लिउ १९
1
अपोलोस कोरिन्थिला हतु तुज्येला पावल गोकि लामा नेसुर क्यानि एफिसस ग्यासाला लेम्नि ख्योसुङ् तेमे ते लाला टावा तिबाला ठेसुङ्|
2
पावल कि तिबाला टिसुङ्, “ काङ् खिरेकि कन्ज्यकला मोवा किरु तुज्येला च्येनि थु ङेसुङ्ना?” तेमे तिबिकि तिला सासुङ्, “मिङ्, ङिरेकि नि हादा साक च्येनि थु लोला काङ् कोदु मेत्|
3
पावलकि सासुङ्, “तिनक् हिङ्सिङ् तिबिकि काङ्ला बप्तिस्मा लाहासुङ्?” तिबिकि सासुङ्, “युहन्नाकि बप्तिस्मा|”
4
तेसुर पावल कि सासुङ्, “युहन्नाकि तेरु बप्तिस्मा ति पश्चातापकि हिङ्| तिकि मि तिबाला साबु ह्ये कि तिबिकि ति सिना तिङ्ला हुङु खाला अर्थात येशु खाला मोवा कि गोक्यु|”
5
मितिबिकि ति ताम कोसिमा तिबिकि येशु मि
ङ्ला बप्तिस्मा लाह्सुङ्|
6
तेसुर पावल कि तिबि खाला लाक्पा ज्याक्सुङ् तेमे थु चयेङि तिबि खाला लेसुङ् तेमे तिबिकि राङ्सा तामला ताम क्यासुङ् तेमे अगमवाणि क्यासुङ्|
7
तिबा ति च्युक ङि मितिबा हतु नक्|
8
पावलति क्षो खाङ्ला गाल्नि ते साहस क्यानि लेङ् लेमु सिदाङ् लाह् सुम देसुङ्| तिकि कन्ज्यककि ग्याल खाकि लोला मितिबा तानि ते ताम क्यासुङ् तेमे मोवा किरु जोसुङ्|
9
तेमे काङ् याहुदि तिबिकि सेम ति क्योङ्बु जोसुङ् तेमे ठिम ला मादे,तेमे तिबिकि ख्रिष्टकि लोला मितिबा अला हतु दसाला मेलेबा ताम क्यासुङ्| तेसुर पावलकि तिबाला ताङ्नि ते मोवाला लानि तेसुर गाल्सुङ्| तिकि टुरान्नसकि प्रवचन ङिमि ताङ् ताम क्यासुङ्|
10
ति ति लो ङि देसुङ् तेमे एसियाला हतु यहुदि ताङ् ग्रिक तिबा तानि कन्ज्यककि छिक ङेङ्सुङ्|
11
पावलकि लाक्पा नेबा कन्ज्यककि महान लाका तिबा क्यासुङ्|
12
पावलकि जुबुला माज्या रेङ्नि खुर्गाल्सिनाङ् नाबा तिबा ला रेक्सिमा तिबा तेङ्गु तेमे डे तु तिबा तिबि नाङ् नेसुर थेनि गाल्सुङ्|
13
हिङ्सिनाङ् ति दासा चावा येशु मिङ्ला दाक्पु मेसिनाङ् लाका किरु कि यहुदि मेङ् ज्यगु पोन्बु तिबाङ् नक तेमे तिबिकि डे नाक्पु कोबु मि तिबाला दुक सासुङ्, “पावलकि साबु चावा कन्ज्यककि मिङ्ला थेनि ग्युक् ङा ख्योरुङ्ला कादेन किउ|
14
तुक किसाला दक्पुज्यिक गेरिक सिना गेर्पु यहुदि स्केवा कि मेरा दिन पुज्युङ् तिबा नक्।
15
दक्पु ज्यिक डे नाक्पु कि तिबाला दुक सिक्यासुङ्, “वा येशुला ङे ङोस्येक्यु, तेमे पावल ला साङ् ङो स्येक्यु तेमे ख्योरुङ् दि सु हिङ्।
16
तेमे ति डे नाक्पुकि थु कोबु मि तिबि खाला (म म) क्यासुङ् तेमे तिबाला बाङ्ला दाम्नि क्यानि दुसुङ् तेमे तिबा ति खाङ्बा नेसुर पेर्तुङ्बा गाल्नि मा थेनि गाल्सुङ्।
17
एफिससला देतु यहुदि ताङ् ग्रिक तेरिक मोवा क्याबु तिबाला ति ताम हाक्कोसुङ्।ति किकिसाला तिबि नाङ्ला बोबु ज्यिबा लेसुङ् तेमे येशुकि सोवा गाल्सुङ्।
18
तेमे तेरिक मोवा क्याबु तिबा लेम्नि दाक्पि क्याबु मेलेबा लाका तिबा सेम्ला लासुङ्।
19
टुनामुना किरु तिबिकि दाक्पि क्षो तिबा आला मितिबि मिगाला रेसुङ्। तिबिकि ति तेरिक ङोसिङ् ति तङ्डा ङाप्ज्यु ङुल् डिनक।
20
तुक क्यानि राङ् कन्ज्यककि सुङ् आला ङारला फेल्नि गाल्सुङ्।
21
