लिउ १३
1
ऐन्टि ओखियाकि छोक्पाला त्या लाला लुङ्तेम्बा ताङ् लोबेन् तिब नक्। तिबि नाङ्ला वानोबास सिमियोन्, (तिला नाइजर सिनक्) कुनेरिकि लुसियम मनेन ताङ् शाउल नक।
2
तिवा ङ्युङ्ने किताङ् स्वाबुलिन् नक। थु चेङ्ङेकि सिक्यासुङ्, “शाउल ताङ् वारनाबासला ङे यक् ङे यक् नेसुर थरे ज्यक् चिन् यक् किरुप्ला ङेकि काताङ्ङु।“
3
तिबिकि छक्पा ङ्युङ्ने क्यानि सुन्सिमा, तेमे तिबिकि दि मितिबि खाला लाक्पा ज्याङ्निते ज्याङ्निते स्वाताप्सुङ् तेमे तिबाला ताङ्सुङ्।
4
तिकि किसाला थु चेङ्ङेकि साबुतिबा शाउल ताङ् वारनावास कि थूकि साबु दगेराङ् क्यासुङ्। तेमे हक्ला सुलुसुयामा ला गाल्सुङ्, तेमे त्यासुर टु ला ज्येनिते साइप्रसकि गाङ्ला गाल।
5
सालमिस ग्यासाला हसिन, तिवि कि यहुदिकि जोम्खाङ्ला सुङ् सासुङ् तेमे दाल्जा किरुप्ला यूहन्ना ताङ् मर्कुस तिङ् तिबा तानिराङ् गालसुङ्।
6
तिबा ति गाङ् सिनिते फारोसला ख्योल्सिमा जिम्डुल छ्यादेदुप् मि जुनक्पा लुङ्देन्बा च्यिक् टेसुङ्, तिकि मिन येशू नक्।
7
ति जिम्डुल त्याकि दासाकि ओङ्जेन् सर्गियस पैलस तानि डिकुप् नक, ति आला खामु ति नक। तिकि शाउल ताङ् बारनाबासला काताङसुङ् चिला सिसिन ति कन्ज्यक् कि सुङ् ङेदुप् सेम् किनक्।
8
हिन्सिराङ इलुमास (जिम्डुल किरुप) तिवि तिबाला खा क्यासुङ् तिकि त्याकि ओङ् छेबु यर्गियसला पौलसला मोवा किरुप् नेसुर ग्युर्जिदुप् छाल्सुङ्।
9
तेमे शावल तिला पावालाङ् सिउ, थू चेङ्ङेकि केङ्निते, तिला ल्हा ल्हाबा क्यासुङ्।
10
तेमे सासुङ ख्योरुङ ङेकि पुज्युङ्, ख्योङ् जुनक् ताङ् मेलेबा ताम् तिबिकि क्याङ्निते हये। ख्योङ् तेरिक् ल्यामु यक् तिबिति डा हिन्। ख्यरेकि कन्ज्यक् कि लाम् थाकाला क्यक्कु जितुप नाम्लाङ् मुक्युरु क्युर्किना?
11
ता ल्होसा चावाकि लाक्पा ख्यरे खाला हये तेमे ख्योरुङ् मिक् मोथोङ्ङ डिउ। उकुर्जक् ख्यरेकि ङिमाला मोथोङ्ङु।“ त्या स्यारि मुसिप् थूक्पु ताङ् नाक्तिङ्ङि कि एलुमासला उप्सुङ् तेमे लाक्पाला जिम्निते टि सिनिते फार्ला छुर्ला मि तिबाला कातोङ्ङु स्युसुङ्।
12
ति दासाकि ओङजेन् हतुप् तिकि ति थोङसिमा तिकि मोवा क्यासुङ्। चिला सिसिन् चावा कि यान्देन्न कलातिला याम्छेन् लासुङ्।
13
तेमे त्यासुर पावाल् ताङ् तिकि दाल्जा पाफिस नेसुर छी ठीला जेनिते पाम्फिलिया कि पर्गाला लेसुङ्। हिन्सिराङ् यूहन्ना कि तिबाला ताङ्निते यरुशलेम् नेबा ग्युर्सुङ्।
14
पावाल ताङ् तिकि दाल्जा तिबा पगारनेसुर पसिदियाकि ङासप् ङिमाला जोम्खाङ्ला गाल्निते देसुङ्।
15
तेमे ठिम् ताङ् लुङ्देन्बाकि थेप् ह्रानिते सिन्निमा गमा किरुप् तिबिकि तिबाला दुक् सिदाङ् लेन् ताङ्सुङ्। “नुक् रिबा खिराङ् तानि द्या हतुप् मि तिबि कला सेम्सो किरुप् लेन् हसिन् किसा।“
16
तेमे पावाल लासुङ्, लाक्पा थनि लाताप् किदाङ् सासुङ्, “इझ्राएल कि मि तिबा ताङ् कन्ज्यक् ला स्वा किरुप् तिबा ङेन्।
17
