¹ Katug ka sabaci katuk, katug kazoni ka ku sati, a Maryami Magadaliya yenna umanzu Maryamu ama kana makayita kusheg kum. ² Mayingzhi ma digutura nakham, abara na malaika ma Kashiri ma toron awor uzo ama kpingtarya katari kam azomo mi uzo ukani. ³ Ukamani u mani uyi ne mamerge, makusu ma mani mayi napuk ne usuno. ⁴ Ayu cigumi apotya usahd awana ne aya kizhin. ⁵ Malaika mami ma berya ka yinyami agu, "azu potin usahd, inyo agu a Yesu umi na ama giciye na igbene. ⁶ Izayi mi, imaru coko kenna ima barya. Wanin ama yita kici kim na ama nomokyayi. ⁷ Denin kumina aka barya almajirai ayi, 'Iman coko awor unyong aya kizin. Yita, iman woroyi u Galili, kuri na idama ka zuga yimi. Min baranni." ⁸ Ayina mi a dene kumina a woro ani apog usahd na sugu na bogo yeni, yenengha ma sumana maka barya almajirai ayi. ⁹ Yesunyi ma konokya yeni, agu yenya gu, "Asumazhi ni." Ayinyami a puru ibina iyi, akhaghanha a sumazhya yi. ¹⁰ Yesui gu yeni agu azu potin u sahd. Ka barin a kwani agu yenya kana u Galili. Yenya dama ka yita mimi. ¹¹ Na ayini ami ama su jara, adong ayu ciga a rinya kudo aka barya magbaku ma uFiristoci ukusu wani. ¹² A Firistoci ami na aya cubru a konukura a berbene a kusunwu wani, yenyangha mado in soja ikorgo igbaki, ¹³ agu muni agu, "Ka barin kudezhe kumi agu, almajirai a 'Yesu' ama tumu katuk ama dakara kuyaza kuyi a doto pushimmura." ¹⁴ Inna aberengha a kana ka zaga nato aku gbaku kwan soja, kidama tikiri kuni a daska kumina ku kuni a ciddi niunyong u damuwa. ¹⁵ In soja mumi mu shere ikorgo imi aka disha ukusunna aku mummu den. Aberengha ma manya unyong u Yahudiya uningwu yimi a ujaru har ukyaru. ¹⁶ Almajirai ami a woroani u Galili, uzo kupana kunna Yesu ima gu yenya kanam. ¹⁷ Nayenya ma yita yi, a kanhazhanzhanha kazono kayi a sumazyayi, adong ana dumya ni. ¹⁸ Yesui wana uyeni ama berya agu, "u iko uzo na u kajhas a dugi mi. ¹⁹ Worinni aka basha ayashillaci na duk, asu guzu yeni ibang unyong nizagi Kashiri na kono ka kani na uRuhu mai Tsarki. ²⁰ Asu basha yeni agu yanya yishi uKusunnan ku azu yisha unna inku azu yisha. Yitin, ki inna yinayin ko kashe katug har makazagu madara mauyar unwu."