तेमे पावलकि एफिससला दाक्पि सेवा लाका क्यानि सिङ्सिमा ज्येङ्नि थुकि गमा क्यानि माकेडोनिया ताङ् अखैया दाङ् यरुशलेम नेबा ड सेम क्यासुङ्। तिकि सासुङ्, “यरुशलेम खोल्सिमा ङा रोमलाङ् डोराङ् गोक्यु।“
22
पावलकि दाक्पि मेरा ङि यक्पु तिबा तिमोथि ताङ् एरास्तसला माकेडोनियाला ताङ्सुङ् तिबि कि पावलला किटो क्याबु हिङ्। तेमे पावल दाक्पु ति एसिया लाराङ् देसुङ्।
23
ति तुज्येला राङ् एफिससला ति मार्गकि लोला बोबु सिरोक् क्यासुङ्।
24
डायनाकि ङुलकि कु तिबा ज ङुल सिल्पकार डेमेत्रियसडकि याक्पु तिबाला आला जोङ् तिबा ज्याल्नि तेर्क्यु।
25
तिकि किसाला ति मि तिबाला टाउ ज्यिक् राङ् जोनि तिकि सासुङ्, “दाल्जा तिबा, ति व्यापार किकिसाला ङिरेकि आला डेबा जोई नक्।
26
तेमे ख्यिरेकि थोङ्नि दाङ कोतिङ् ह्ये एफिससला क्या मेदा एफियाला हतु तेरिकला पावलकि चुक्यानि मि तिबाला ति ताम नेबा ग्युर्च्यिसुङ्। तिकि लाक्पि जोबु ताम तिबा ला कान्ज्यक जोबु मिङ्सिदाङ् नक्।
27
तिकि किसाला ङिरे व्यपारला मेलेबा मागाल्बा तेमे गेर्पु देवि डायनाकि मन्दिर तेमे तिबि खाला मि तिबिकि आस्था साङ् एसिया ताङ जाबुलिङ् नेसुर राङ् तोर्क्यु।“
28
दि ताम कोसिमा तिबा गेरिक खक्चा क्यानि दुक सि होरु क्यासुङ एफिसस तिबिकि ल्याहाबु सिना बोबु हिङ्।
29
तेमे गेरिक ग्यासाकि मि तिबा फार ताङ् छुर गाल्सुङ्। तेमे पावल तानि माकेडोनिया नेसुर दाल्जा क्यानि लेपु गायस ताङ् अरिस्तार्खस तेमे तिबा गेरिक रङ्गसाला नाङ्ला स्युसुङ्।
30
पावल ति खादाप ला ड सेम क्यासुङ्मतेमे टावा तिबि कि क्याक्सुङ्।
31
हिङ्सिनाङ् लाला तेकि का ङ्येतु मितिबि कि पावलला ति मि माङ्बि नाङ्ला माङ् सिनि ग्यासो स्युइदाङ् लेन ताङ्सुङ् तिबा पावलकि दाल्जा नक।
32
लाला मि तिबि कि कआङ् ताम सिदाङ् नक लाला तिबिकि राङ्सा राङ् सिनक तेमे मि बाङि नाङि मि तिबागेरिक कि सेम फार ताङ् छूर गाल्नि खाङ् किरु किरु गाल्सुङ् आला मि तिबाला दि तिबा ते च्यिला जोबु हिङ् सिनि सा छ्या माबिङ् नक्।
33
तेमे यहुदि तिबिकि अलेक्जेटरनला मि बाङि नाङ्ला टिनि लेसुङ् दाङ् तिकिकि लाक् लातेप क्यासुङ् तेमे जोबु मिला येदेन तेरुपला का बिन्सुङ्
34
तेमे अलेक्जेन्टर ताङ् यहुदि हिङ् सिनि छ्या ङ्येसुङ् तेमे तिबा गेरिक कि होरु च्यिकला राङ् तुज्ये ङि साक एफिसि तिबि ल्याहाबु सिना बोबु ह्ये सि दाङ् होरु तेन्सुङ्।
35
तेमे ति दासा कि सचिब तिकि गेरिक जोबु मि तिबाला खाराक्पा ज्याक्सुङ् एफिसस कि मितिबा एफिसि कि डायना कि ल्हाखाङ् ताङ् मिन नेबा लुबु कु कु तिकि हिदुप हिङ् सुला छ्या मेत्।
36
तिकि किसाला दिला माला
ङ्बु क्यि मुथुबु तिकि किसाला खिराङ् ङिङ्साङ् क्यानि देगोक्यु तेमे टिबु टिबु काङ् किरु मेङु।
37
च्यिलासिसिन दि ख्यिरे कि टिनि लेबु कि मि तिबि ल्हाखाङ् कुन क्याबु ह्ये ल्हामु कि खाला राङ् ह्ये।
38
तिकि किसाला डेमेत्रियस ताङ् ख्यरे लाका किरु तिबि कि काला काङ् हसिन ठिम किसा दासा तिबा ह्ये दाङ् ते ठिम किरुप तिबा ह्ये ते तिबिकि उजुरि क्यासुङ्।
39
तेमे राङ्साङ् ताम तिबा हसिन नामलाङ् जोम खाङ्ला ठिम लाङ्सित।
40
चिललासिसिन हारिङ्कि खादाब कि ङेबा
फगुकि जिबा ह्ये दि काङ् दिकि किसाला हिङ् तिकि ख्याला कि मुथुप्।
41
ति सासिमा सोवाला ङा सोसुङ्।