¹ Akamangarin, akwani, yishin rizhagha ungyong kashiri, mayakaran ukusungwu azan kadamana kazhib umi, aberami ama mukini. ² Denin matini anaci ayin. yotin atumzanan acaza. yotin na acezhi ayashillaci. ³ Wur kiyi mavurga madugan, aya zob kashiri nateng, kishiridi ungyong utuma wapum. ⁴ Nkayo magu nde abere. nna pidong iku ide abera nipum, migi npiriyi. ⁵ Ama vurga mi katuk ka manazhiba, migi piyisaraila, kibiga ki Bilyaminu, piyahudawa, ana bera ma napsana migi a pifarisawa. ⁶ Anabera utuma umawunza aya zayo kashiri, autumudugan nzami ukusu kizogoru. ⁷ Mazuga mukusungwu nan yisan ma mana na Yesu nyitan ayi ukusu cazami. ⁸ Nguddun manang mamma na ukusu cazami a ma mana manang na yesu. mazuga ma yesu madenimi nbiza makusu mamma, nguddun makusu mamma ukusu cazami magu nzug marinyiazomona kashiri. ⁹ Azugami ungyong ukani. Izyami macira manici ninang. anabera manang nda zuga marinyi aicari kashiri mado manibin. ¹⁰ Nmani mayokotya yi na macoko mayi na kakusu ka kidere kinna ishezhen magunwan ne yi a makye mayi. ¹¹ magu nwan neyi a katuk kanna mayazamada coksono. ¹² Azan magu nman zuga ujinu kashiri, azan magu nman wanapiyer ukani mi. mimi yisha kene magu nzug ukusunnakashiri kada tusa ayakani. ¹³ Akwani, azan magu nman zuga ujinumi. ukusude na nyisha uda dene nwurunu ukusu man wanzagana magu nzug ukusu yi kazono. ¹⁴ kumina kunang kuyi kazono magu nzug ujina uma shere ukusuna ka denimi u Yesu Almasihu. ¹⁵ Ayang aduri mazuga kani aminzag muni ajujina udugan, inna in mizan kadamna kabakti, Kashiri kada barini idong. ¹⁶ Ayer ayezhineh akatina aman katumu. ¹⁷ Iwana aya makasa umigi, akwani yitin nariba ujaru wa yangah amakasan uwur. ¹⁸ Ayashillaci abaktazhi. yeni ami na indugini kutepu kuyeni, unyong mayinzhi nam bashini-ayangha ama gabani magbaksa. ¹⁹ Kamangarin kayeni makey. Kashiri kayeni unyong, matakerene mayeni mayi unyong ubgor uyeni. kuminna kuyeni kuyi amanag mu yah. ²⁰ Urenyu uwur uyi izo shiri kuri ana rakurga kashiri. ²¹ Idama saskah apum ayer agudu na riyi niza ibang.