इझ्राएल कि दि मि तिबि कन्ज्यक् कि अरे पाप्गाबा तिबाला पेनिते मिस्र लुङ्बालला देतुप् तज्येला तिवाला बाङ्ङि फेल् चिनिते तेमे दाक्पि लाक्पा थनि तिबाला त्यासुर तेन्सुङ्।“
18
खोकि ल्हो सिप्च्यु साक् तिबाला खाङ् मेतुप् दासाला ज्याक्सुङ्।
19
कनान् ला हतुप् मिरिक् दिन् ला खो कि सिदा क्यासिमा अरे मितिबाला त्याकि सासि तिबि दाक्पि ओङ्छेन् किरुप्ला बिन्सुङ्।
20
ति तेरिक् ताम् तिबा ग्याम्सि सि ङाप्च्यु ज्यिक् थबु नक्। दि तेरिक् यक् तिबि तिङ्ला कन्ज्यक् कि शामुएल लुङ्देन्बा कि तुज्ये साक् तिबाला ठिम् किरुप् बिन्सुङ्।
21
तेमे मि तिबिकि ग्याल्बु च्यिकग् लाङ्सुङ् तिकि किसाला कन्ज्यक् कि वेन्यामिन् कुल् कि किसाक् कि पुज्युङ् शाउल ला ल्हो सिप्च्यु साक्ला बिन्सुङ्।
22
कन्ज्यक् कि शाउल लला ग्याल्बु नेसुर थेन्सिमा, खो कि दाउदला तिबि ग्याल्बु जोसुङ्। कन्ज्यक कि दिराङ् दाउद कि कला लापु हिन्, “यिशै कि पुज्युङ् दाउद ङे सेम्गि सोबु मि दगे ङेकि ङेसुङ्, तेमे ङेकि साबुदगे तेरिक् यक् तिकि किउ।
23
दिराङ् मि तिबि गिपानेसुर खोकिउ सिनिते ना क्यालु कि किसाला कन्ज्यक् कि इझ्राएल ला थार्वा तेरुप् येशू खबु हये।
24
येशु हुङूप सिना तङ्ला राङ् दिन च्युङ्सुङ्, यूहन्ना कि तङ्लाराङ् इझ्राएल कि तेरिक् मि तिबाला सेम्उग्युर्वा कि वप्तिस्मा कि कला सासुङ्।
25
युहन्ना कि किसिन् तिकि सासुङ्, ‘खिराङ् ङा सुहिन् सिनि सिउ? ङा ति मिन्। हिन्सिराङ् ङेना, ङा सिना तिङ्ला दक्पु ज्यिक् हुङ्ङिन हये, तिकि काङ्बि कङ्स्युप् कि रक् डोलुप्लाङ् को मेछेउ ङा।‘
26
नुक तिवा, अब्राहाम गिपाकि पेजातिबा, तेमे खिरे नाङ्ला सिक कन्ज्यकला सोवाबुल्ग्यु दि थार्वा कि लेन् ङिराङ्लाराङ् ताङ्ङु हये।
27
यरुस्लेम ला देतुप् तिबा ताङ् तिवि खाला ओङ्ज्येन किरुप तिबिकि हुतुङ् राङ् ङोमासे, ना…तेरिक सवाथला ह्रअकुप लुङ्तेम्बा तिबिकि होरुला हाक्कोसु। तिकि किसाला तिबिकि येशूला सेचिनिते लुङ्देन्बा रिवि लुङ्देन्कि सावु दगेराङ् च्युङ्सुङ्।
28
खोला सेतुप्ला ङेवा मेसुराङ् तिविकि खोला सेतुप् ला पिलातस् ला सासुङ्।
29
तेमे तिबिकि खोकि कला टिबु दि तेरिक् ताम् तिबा ख्योला क्यासुङ्, तिबिकि खोला दोङ्बुनेसुर पाम्निते तुर्साला क्याल्सुङ्।
30
हिन्सिराङ् कन्ज्यक् कि खोला सिवा नेसुर थार्वा बिन्सुङ्।
31
गालिल नेसुर यरुसलेम् साक् खोतानि हबु मितिबि चाला खो ङोमा आला साक् थोङ्सुङ्। हादा तिवाराङ् मि तिबि दङ्ला थोङ्ङुप् ताम् लापुप् तिबा हिन्।
32
तिकि किसाला अरे पागाबा तिबा तिन ना क्यालुप् लेन् ल्यामु ङिरेकि ख्यरे चाला खबुहये।
33
कन्ज्यक् कि येशूला सुवा नेसुर सेन्बु लोङ्सिन्, ओरुङ् तिवि पेजाला सिनि खोकि दि ना. तिवा छेच्यिसुङ्। ङीवा भजन्ला टिबु दगेराङ् ‘ख्योरुङ् ङे पुज्युङ् हिन्, हारिङ् ङा ख्यरे पापा च्युङ्ङु हये।“
34
