट ति ख्यिराङ्ला छ्या ह्ये कि ङे खानेबा राङ् गैरयहुदि तिबि लेनलेमि सुङ् ङेङ् थुप्सिततेमे मोवाकि थुप्सित।
8
मि सेम छ्या हतुप कन्ज्यककि ओरुङ्ला दगेराङ् तिबालाङ् थुच्येङ्गि बिन्नि तिबाला गवाहि तेर्कित्।
9
मोवा नेबा तिबि सेम लेमु जोनु खोकि ओरुङ् ताङ् तिबि पार्ला खाङ् भेदभाव माक्या।
10
ता दुक्किसाला अरे पापा तिबिकि तेमे अरेकि खुरमाथुपुप् ग्याङ्सिङ् ति लोमा तिबि ज्यिङ्बाला ज्यग गोक्युसिनि ख्यिराङ् च्यिला कन्ज्यकला खक्पा ल्हे?
11
तेमे अरेकि मोवा कि ओरुङ् चावा येशु काटिन नेबा थारुप ह्ये, च्यु क्यानि तिबा थारु ह्ये।“
12
तिबिकि पावल ताङ बारनाबास नेबा गैरयहुदि तिबा पार्ला कन्ज्यककि क्याबुप ता तिबा ताङ् याम्छेन लाङ्दे तिबि विवरण ङेन्नि हतुप तुज्येला तेरि हुल खाराक्पा देसुङ्।
13
तिबिकि ताम किरुप ताङ्सिमा, “याकुवकि सिक्या, नुप तिबा हो, ङे ताम ङेना।“
14
कन्ज्यककि दाक्पि मिन खातिर ख्यिरे तेबा मिरिक जिक् लाङगुप्ला च्युक क्यानि तङ्ला गैरयहुदि तिबाला ङिङ्ज्ये क्यानि क्यासुङ् सिरुप ति सिमोनकि सिक्याबुप ह्ये।
15
दिला लुङ्तेम्बाकि सुङ् तिबा सहमत नक, च्यिलासिसिन दुकसिनि टिबु ह्ये।
16
दि तामकि तिङ्ला ङा लोइराङ् ग्युर्नि गिउ, तेमे दाउद डिलुप पाल ति लोङ्राङ् ङा जेउ, दिकि भग्नावेष तिबाला ङा लोङ्गु तेमे लोङ्राङ् स्थापित क्यु।
17
तिकि क्यिसाला लुबु मितिबा ताङ् तेरिग् यहुदि मिदुप् तिब तेमे ङे मिङ्ला का ताङ्गुप् तिबा तेर्कि चावाला छोल् थुप्स्यीत् ।
18
तिकि ताङ्बोकि तुज्ये नेबि ताम किरुप चावाकि दुकक्यानि सिउ।
19
तुक्किसाला ङे सेम दिन्दग ज्यिक ह्ये कि कन्ज्यक तेबा ग्युरुप गैरयहुदि तिबाला दुक्पा तेरुप मेगु।
20
तेमे अरेकि तिबाला दिन्दग टिबु ह्ये, तिबा कु तिबि चेङ्गि मेतु नेबा, स्याम्डेन तेबा,जिङ्बा टेनि सेतुप स्या ताङ् ठाक नेबा थारे देता।
21
तेरि ग्यासाला मोशा ठिमकि ताम तिबा ङा सप ङिमा पुस्तौ नेबा मि तिबि जोनखाङ् तिबाला सिदाङ् लेपुप हिङ्।
22
तेबा तिलाङ् जोम्खाङकि गमा किरुप तिबा यहुदा बरनाबास ताङ् सिलासला दाम्नि पावल ताङ् बारनबास ताङ् तिबाला एन्टि ओखिया तोङ्गुप ताम तिबा तेरि प्रिरत तिबा एल्डर तिबा ताङ् तेरि जोम्खाङ् तिबाला सेम लासुङ्।
23
तिबिकि दि टिसुङ्, “एन्टिओखिया, सिरिया ताङ् किलिकियाला हतुप गैरयहुदि नुप तिबा,प्रेरित तिबा, एल्डरतिबा, नुप तिबाला अभिवादन।
