लिउ १४
1
आइकोनियाला लेप्सिमा पावल ताङ वारनाबास तानी राङ छ्याजीक यहुदी तिबि जोमखाङ ताङला स्युसुङ । ते तिबि दिनोक ल्यामु ताम क्या ताम क्या कि यहुदी तिबि ताङ ग्रीक तिबा ङ्यीकार बाङी मिकि मोबा क्यासुङ ।
2
हिनसिनाङ ओङज्येन ङ्येदुप यहुदी तिबिकि जेन रु तिबाला खाङना खाङ ति जोणि बिन तेमे इजी नुक लागि ला खाक्ति जोनि बिन ।
3
तिकि किसाला पावल ताङ बरनासबास चावा ङारला सेम राबु जोनी ताम क्यानी ते राङ देसुङ । चावा कि तिबि लाक्पा नेमा ता तिबा ताङ छाक्का डोदे यक ति कि च्यिसुङ तेमे दाक्पी काटिन कि लेन बारे ला छ्यातेन्सुङ ।
4
हिनसिनाङ मि आला वातुप दासा तिबा तेरिग् गोनी गाल्सुङ । लाला मि तिबा यहुदा थाका स्युसुङ तेमे लाला ति प्रेरित थाका स्युसुङ् ।
5
जेन रु तिबा ताङ यहुदी तिबा ङ्यीकार दाक्पी गमा किरुप तिबाला पावल ताङ बारनास तिबाला मेलेबा यक किरुप ताङ दो थनी ज्याकुपला ङ्येनजितुप छाल ।
6
दि ताम क्ष्या ङयेसिमा तिबा लुकोनिय कि ग्यासो ला लुस्त्रा र डर्बि तेमे चाकि फार छुरख ग्यासो तिबाला हिम्नी देसुङ ।
7
त्ये तिबिकि लेन् ल्येमु स्येसुङ् ।
8
लुस्त्राला मि दक्पुज्ययिक देनि वालुप नोक तिकि काङबा ति ङार मेतुजिक वातुप नोक । ति केबु नेमाराङ खाङ कि मुथुपु ताङ नाम्लाङ मायुबु नोक ।
9
पावलकि ताम क्याबुति ति मि तिकि ङ्येनि वातुप नोक । पावलकी ख्येजिक तिला ल्यामु क्यानि ल्हासुङ तेमे तिला ति ल्यामु डप मोबा तिकि मिक्ला वातुप थोङसुङ ।
10
तिकि किसाला तिकी बोमु ओरला सिक्यासुङ " दाक्पी काङबाला राङ ला" तेमे ति मि लानि खाङक्याला युकु ताङ क्ष्योङु क्युसुङ .।
11
तिजो बेला मि बाङीकी पावलकी क्याबु यक थोङसुङ तिबिकि दाक्पी ओरुला राङ लुकोनिया ताम नेमा सिक्यासुङ । ल्हा तिबा मि च्याङा खुर्नि अरे चाला पाम्नी लेम्नोक ।
12
तिबिकि बारनाबासला "थार्सित" ताङ पावलला ति स्यिसिन सिक्यासुङ खाङसिनि सिसिन ति खेर सिनाङ बोमु ताम किरुप ति हिन् ।
13
ग्यासोला फिकि थाका वातुप जिउसकि क्ष्योखाङ ला क्ष्योनेकि सोमु गोला वातुप लाङ तिबाला ताङ मदेक कि स्यितिबा खसुङ खाङ सिनि सिसिन तिकि ताङ आला मिखि तेरुप सेम क्यासुङ ।
14
हिनसिराङ तिजो बेला ल्होमातिबि बारनास ला ताङ पावलकी दि कोसुङकी , तिबिखी स्यारि ङेयमा लानि माज्या तिबा छाल्नि ति मि आला वातुप थाका गाला
15
तेमे सिक्यासुङ " ए मि तिबा , ख्यिरेकि दि ताम तिबा खाङ सिनि कि वाई । हिराङ ङाङ ख्यिराङ तगे राङ सेम वातुप मि हिन् । हिराङ ख्यिराङला खाङ ताम मेतुप ति ताम नेमा सेन्बु कन्ज्यक थाका ग्युर्नी सिक्या लेन ल्यामु खबिन तिकि जोबुलिङ ताङ देवाचेनला तेमे ग्याम्छो ताङ तिला वातुप खेर ताम तिबा जोसुङ ।
16
तोङि तुजेतिबाला , खोकी तेरिक रु तिबा दाकदाक्पी लामला युकु का बिन्सुङ ।
17
हिनसिराङ खोकी दाक्पुला राङ पाङबु नेमा माताङ खाङसिनि सिसिन खोकी ल्यामु क्यासुङ तेमे देवाचेन नेसुर छ्यार्बा ताङ डाल्बा तेरुप दोङबु तिबा बिन तेमे खोकी अरे सेमला ङियङसाङ कि च्यितुप वाइ ।
18
दि सुङ नेमा साङ पावल ताङ बारनाबास कि बाङि मि तिबाला दाक्पि ठाक तेरुप नेमा बल्ल बल्ल केक्सुङ ।
19
हिनसिराङ एन्टिओक ताङ आङकोनियम नेमा लाला यहुदा तिबा लेसुङ तेमे बाङी मिला ङयेनचिसुङ । तिबिकि पावल तिबाला दो थनी लिसुङ तेमे ति स्यिनोक सिनि सेम क्यानि टितिदाङ ग्येसा नेमा फिला तेन्सुङ ।
20
हिनसिनाङ तिकी टाबा तिबा तिकी चाला लानी देतुप थोङनी लासुङ तेमे ग्यासा नाङला स्युसुङ । जेर्मा छिय ति बारनाबास तानि डर्बीला गाल्सुङ ।
21
१ ग्याजा ला तिबिकि लेन ल्यामु च्याल्सुङ तेमे आला टाबा तिबा जोसिमा लुस्त्रा , आइकोनियम ताङ एन्टिओकला ग्युर्सुङ ।
22
तिबिकी टाबा तिबि सेम राबु जोइ दाङ मोबा ला देसित सिनि दुक सिदाङ गा लोङुप यक क्यासुङ । तिबिकि तिबाला सिक्यासुङ हिराङ आला दुक्पा ङ्येनि राङ कन्ज्यक ग्याल्खोप स्युबु जाई ।
23
तेमे तिबिकि मोबा किरुप तिबि क्ष्योछ्योकला एल्डा ला लुक्सुङ तेमे फिला स्यासा तानि राङ सवा ताम्नी तिबाला मोबाला मोबा क्याबु चावा लाक्पाला तिबाला लुङनी बिन ।
24
तिकि तिङला तिबा पिसिदिया नेमा पाम्फिलिया लेसुङ ।
25
पर्गाला सुङ लाप्सिमा तिबा अटालिया तेबा पाप्सुङ ।
26
त्येबा तिबि टुला जेनी एन्टिओक तेबा गुग्युसुङ , तेनि तिबिकि आदाराङ सिदा क्याबु यक लागिला कन्ज्यक काटिनला तिबाला छेतुप वाइ ।
27
एन्टिओकमा लेम्नी देयासिमा तिबाला योछ्यो क ला दासा ज्यिकला जोसुङ तेमे कन्ज्यककी तिबीकी क्याबु यक तिबा ताङ राङसा रु तिबि पार्ला चुक क्यानी खोकी मोबा गो वेक्यि, तिकि बारेला तेरिक ताम सिक्यासुङ ।
28
तिबा ने ओतुप टाबा तिबा तानी रिङबु तुजे साक देसुङ ।