खोकि जुबु मुरुलसित सिनिते खोकि येशूला सावानेसुर सेन्बु लाङ्सुङ् सुरुप् ताम्गि कला खोकि दिनक् साबु हये, ङा ख्योरुङ्ला दाउदकि चेङ्ङे ताङ् चिबु मलाम तेर्क्यु।
35
तिकि किसाला खोकि ज्यार्मा भजन् तिङ् दुक्साबु हये, ‘ख्यरेकि दक्पि चेङ्ङे मिरिक् तिबाला रुल् मिजिउ।‘
36
चिला सिसिन् दाउद कि खरे गिपाला कन्ज्यक् कि सेम क्याबु दगेराङ् यक् क्यासिमा, ति सिसुङ् तेमे तिला खरे पाप्गाबा तिबा तानिराङ् ज्याक्सुङ् तेमे तिकि रो ति रुल्सुङ्।न
37
तेमे कन्ज्यक कि सेन्बु लाङ्ङुप् तिवि रो ति मारुल।
38
तिकि किसाला नुक् तिबा, दि ताम् तिबा खिरेसाङ् छ्याङेता कि दिराङ् मि तिबानेसुर खिराङ् दिक्पा नेसुर टोल्लु ह्ये।
39
सोवा किरुप् तेरिक् खोनेसुर तेरिक् यक्नेसुर रेत्पा मेतुप् डिउ, मोशाकि ठोम् नेसुर खिराङ्ला रेत्पा म्यातुप् जोमाथुप्।
40
तिकि सदि ताम तिबा खिरे खाला म्याङ्सित,
41
क्युक्टो किरुप् तिबा ल्हो, तेमे याम्छेन् कि, तेमे नाज्युक, खिरे तुज्येला ङेकि यक किताङ् ह्ये, दोजो सिसाङ खिराङ्ला दिकि कला सासिराङ् खिराङ् नाम्लाङ् रेत्पा मिकिउ।
42
पावाल ताङ् बरनाबास त्यासुर डप छ्याल्सिमा तिमिकि ताराङ् छिक् तिबा ज्यार्मा ङासाप् ङिमाला लेम्निते सानि नाङ् सिनिते गोङ्बा स्युसुङ्।
43
जोम्खाङ् कि जोम्बा तिबा सिन्सिमा, आला यहुदि तिबा ताङ् यहुदिला गोङ्बा स्यप् मि तिबा पावाल ताङ् वरनबासकि दिङ स्युसुङ्। तिबिकि क्ज्यक् कि कार्टिन् ला नाम्लाङ् तेतुप् ला तिला सेम्सो क्यासुङ्।
44
जर्वा ङासप् ङिमाला, ग्साला तेरिक् चो चावा कि छिक् ङेदुप् ला छ्याजिक् काताङ्नक्।
45
यहुदि तिबिकि ति आला मि तिबाला थोङ्सुसिमा, तिवा तिक्ला जेरग्याप्सुङ् तेमे पावालकि साबु ताम्ला खा क्यासुङ् पावल ला मेलेवा सासुङ्।
46
तेमे पावल ताङ् बारनाबास कि ङारतानिते सासुङ्” कन्ज्यक कि सुङ् तङ्ला खिरे दङ्ला सिक्याबु हये। खिराङ्नेसुर पुलुप, थोङ्निते दाक्पिकि दाक्पुलाराङ् नाम्लाङ् मिसिबु मिजि मेङेबु जोबु किसाला ल्होसा, ङिराङ् यहोदि मिदुप् तिबि चाला डिउ।
47
चिला सिसिन् कन्ज्यक् कि ङिराङ्ला दिनक का विदुप् हये, ‘ङे कि खिराङ्ला यहोदि सिना ज्यान्ला सिनि टाछ्यालि जोनि ज्याङ्नि हये, जाम्बुलिङ् कि फालिम् छ्यसाक् खिरेकि थार्वा खुङ् गोबु क्या”
48
गैरयहुदि तिबिकि दि कोसिमा, तिवा गा क्यानिते कन्ज्क कि साङ्ला सवापुल्सुङ्। नाम्लाङ् मिसिबु मिजिला पेतुप तिबिकि रेत्पा क्यासुङ्।
49
ति दासाला खेन्बाङ् कन्ज्यक् कि सुङ् मेन्सुङ्।
50
तेमे यहुदि तिबिकि भक्त ताङ् म्याला म्याङ्ङु पुमा तिबा ताङ् ग्यास कि ति छ्ये तिबा तानि पावल ताङ बारना बास कि खाला लासुङ्। तिबिकि पावल ताङ् बारनाबास ला छेर्पा काल्निते ति ग्यासा नेसुर तेनिताङ्सुङ्।
51
हिन्सिराङ् पावाल ताङ् बारनाबासकि दक्पि कङ्वाला कोवु थाल्दुक् दिवि खाला सिनिते रुसुस्। तेमे त्यासुर तिवा आइकिनियम सिरु ग्यासाला गाल्सुङ्।
52
तेमे टावा तिबा गादिङ्ङि ताङ् थु चेङ्ङे कि क्यासुङ्।