24
अरेकि दिन्दक किरुप का माक्याबुप मितिबा अरे पार्नेबा ख्यिरे चाला लेम्नि ख्यिरे आत्माला दुक्पा तेरुप येन्देन तिबा बिन्नि ख्यिराङ्ला दुक्पा बिन्नक।
25
तुक्किसाला प्रिय पावल ता बारनबास ताङ् मिला लाला दाम्नि तोङ्गुप ति ओरुङ् सेमला लाङ्सुङ् तेमे दि ओरुङ् तेरिला लेमु च्युङ्सुङ्।
26
दि अरे चाला येशु ख्रिष्ट मिङ्कि खातिर दाक्पि मिजि जोखिमला जोबुप् हिङ्।
27
दुक्किसाला अरेकि यहुदा ताङ् सिलासला ताङ्गुप ह्ये, तिकि ख्यिराङ्ला दि ताम तिबाराङ् हिउ।
28
च्यिलासिसिन दि गोबुप ताम तिना बिम्बु भार ख्यिराङला खुर मिजिबुप थुच्येङ्गि ताङ् ओरुङ्ला लेमु छोर्सुङ्।
29
ख्यिराङ् कु तिबाला बुलुप ठाक बिन्दुप तिबा, ठाक, जिङ्बा काबु सेतुप् थोक तिबा तेमे स्यामडेन तेबा थारे देता। ते ख्यिरेकि दाक्पुराङ् दि ताम नेबा थारे देनक क्यासिन ख्यिराङ्ला भलो गिउ।
30
तेमे तिबा बिदा गाल्नि एन्टिओखियाला लेसुङ्।
31
तिबिकि हुल्ला दासा जिक्ला ज्याक्सिमा पत्र बिन्सुङ्। तेमे तिबिकि तिला रासिमा ङार किकिसाला तिबा ङिङ्साङ् क्या।
32
यहुदा ताङ् सिलास लुङ्तेम्बा तिबा हतुप किसाला सुङ् बाङ्गि नेबा नुपतिबाला ङार बिन्सुङ् तेमे तिबा बलियो जोसुङ्।
33
तिबिकि ते तुज्येजिग देसिमा नुप तिबि पार्नेबा तिबाला तोङ्गोसाला ङिङ्साङ् तानि ताङ्गिङ्।
34
तेमे सिमोनला ते देतुपला लेमु छोर्सुङ्।
35
तेमे पावल ताङ् बारनाबास ज्येन बाङ्गि ताङ् क्यानि एन्टिओखियाला देसुङ्। ते तिकि लाप्सुङ् तेमे चावा सुङ् सिक्या।
36
खाङ्बि ङिमा तिङ्ला पावल बारनाबासला सिक्या, “ता ओरुङ् ग्युर्नि डि तेमे अरेकि चावा सुङ् सिक्याबुप ग्यासा नुपतिबाला कि, तेमे तिबा च्येन्दक नक ल्हे।
37
बारनाबासकि मर्कुस सिरुप युहन्ना तिबा ताङ् क्यानि टिडप छ्याल्सुङ्।
38
तेमे पावल मर्कुसला टिडप कि लेमु मेत सिनि नासाम ताङ्। च्यिलासिसिन पाम्फिलिया ला हतुप तुज्येला ति तिबा टाल्नि तिबा ताङ् क्यानि यक्ला गमा मागाल।
39
तेमे ते कडा असहमति उत्पन्न गाल। तुक्किसाला तिबा टालुप हिङ्। तेमे बारनबासकि मर्कुसला दाक्पु ताङ् क्यानि साइप्र तेबा ग्याम्दयो क्यासुङ।
40
तेमे पावलकि सिलास ला दाम्सुङ्। नुपतिबि तेबा चावा काटिनला बिन्सिमा खो तेबा गाल।
41
तेमे जोम्खाङ् तिबाला क्योङ्बु जोइदाङ् सिरिया ताङ् किलिकिया नेबा गाल।