¹ Ndai Ade ukusuma shigruga ualmasihu, nna Ade manuzu manasugu a mamani mayi, nna Ade uzumunta auruhu, nna Ade kidere kishiri, ² Kurgan in rizhagha ninang magu kumina kuyin kuwankene, ukauna udha, ashi konusura auruhudha, kumina kuyi kunkudha. ³ Zama yisha kadamana amamani maci ko mazobo maci. Namagu kene a kasugu kamatini kowan izya kobini apiyi nici niyi. ⁴ Pidong izu yita ibukatu iyi apiri ikobina. ⁵ Kumina kuyin kuwana unyong Yesu Almasihu. ⁶ Piyi mazomi ade nyan mukashiri, bama guddu mummu muwana yi kadamanami. ⁷ Na mummu muwan kene, inazyayi nici niyi akadamana, Iwana nya pidere, aukamani wayashillaci, azugiyi nyapiyar. ⁸ Ima toddo nici niyi kajes, adumya na make, make mugiciye! ⁹ Namuwani kene kashiri kadoyi udaukaka ugbaki. Adoyi nizagi nipiri konishe nizagi. ¹⁰ Magu unyong nizagi ni Yesu konishe niru nidama tuturga, aru ayayi uzashiri na uya nakajes kamayingzyi. ¹¹ Ko nishe nirem nidama barya agu Yesu Almasihu iyi kashirimi, maka kana cudaukaka u kashiri picu. ¹² Amummu akwani, kanin. nukusunna iyisan nyi nayin bare na nzamini, yishin utumu magaska mayin nausahd. ¹³ Akashiri katumzana uyin, yishin ukusuda bokonya kashiri kasugu ¹⁴ Yishin koiyan anasugu navur. ¹⁵ Magu iwan ayazade ukusu kizogoru, aya matini, nonna kashiri nazade ibang, denin kene awana matus auduniya, acacaci kakusana ku nagazhi. ¹⁶ Detin abera kashiri nateng nzuga ukusu madaukaka kashiri akatuk kakani. Ishi yokotya agu kidere kinang azan uwam. ¹⁷ Kona apimranmi na kenna usadaka uhadaya uyi nautuma umadomanibin uyin, nyarizagha nayin naduk. ¹⁸ Yinma yishin rizhagha namigi. ¹⁹ Nya kiming kima kunu Timoti uyin mina-mina, magu kasugu kanomomi ndai npoton kenna yin iyi. ²⁰ Nzami pidong iyi nami, piyideini akasugu nateng. ²¹ Yena gbenani kadamana ka Yesu Almasihu. ²² Yin iyo yi na kenna kono kana yisha utumu picu, kenna yi disan mi autumu bishara. ²³ Yi nanmani makunu uyin na kumina nna nyitan kenna ujaru unang uyi. ²⁴ Nde akasugu kanang mawanuyin utami nkashiri kadumun. ²⁵ Nmingza mapakun Abafaroditus, akobinunang, pijamu nang utuma, pijami uniguma, pidere aukusu nan mani. ²⁶ Iman goro amani mayitini yunkenna yin imapotya agu igononon. ²⁷ Anibin imagonono anadama kye. Kashiri kama potya kidere kiyi, azanyi utayi, migin nami, kasugu kazu shirgimi. ²⁸ Muni mudeni na nmani makunuyi, magu nasugu nayin naboko ndai tumi. ²⁹ Sherin Abafaroditus anasugu nabok unyong kashiri. Yitin idug iyeni nudaraja. ³⁰ Abarautuma kashiri nimanadama kye. Ado niciniyi mayishami utuma makurganya ukusunna anyi yin idenimi.