¹ Rikata ninni ma wurka, mafiristoci na aya cubru akonusura acankarana kenna adama zuga yi na ibang. ² Angha ma shishizhi yi, ajaga yi kaku piyi cubru Bilatus. ³ Yahuza umi ma do yeni Yesui, ima poya agu adama wunayi, inyi ma gbene kenna idama guddu yeni ikorgimi nayi ma shere ka ma firistoci na ayacubru. ⁴ Inyi magu, "indeni ibang a rhe amana apiyi zayi ibang" yenye guyi agu, "ba mani mawur, anghana a amu?" ⁵ Inyi ma nyallya ikorgimi a biskya yeni, aworoyi aka dhankharya nici niyyi. ⁶ Picu cubru uma Firistoci man itezhe ikorgimi agu, "mudugan muni magu aguddu ikorgoinyi unyong katazzan kayini, abara magu ayi manyo". ⁷ Yene jangha ma zomo a berbene aukusumi uwani, ikorgimi angha ma sheshe katege ka ku suga kwan junu abara masheg ma ajhan. ⁸ Abara kenne ana yesah kati kami agu, "kati ka manyo" har ukyaru. ⁹ Sai ukusun na abaran aka no ka Irmiya ukur, agu, "yenyangha mazya azurfa ituru itar a uFarashi unna ya shillaci a Israila ama dene uyin, ¹⁰ ama do agu a sheshe katege kanna adama na suga injun mi, kenna Kashiri ka ku in den". ¹¹ Yesu inyi ma kanyhazhanha kazono kaku gomna, Ku gomna kumi kuribi yi agu, "Pugi a pigomo wa Yahudawa?" Yesu ishere agu, "Kenna pi ku". ¹² Na magbaku ma uFiristoci na ayacubru ama bizyi yi, ina guyi kadamana. ¹³ Bilatus igu yi agu, "Pi potonbu mabishi mamna a bishi bu?" ¹⁴ Ina berya yi kangma, kugomna kumi ku potya kasasa nakam. ¹⁵ Ana tug amna ana yisha ubuki u idi, ku gomna kum kuna gu ayudo asamga piyu dha unyong ayami a gusan unyong ukurkuku sa acidda yimi. ¹⁶ A kadhar kam ade pidong na yoyi nateng nana yesah agu Barrabas. ¹⁷ Toh yenyangha ma konusura, Bilatus igu yeni agu, "wan na imani magu a ciddi yiyo? Barrabas, ba Yesu umi nana yesah agu "Almasihu" ¹⁸ Abara na iyo agu ai putkunu ideni yenyangha yendenyi. ¹⁹ Na ima zomo a kugasa ku matya, piyeni ikunu agu, cira bumi ana bere a piyangwuni izayi ibang. Abara agu immura shezhe kidere unyong amura abaru yi." ²⁰ Aka dhar kami magbaku ma uFiristoci na aya cubru a daska kumina ku aya shillaci agu a biski yeni Barrabas i, a wuna Yesu. ²¹ Piyi cubru ima ribiyan agu "wan na imani agu a dugi ni?" Yan ya gu agu, "Barrabas". ²² Bilatus igu yan agu "yan na i mani magu in disha nan Yesu, na inna yasah agu Kristi?" Yenya ma shere na dug uyan agu, "a giciye yi" ²³ Yi gu, "Abara iyan, iyan ibang ni denyo?" Yenya zpka amyigh agu, "a giciye yi." ²⁴ Bilatus inyi ma yita ina dama suskanya yi abara magu kati kadama wamta, izya manimashir a gusku icara iyi kazono ka ya shillaci, agu "inzami ibang a manyo ma piyangwu iza ibang ika damana, kaninni yishin ukusunna idama yisha. ²⁵ Na dug aya shillaci ami agu, "Biskya manyo mayyi ma taka uwur na nono nawur." ²⁶ Inyi ma cidda yeni Barrabas i a cillazya Yeshi a zya yi a do yeni sa aka giciye yi. ²⁷ In soja muku gomna muzya Yeshi ajaga akatinni a konosha in soja muku gomna muzya Yeshi ajaga a katinni a konosha in soja mugbaki. ²⁸ Yenyangha ma yirga yi makusu adene yi kuriga ku kigomo kushen. ²⁹ A napsa karawani ka masap a deneyi a nici, a doyi kidogo aka cara karye. A tutunzura yi kazono asu yisha yi kijam, anagu, "ranka ya dade, Pigomo Yahudawa!" ³⁰ A tubrazyayi kitau, agaza kidogo kim a kpalla yi nici mi. ³¹ Na ama duru ma yishi yi kijam, a cidda yi kuriga ku kigomo a deni yi makusu mayyi, a jatanzya yi makana a