¹ हिन्सिनसङ दि श्येसा , तिङि ङिमा तिवाला ज्यिबा लाङ्दे तुज्ये गिउइ । ² चिलासिनि सिसिन मितिवा दाक्पुलाराङ ङिङ्ज्ये किरुप तिवा , गिज्याकि ङिङ्ज्ये , ज्येन मिला मेलेवा सिरुप् , पापा मामिकि सिक्यासबु मेङेदु , मेचेङि , ³ दाक्पि किच्योला ङोङ्ज्ये मेतुप् , क्योङ्बु , दाक्पि थुला ल्यामु क्यानि ज्यक मुथुबु , ल्यामु सेम मोडोबु , ⁴ मि गिज्या लानि मेतेरुप् , दाक्पि दिराङ हिन सिरुप् , कन्ज्यककि ङिङ्ज्ये सिनसाङ माङ किर्मुला देतुप् छोलु हुङुइ । ⁵ तिवा मोवा नाङ्ला थोगिनक हिन्सिनाङ दिकि ङारला इमा मिकिउइ दि मि तिवि चाने फाजेक देत् । ⁶ दि मितिवि नाङ्ला लाला मितिवा खाङ्बा खाङ्बाला श्युनि कक्पिकि क्याबु नावा नावि दिक्पा किताङकि हाम्बा कि दोबुप् कुवाकि ओङ्ज्येन्ला श्योर जिक्यु । ⁷ दि पुम तिवा नाम्लाङ ताम श्याबा लोपुप् छोलिन किनक ,हिन्सिनाङ नाम्लाङ हुतुङ च्युला हुङ मुथुपु । ⁸ च्युक क्यानि थानेस ताङ याम्ब्रेस मोशाकि खाला लोबेन तिवा हुतुङ ताम्ला खालाङ्गुप्ला लाङ्गु तिवि सेम कोलप् गालुप् वे । ⁹ दि मि तिवा आला गमाला डोमुथुउइ , चिलासिसिन तिविकि कक्पु ति दि मि ङिला तगे तेरिक मिला क्ष्या गिउइ । ¹⁰ हिन्सिनाङ खिरेकि ङे येन्देन ,ङे किताङ , तेन्दक, मोवा ,ङिङ्ज्ये , खाला ङेदुप् ङार , ¹¹ दुक्पा तेरुप , तेमे एन्टिओखिया ,आइकोनिया ताङ लश्त्राला ङेखाला लेपुप् ताम तिवा दिमु क्यासुङ । ङेकि तिनक दुक्पा तिवा सहेक्याबिन तेमे चावाकि ङाला तेरिक नेसुर ताङ्नि बिन्सुङ । ¹² चावा येसुला कि गोबु नाङ्ला देतुप् मि नाम्लाङ दुक्पाला श्योर्क्यु । ¹³ डा मितिवा ताङ (ठगि ) तिवा तारुङ मेलेवा किउइ । तिविकि ज्यान्ला (पथभ्रष्ट ) जेउइ तेमे ज्यन नेसुर तिवाङ (पथभ्रष्ट) डिउइ । ¹⁴ हिन्सिनाङ ख्योरुङदि दि लापुप् ताम मोवा राबु ताङ मोवा क्याबु ताम्ला दि श्येसा चिला सिसिन ख्यरेकि दि ताम सिनि श्याबु जै। ¹⁵ खिराङ्ला छ्या वे टिक्पे नेसुरराङ खिरेकि चेङि (शास्त्र) श्येबु हिन । तिकि किसाला खिरेकि चावा येसु नेसुर रिक्पा वतुप सिउइ । ¹⁶ तेरिक (धर्मशास्त्र )कन्ज्यककि ङिङ्ज्ये नेसुर गालुप् हिन । तेमे दि लोपुप्ला हाकेरे किरुप् किरुप्ला दिक्पा मेतुप दासाला (तालिम ) तेरुप्ला क्ष्योकि येत गिउइ । ¹⁷ चिला सिसिन कन्ज्यककि मितिवा तेरिक ल्यामु च्युङ्नि तेरिक ल्यामु लाकला ल्यामु हुङ थुसित् ।