¹ Abara mummu akwani nya kinning kimayitini, mabogo masugu na karawani kanang, nyazanin ashiri aujinu kashiri, ijaminang. ² Ngisa Afodiya, ngisa sinfiki, kumina kuyin kuwana kudha kakashiri. ³ Kene, npagishini akwani, mukin ayinara magu ayar a shezhe kidere naduk amajakshi abera kashiri na kilizma nakudezhe kujamiu tumu nanag. Ayana azagi ayeni ayi alitafini nivataru. ⁴ Zaganin akashiri ko kashe kapa, npagurimi, yishin rizhagha. ⁵ Biskin kaduniya kayita matini mayin, kashiri kana pati. ⁶ zu mingzin kadamana, na magu kene, akoiyanni akagisa kakashiri na maguda, kagisa kayin kashiri kayokotya, ⁷ Usalamu kashiri, uwori mayogoti udamente nasugu nayin, na kumina kuyin unyong Almasihu Yesu. ⁸ Akamangarin akwani, ukusuyi nibin, ukusu kicubru, ukusumatini, ukusu vur, ukusu mashere, ukusu na yende mamani, ukusu ma yerki nateng ude uyabo, imingzuni. ⁹ Ukusunna yin imakasan, ashere, ayita umigi, Yishin utumami, kashiri kadama yi nayin. ¹⁰ Ngudan kashiri nakam magu yin iguddun kude kunang, idetenmi nateng anatuk arawori, bamazuga kapa kama mukyami. ¹¹ Azan abarumi nan kuma kene, nman makasa mayi kene. ¹² Nyo kenna ndama zomi amazade manang, nyo kenna ndama zugu kusunna nmani. Amummu nmakasan kenna ndama rye ashiturga na kenna ndama zo aigbom, kenna ndama zomo ade na mazade. ¹³ Nyo madene koiyanni kapiyi mukshyami. ¹⁴ Naduk kene, izomon nami akidere kinang, ¹⁵ Iyo, yin mafilibiyawa, agu akacing kubishara, kapa nam mabiskya umakidoniya ba ikilisiya ima mukyami amado ko mashere sai yin utaini. ¹⁶ Kapakanna nmayi utasalonika, yin ima kunzu na mamukshi mayin azan kidha. ¹⁷ Azan magu nmani kadamana. Amummu, nmani ukusu mapirgura akanisa kayin. ¹⁸ Nsheri naduk, nda koiyanni. Nde nishiti. Abafroditus adugimi nkusu muciruyin. Murentu manukani, ukusu na kashiri ka sheri. ¹⁹ Kashiri kadama doini ukusuni mani nakam amagbaki mukusu na kade unyong udaukaka u Yesu Almasihu. ²⁰ Mina, udaukaka uwana ka kashiri na picuwur uzauten. Amin. ²¹ Sumazhin ayazob ka kashiri, akwani nakiyi nayeni asumazhi. ²² Naduk aya kashiri aya kusumazu, balle ayayi ka akarari ka kaisar. ²³ Aliheri akashiri Yesu Almasihu azomo na uruhuyin.