¹ Na Yesu ima duru ma bashi yeni abere ami, imagu u almajirai ayi, ² "Iyo agu atuk aba atakan u idi uketerewa utumu, adama dakanya kono ka piyar a giciye kani." ³ Mapiristoci magbakazyi na ayashillaci adakshi macucu ma-ma kossura a kudagha ku pirist kugbaki, kude nizagi agu Kayafa. ⁴ Ama camsana kenna adama puru Yesu kani sami awunayi. ⁵ Amasu kuma agu, "Azan kapakami ku idi, magu maciti mazu coko unyong ayashillaci." ⁶ Kapakan Yesu imayi u Baita'anya a karari ka Saminu kikpakti, ⁷ akapakanna ima zomo a pituga piyu tebur ukari ka maninaru, pidong uyini ima rinya ade kabata ka manuk made makobo nakam, piyunumi ima dene Yesui a rici. ⁸ Almajirai ayi ama yita kene, ama potya manigi amagu. "Iyan deni adene mabiza mamma? ⁹ Ana mada zyizyi manuk mami ai korgi ma gbaki atusa aya caza." ¹⁰ Ama Yesui iyo kumina ku yeni, imagu yeni, "yandeni igollo piyinumuru shi? Ideni ukusu udugan umi. ¹¹ Ide aya caza ko kashe kapa, azu migi ndama zami nayin ko kashe kapa. ¹² Ima dene manuk mami anipum nian, ima dene kene abara manikshi manang. ¹³ Nbashini mummu, duk kati na adama disu bishara uya na duk, ukusum na piyinungwu ideni adama mingya nayi." ¹⁴ Piyudha unyong almajirai pituru akaba, ide rizagi agu Yahuza Iskarioti, ima woroyi ka mapiristoci magbakazyi, ¹⁵ Imagu "iyanni mingza madoni nna ndama do yini yi?" Ama kurgyayi azurfa ituri tar. ¹⁶ Apakami ima gbene kadong kanna idama zyizyi Yesui kayashillaci. ¹⁷ A katuk kazoni a u idin keterewa almajirai ama wani u Yesu aribi, "Inki na pi mani magu ki napsa bu karini ka maninaru mu idi keterewa?" ¹⁸ Imagu "rinyin unyong ubiga inama zuga pidong iguyi gu pimagassan ikugu, "ka pa kanna pati yi. Nna rhe u idi u keterewa a karari ka mu na almajirai anang." ¹⁹ Almajirai ama disha kenna Yesui imagu yeni, amanabsa maninaru mu idi uketerewa. ²⁰ Marong ma-ma wana, ima zomo ma rhe maninaru mami na almajirai ayi pituru a kaba. ²¹ Ama rhe, igu "mbashini, pidong uyin idama dakanyami, ka ya dama wunami." ²² Yeni ama potya manigi, apuru ma ripshini "nyo azan mi ko Yesu?" ²³ Ima gu yeni agu "piyanna ki dama toddi cara aki ceke kinkidhe nayi, a yi dama zyi-zyi mi. ²⁴ Kono ka piyar ka dama woro kani kenna ama nyakara uyi. Yesu imagu kidere ki piyi dama wanu jina u pizya piyi, kodi agu ana waban ani piyami." ²⁵ Yahuza kapakan na ima zyi-zyi Yesu imagu, "piyu mabashi na migi shi? Yesu igu yigu "pi baran usumu." ²⁶ Kapakanna amaya kari kamaninaru, Yesui imazya u burodi ima dene libarkami, a pukara a dugsha almajirai agu, "sherin, are imangyi a ripum ninang." ²⁷ Ima zya kiceke kimi adene agisa Kashiri agu yeni agu, "sunin na duguyin. ²⁸ A manyo ma nang nmmanma, likawari ninnan ni manyo manna ama nikya abara ka yashillaci amaguzu mi bang iyeni. ²⁹ Ama mi inbashini, nnapa sumi mani minabi, sai katuk kanna ndama so mani mapas, nayini unyong kigomo picu nang." ³⁰ Na ama shipsa kushiba, ama wurani a katari ku zaitun. ³¹ Yesu imagu yeni, "naduk uyin kowan idama ciri abaru mi, amaru nyakara kene, nna kpallya pizaniu, kabur kamagam mami ada mani masoto.' ³² Ana da cokonami, inda gangzyini makana u Galili." ³³ Bitrus iguyi agu, "Ba naduk uyeni adama jikshi abaru pu shi, ama migi kama ndama jigimi." ³⁴ Yesu imaguyigu "Mbashabu, pidama kagaryami kitar kugono ku dotu ma gokorya." ³⁵ Bitrus ima gu yi, "ko ndama ke napu ndama disha mi pikagara pima yobu." Kudezye kwa almajirai ku gu kene nnakuni. ³⁶ Yesui ima woroyi na yeni, a katina a yesah Getsamani imagu almajirai ayi, "zominna mi kuma ndama kana kazono aka gisa Kashiri." ³⁷ Ima zya Bitrus yi na nonna ba na Zabadi, ima cigwu u damuwa na kasasa. ³⁸ Imagu yeni, "Nivataru ninang niyi unyong kumina nakam maka daba make manang. Zominna, mente duk na migi." ³⁹ Ima jatya makana kazono nacin, ima jigi, adungranan nyan muyi ima gisa Kashiri. Agu, "picu nang, inna munama wanzagana mi, kiceke kinki kiworomi. Duk na kene, azan mamigza manan nadama zoboro ama mingza mamu." ⁴⁰ Ima riti aka zuga almajirai