लिउ २
1
तिकि किसाला ङेकि आङा येसु ख्रिष्टला हतुप् काटिनला रांबु जोसित ।
2
आला किदुककि पार्ला ख्यरेकि चिनक ताम ङेतेसुर कोदुप् वे चेन मितिवाला साङ लोप थुपुप् मोवा किदिमु मितिवाला बिन ।
3
चावा ख्रिष्टकि माक्मि दगे राङ क्यानि ङे कला दुक्पा खुर ।
4
माक्मिला मिन टिकुप् गालुप् लाला ज्यान्दा दाक्पि मिजिकि ज्येन मिला मोश्योरु तेमे ज्यिन्दाक छोल हुङ थुसित ।
5
लाला चिमिला बो लाङ्सिन तिकि ठिम दगे माज्येबा उश्या ग्याल्मु थुप् ।
6
दुक्पा किरुप् श्यिङ नेवा दाक्पि डु ङेथुप् गोक्यु ।
7
ङेकि साबु ताम्ला नासाम तोङा चिले सिसिन चावा कन्ज्यककि खीराङ्ला तेरिक् ताम्ला नासाम ङा तेर्क्यु ।
8
ङेकि लेन ल्यामुकि लेन्ला सिक्याबु दगेराङ दाउदकि गिपा तोङा ।
9
ति ताम्ला ङे दिक्क्ष्येन दगेराङ ताबु वे तेमे चावा कन्ज्यककि सुङ ताबु ठक्ला दुक्पा खुर ।
10
तिकि किसाला दाम्बुप् ङा ताम सेउइ तिबिकि नाम्लाङ मिसिन्बु ताङ येशु ख्रिष्टला हतुप थार्वा ङेसित ।
11
दि ताम किदिमु वेः ओरुङ खोतानि राङ श्यिसित ,ओरुङ खो तानि राङ सेन्बु लाङुइ ।
12
अरेकि हिन सिक्यासिन , अरेकि साङ ख्यो तसनि ग्याल्खाप्ला ग्याल्बु किउइ । अरेकि ख्योला मिन सिक्यासि , ख्योलि साङ ओरुङ्ला मिन सिउइ ।
13
ओरुङ मोवा किदिमु माच्युङ्सिन , ख्योराङ मोवा किदिमु वे , चिला सिसिन ख्योकि दाक्पुलाराङ मि सिमुथुइ ।
14
तिवाला दि ताम तिवा नाम्लाङ सेम्ल छोर्सित । चिक तिवाला हिन्दाङ मिन मासि सि सिनि तिवा कन्ज्यककि गमाला का बिन , चिला सिसिन तिविकि चिन्दिङ् ताम्ला ल्यामु मिकिउइ ति काच्ये तिवे कोदु मि तिवाला मेलेवा क्याजिक जेउइ ।
15
हिन्दुपकि सुङ ल्यामु क्यानि ङेदुप् मि ङछाला मोश्योरु यक्पु दगेराङ क्न्ज्यककि गमाला लिङ्तुबु च्युङा ।
16
मोवा मेदुप् ताम तिवाला तोङा , तिकि खिराङ्ला हादा साक मोवाकि लाम्ला तिक्युइ ।
17
तिविकि सुङ सइनकि मोतोरु मा दगेराङ छार्नि डिउइ । तिवि नाङ्ला हुमेनियस ताङ फिलेतस हिन ।
18
ति मितिवा हुतुङ् नेसुर फार तोर्नि वे तिविकि येसुकि सेन्बु लाङु तङ्लाराङ च्युङ्नि सिदुजै सिक्यानि ज्येन तिविकि मोवा हिन्दे मिन्दे सिरुप् जोबु वे ।
19
दि ज्ये तानि राङ कन्ज्यककि राबु डाम्जि ति नाम्लाङ लुक्यु , "कन्ज्यककि दाक्पि तिवाला ङो श्येक्यु " "सिकि ख्योकि मिन लिङुइ, ति तेरिक दिक्पा नेसुर फाजेक थारे लुसित् ।
20
छ्युक्पि खाङ्बाला सेरताङ ङुलकि ङेक्यक तिवा क्याजिक मेङुइ ,ति खाङ्बाला थाला ताङ श्यिङकि ङेक्यकगाङ गिउइ , लाला तिवा ल्यामु लाकाला लाला तिवा मेलेवा लाकाला थक्यु
21
लालाकि मेलेवा लाकाकि थनि दाक्पुलाराङ चेङि जेउइ सिसिन , ति फजेक ज्यगु , ज्यिन्दाक ताङ चिन्दिङ् ल्यामु लाकाला सिनि च्युङु ल्यामु ङ्येक्यक च्युङुइ।
22
ज्येदाकि सेम नेसुर थारे देत्, चेङि सेमकि कन्ज्यकक्ला मोवा किरु तिवा तानिराङ दिक्पा मेदुप् , मोवा , च्याम्बा ताङ ङिङ्साङ तिवा छोल ।
23
कुबा ताङ रिक्पा मेतुप् टिताङ तिविकि हिन्दाङ मिन सिरुपकि ताम तिवा खुन गिउइ सिसिन दाक्पिराङ श्येनि तिवा नेसुर थारे देत् ।
24
कनज्यककि यक्पु तिविकि थामु ग्यागु मेङुइ , तिवा तेरिक्ला सिनि ङिङ्ज्येबु लोप् तुबु गु थुबु हुङ गोक्यु ।
25
ख्योला मिन सिरुप् तिवाला ज्यापु क्यानि ल्यामु जो गोक्यु । कन्ज्यककि तिवाला हिन्दुपकि रिक्पाला ताङ्तोङ तेर्क्यु ।
26
तेमे दुक्टेकि दाक्पि सेबा क्योलुप् सिनि जोबु तर्बा नेसुर थार्नि तिवि तिविकि रिक्पा ग्यर्सुङ ।