लिउ ४
1
चावा कन्ज्यककि चाला सेबुताङ श्येप तिवा सेन्बु खामु किरुप छालु वे , चावा येसुकि चाला ख्योकि उङ्दाङ ताङ ख्योकि ग्याल्खाप ला ल्हाइ ताङ ङा खिराङ्ला दि का तेर्क्यु
2
सुङ श्येत , डिकुप् ताङ मिडिगुप् तुज्येला गिउइ तेरिक गुबुप ता येन्देन नेसुर लेमु जो , ओरुङ देन्दुप् टो बिन ।
3
तिनक तुज्ये गिउइ , तजोला मितिवि हुतुङ येन्देन हाक कोमुथुबु , तेमे दाक्पि हाम्बा दगे येन्देन तेरुप लोबेन तिवा क्योर्नि देक्यु ।
4
तिविकि हुतुङ ताम्ला दाक्पि नाम्ज्यक उप्क्यु तेमे पे तिवा ङेक्यु ।
5
हिन्सिनाङ ख्योरुङ यरिक ताम्ला च्याम्बा कि , देक्पा खुरःश्येबु लाका कि, दाक्पि यक सिदा कि ।
6
ङा गमा नेसुर राङ ज्यिवाला विन्दुप् तेमे ङा छालुप् तुज्ये लेपुप् वे ।
7
ङेकि उदेक लेमु माक थापुप् वे: ङे क्ष्यानि सिदुप् वेः ङेकि मोवा ला दनि ज्याकुप वे ।
8
ङे ठक्ला दिक्पा मेतुप उश्या ज्याकुप वे , ति उश्या दिक्पा मेतुप ठिमकि केङुप चावाकि उङदाङ्ला ङिङ्जयेबु नासाम तोङुप् तेरिक ला तेरक्यु ।
9
चो आछेवे तिजोराङ टिबु ङेचेला हुङुप छोल ,
10
खाङ सिसिन षेमासकि ङाला ताङसुङ । दि तजोकि जाम्बुलिङ्ला ङिङ्ज्ये क्यानि थेस्लोनिकिला गालुप वे । क्रेडन्स गलातियाला गालुप् वे तेमे तितसति दलमातियाला गालुप वे ।
11
लुका क्याजिक ङा तानि वे । मर्कुसला ख्योरुङ तानि टिनि श्यक , चिलासिसिन यक्ला ति ङे ठक्ला थक्दिमु वे ।
12
तुखिकसला ङेकि एफिससला ताङ्गुप् वे ।
13
ख्योरुङ हुङ हुङला ङेकि त्रोआसला कार्पस चाला ताङज्याकुप थालु ताङ क्ष्यो तोवा , उदेक क्यनि किकि थेप जोल्मु तिवा खुर्नि श्यक ।
14
तमौटे अलेकजेन्डर कि ङाला किताङ मोवाला क्याबु वे । चावा कि तिला ख्यरे यगिदगे गिपा तेर्क्यु ।
15
ख्योरुङ तितानि च्याङ्से देत् , चिलासिसिन दति अरेकि सुङ खाला उदेक क्यानि लासुङ ।
16
ङे तङि लाक्लक ला सिसाङ तानि माबिन , तेमे तेरिक ङाला ताङ्सुङ तिवाला तिकि ङेवा मफक्सित ।
17
हिन्सिनाङ चावा ङे चाला लानि देसुङ तेमे ङाला ङार बिन्सुङ् , तेमे ङा नेसुर लेन ल्यामु श्येतुप क्ष्येसि तगे डोथुप्सित तेमे तेरिक जे मितिवि कोतु ङेसित् । तुक क्यानि ङा तागि खानेसुर श्योर थुप्सुङ ।
18
चावा कि ङाला तेरिक यक नेसुर ताङ्तोङु तेमे ख्योकि देवाच्येनकि ग्याल्खापला ह्रकित् । ख्योला सवां वसित । आमेन।
19
प्रिस्किला आकिलास ताङ ओने सिफरसकि ख्ङ्बा ला गासो श्यप सिनिबिन ।
20
इरास्तस कोरिन्थिला राङ देसुङ , हिन्सिनाङ त्रोफियसला ङेकि नानि वतुप कि किसाला मिलेसला ताङ्नि ज्याकिन ।
21
खा ग्याकुप सिना तङ्ला राङ ङेचाला हुङ्गुप् छोल । युबुलसकि खिराङ्ला गासो श्यप ताङ्नक ,तुक क्यानिराङ तेमे पुडेस, लिनस, क्लौडिया ताङ तरिक नुक तिवालाङ ।
22
चाावा ख्यरे थुताङ देसित् । खिराङ्ताङनि काटिन वसित् । आमिन ।