aman numzono, imagu Bitrus "Idama cigi ni ko na anayi u awa udha? ⁴¹ Zomin a ciga, agisa Kashiri izu jikshi a u jaraba. U Ruhu udumun, ama nipum nishiri nini." ⁴² Ima riti mariba maka gisa Kashiri imagu, "picunang, nna kiceke kinki kidama woro ndama mani ma so kini, ama ukusu na piman tara uwanzagana." ⁴³ Ima guru zuga yeni a pushin mura, ayizyi ama wanza yeni azyipshi. ⁴⁴ Ima pa biski yeni awori. Ima guri mi tar asu gisa Kashiri asu dizyi abere a midha. ⁴⁵ Yesu imaguru ka almajirai agu yeni agu "Idoto pushinmura asu vanzanzana? yitin, kapakana pati, adugi kono ka piyar ai cara yayi bang. ⁴⁶ Cokin kiworidi. Yitin piyi dama dakanyami ina pati." ⁴⁷ Kapakanni ma berbene, Yahuza umi nima zakpo piyu doh unyong pituru akaba ima tumu ade ayashillaci adun aciri ka mapiristoci na ayashillaci a kudo amaru cipruga adeshe ntan nan dogo. ⁴⁸ Piyi dama dakanya Yesu, ima man do yeni alama agu, "duk piyanna puri a kperkya yi, ayi. Ka purinyi." ⁴⁹ A kadhar kami, imura ka tumu u yesu ata sumazyi "kusambu pibasan" ata kperki. ⁵⁰ Yesu imagu yi agu "Ca, dene ukusu yendenbu" ama wana a puri. ⁵¹ Na ma yita kene, piyu dah ynyong ayayi na Yesu i daski cara a cidda kitan kico, a zya kuto ku pidere uku pirist kugbaki mi. ⁵² Yesu imagu yi agu, "guddu kitan kimu unyong kuperu kukini, duk aya kitan kico, akini na yeni adama keh mi nnayeni. ⁵³ Ba pi migza magu magu ndama suskanimi mayarkya picunan shi, inura kabur ka malaiku kapiri pituru akaba? ⁵⁴ Inni na adama kurganya u nassi, agu ba kaciri mummu mudama wanzagana? ⁵⁵ NNaka na yesu imagu ayashillaci mi agu, "Iwani na ntan mucokso nan dogo ma mapuru mi ne piyu pashi? Nna zomi ko kashe katuk a kudagha ku k gisa Kashiri kokashe katuk asu basha ina purinimi. ⁵⁶ Mummu mu wanzaganan abara maru a kurgani u kusunna anabawa ama nyakarya." Ama duru alamajirai ama biskyayi a sumanani. ⁵⁷ Ayami ama puru Yesui, ama jagayi u Kayafa ku pirist ku gbaki, kati na a nyakaran na magbaku ma yashillaci ama konusura. ⁵⁸ Bitrus ima zoboroyi a dangan, ma kana a karari ka ku pirist ku gbaki. Ima rinya a zomo na aya ma mente, iman yita ukusu dama wanzagana. ⁵⁹ Akapa kami ma piris magbakazyi na aya majalisa naduk ama cigha ka gben ku shaida uka bere u Yesu, ado mazuga wuna Yesu. ⁶⁰ Ama zugani aya sogoton kacini ka kabere nakam amazuga adong a cidda aci iyene na ushaida ukabere adong ayi ba ama tumu kacini. ⁶¹ Amagu "piyangwu ukugu idama suskanya mayikiri kudagha ku kashiri, a gura suga kuni a natuk atar." ⁶² Ku piris kugbaki kumi kuma coko aguyi agu, "pidama gubu kadanmana? Uyan u shaida na pi disha nicinimu?" ⁶³ Ama Yesu ima kizayi. Ku piris kugbaki kumagu ku dugi yi u dama unyong nizagi n i Kashiri kuzo kagara, baridi ba yi Almasihu kono ka Kashiri. ⁶⁴ Yesu ima guddu yi, "Pi baran a kano kamu. Mbashabu, pidama yita kono ka piyar ka zomi a kacara ka rhe ku iko, kadama wana awor unyong mawuri muzo." ⁶⁵ Ku piris kunku gbaki kuma gmana kuriga asu kumagu, "I disan ibang! Iyan deni igbene u shaida umanzu? Yitin na potin u pas. ⁶⁶ Kumina kuyin kuyinio?" Yeni ashere agu, "mu duguran magu ina dama keh." ⁶⁷ Ama tubrazyayi kitau anyan, a kpabayi a dishayi icara ana kpellya. ⁶⁸ Yeni anagu "dishi di anabci Almasihu. Wani kpallanbu?" ⁶⁹ Bitrus izomi uya, kadong kajinni kayi piderem ka wanuyi agiagu, "pu ma piyi na Yesu u Galili." ⁷⁰ Ama ima sari kazono kayeni na duk, agu "iyoyi ukussunnnaka sheri mi." ⁷¹ Ima cira makana karong kadong kajinni kayi pidere kapa yiti, kagu ayanna yeni akaci kami. "piyelluma yeni ayi na yesu piyu Nazarat." ⁷² Ima dene yani pikagara har na mashiri,agu "iyo yi piyami." ⁷³ Kapakami kama woro nacin ayama nyazazyi ama wanu Bitrus aguyi agu "pu ma piyi unyong u yeni, ama ni rem nimu niverken bu." ⁷⁴ Ima cingah mashiri idugi umu la'ana, agu, "nyom piyangwu." akapakami kugono ku gokorya. ⁷⁵ Bitrus ima mingya abere ami na Yesu imagu, "Kamin magokori ma kugono pidama ku pam a kagara mayo manang ki tar." Ima woroyi uya aka shiba na cap.