kiti kinma adama giciye yi. ³² Na yenya ma cira uya, ata yita pidong Bakurami na ana yesah agu saminu, unna ama deneyi autilas agu izoboro yeni ado yi mazya u giciye umi. ³³ Na yenya ma maka tumu a kadong katege na ana yhasah agu Golgotta, agu ma guragu, "Kati ka ku fekere ku nici." ³⁴ Yenyagha ma doyi mani marinikin na kadangma ka nyaki. I renge agabi maso. ³⁵ Na yenya ma giciye yi, a pegshya ukuria a ku riga kuyyi. ³⁶ A zomzono a zinzini yi. ³⁷ Uzo na kajhas yenya nyakarya ukusunna a bishi yimi, "Piyangwu yi iyi pigomo Yahudawa." ³⁸ Ama giciye yi na adakara aya ba, udha aka cara karye udha a kacara kagiri. ³⁹ Ayami a woso asu zogonzyayi asu jigata ci, ⁴⁰ asu kuma gu, "pugi pima gu pina yiki uHaikali a guru mi a suga anatug atar, gaska nici nimu mana! ba piyi kono ka Shiri, toro awor uzo i giciyumi!" ⁴¹ Kenna magbaku ma Firistoci mama yisha yi kijam, yeni na anyakaran na aya cubru, asu kuma agu, ⁴² "ima gaska adong inyi suskanangyi ma gaska nici niyyi. Ayi iyi Pigomo u Israila. Itoro mana awor uzo u giciye umi, saga ki dumya na yi. ⁴³ Tunna idumun na Kashiri kam ka gaska yi mana, abara magu ikugu, 'Mi a kono ka Shiri.'" ⁴⁴ Kene na adakarami na ama giciye yeni nayi ama zogonzyayi. ⁴⁵ Aka caci kanmyigh majin masada gusa katege nadug har kapaka katar marong kawana. ⁴⁶ Akapaka katar, Yesui zabkha nimyigh agu, "Eli Eli Lama Sabatani?" magura gu, "Kashiri, iyan ideni pi biskya mio?" ⁴⁷ Ayami ama nyazazhi apati mi ama potya kene, yenyagu, "I iyhesah Iliya." ⁴⁸ Pidong imata sumta na wow aka japkya kusaso unyong mani manono na naci manyaki a agfarya a kusagha ado yi agu isu. ⁴⁹ Kudezhe kum kugu, "jikya yimi kiyita ba Iliya idama wana ama gaskayi." ⁵⁰ Yesui inyi ma zabjha nimyigh ashibarya abiskya uruhu yi. ⁵¹ Ku riga ku haikali kugmanta awor uzo makana kajhas. Mayinzhi ma digruga, natari na potazana. ⁵² Masheg ma gbantazana, ayami ayo Kashiri ami a pusun ummura a coksono. ⁵³ Na Yesui maco ayami ayi unyong masheg a coksono, arinya unyong ubirni maka basha aya shillaci nakam. ⁵⁴ Na ku gbaku kwan soja na ayami ama zingzini Yeshi amayita madigruga maka tege na ukusu wani, yenya potu sahd agu, "Hakika piyangwu a kono ka Shiri". ⁵⁵ Ayini agbaki a zoboro Yeshi awor u Gallili abara ma yogoti yi yenya nyazhanha azinzhini a dangan. ⁵⁶ Unyong uyeni Maryamu Magadala, Maryamu pina u Yesu na Yusufu, na pina u nono na Zabadi. ⁵⁷ Pidong iciri Armatiya ide icara itumu, nana yesah agu Yusufu umi iyi unyong alimajirai a Yesu. ⁵⁸ I kana u Bilatus igu aka dugyi. ⁵⁹ Yusufu izya kuyaza kum, a gusa kuni a kuzani kuvur, ⁶⁰ a dene yi aku sheg kupas na ima napsa unyong natari. Akpigharya katari a karong ka kuni aworo yi. ⁶¹ Maryamu magadaliya yenna pimanzu Maryamu a zomzhi kazono ka ku sheg kum. ⁶² Nimanzu nikata, na a tug macan kara ama woro, magbaku ma u Firistoci na mafarisawa mama konusura na Bilatus i. ⁶³ Agu, "piyugira, kimingan kadhar kamna piyu kiciparu kinki imagara, imagu, 'inna atug atar awori in dama coko.' ⁶⁴ Abara kene, barya sa adene atug atar asu mente. Almajirai ayyi azu ma dakara yi, agu aya shillaci agu, "I cokon awor unyong mayaza." Kiciparu kim kidama pira kinkya zono ama makari." ⁶⁵ Bilatus igu yenya gu, "zinin ayu ciga. Cigin kenna idama suskanya." ⁶⁶ Yenyangha ma worani aka ciga kusheg kumi, a hatimce katari kam, a dene ayu ciga mi.