¹ To kagmop kani kata ni katug ka zoni ka kusati, majin madotu yi, Maryamu magadaliya ma kana ku sheg kumi, aka yita aman kpigharya katari kami a kusheg kum. ² Ita pur usum na wou makana u Saminu Bitrus yenna Limajiri ninna yesui mani, aka gu yeni agu, "Azyan picugbaki uwur mu a kusheg, kiyoyidi kati na a jagi yi." ³ Bitrus yenna Limajiri nimi a cira aworoani a kusheg kum. ⁴ Na duk uyeni apuru sum, aman Limajiri nimi ni zonzo Bitrus shi aka zaga mi. ⁵ Aka khanynanha a venyerya unyong, ayita ku zani kuma nikshi ku ilillin ku tarimi, aman ina rinyayi unyong. ⁶ Saminu Bitrus ima tumu kacini arinya kusheg kumi, azuga kuzani kuma nikshi ku ulillin kutari. ⁷ Sai kuriga kunkuyi usuku katarkan kanici. Ana tarya ni kati na kuzani kumi kuma nikshi kuyi aman a pirkya tara akati ka bakti. ⁸ Limajiri ninni ma zonzo aka zaga ni rinyan nanini aka yita, a dumya. ⁹ Har ukyaru yanya yoani abere mi akugu i dama coko awor unyong mayaza. ¹⁰ Limajirai nimi nipa riti ugira kuma. ¹¹ Aman Maryamu inyezhi a karong ka kusheg kumi asu shiba. Na ima su shiba, ima khaghanha a venyerya kusheg kumi. ¹² Ayita malaika mayi maba ma zomzyi ade mariga mabok, madha a katari kanici madha kuma a katari ka ibina akati na ama nomokya Yesui. ¹³ Mamma guyi agu, "piyeni iya ni deni napi shiba?" Igu manya gu, "abara na azyan picu nang igbaki, inyo mi kati na atari yi." ¹⁴ Na imagu kene, a kumburga ata yita Yesui inyezyi a kati kam, aman ba ma yo agu a Yesui. ¹⁵ Yesui guyi agu, "piyeni, iyan ideni na pi shiba? Wan kuma na pi gbene?" Abara na piyinu mi idogu ayu ciga u kati kam igu yi agu, "Picu gira ba pu pi zyani, pi barya mi kati na pitari yi, saga inka zya yi." ¹⁶ Yesu iguyi agu, "Maryamu." I kubrga agu yi a kibiga kya Armaniya agi "Rabboni!" agu "Pibassan". ¹⁷ Yesui guyi agu, "azu rebemi, abara nan doto ma tugu zo ka picu, aman kana ka kwani aka guyenya gu, indama kana ka picu nang na picu yin, Kashiri kanang na Kashiri kayin." ¹⁸ Maryamu magadaliya ikana mi akagu Limajirai nimi agu, "Inyitan Picu wur ugbaki," ibaranmi mi makusu ma. ¹⁹ Morong makatuk ukyaru, a katuk ka zoni ka ku sati, Limajirai nimi ni karkan a kidhagha abara mapog ma usahd wa Yahudawa,Yesui ma nyazhanha a kacaci ka nini, agu, "uSalama ayi yin." ²⁰ Na ima duru magu kene, a saganya nini i cariyi na nibamza niyyi. Na Limajirai nimi nimi nima yita picu nini igbaki, nasugu na boko nini. ²¹ Yesu igurumi agu nini agu, "uSalama ayi yin. Kaman kenna picu i kunimi, kene na migin nami inkuni ni." ²² Na Yesu imagu kene, a fullya yeni nivataru niyyi, agu yen agu, "Sherin uRuhu u ribin. ²³ Piyami na veskenyi ibang, a veskenyi, ayami na ipuri ibang iyeni, a puri yeni." ²⁴ Toma, piyu dha unyong pituru akaba kami, umi na na yhasah gu kono ka Tagwai, ima zayimi akapa kanna Yesu ima Kafhantah uyeni. ²⁵ Kudezye ku Limajirai nimi nigu yi agu, "Ki yitan picu wur ugbaki." Igu yenya gu innan yitan mi makizyi ma magbaksa ma ikusa a icariyi ba, adene kibo kinang a makizyi ma ikusi mi, a ringda kacara kanang a nibamza nimi ba, indama dumyami. ²⁶ Na atug manazyiba ama woro Limajirai nimi niyi unyong ugira, Toma iyimi na yeni, narong na nakassan, Yesui ta tum a kacaci ka yeni agu, "Usalama ayi yin." ²⁷ Agu Tomi agu, "wana na na kibo kimu, yita icari nang. Neskya kacara kamu adene ani bamza ninang, pizu wana piyi za dumun, sai piyi dumun." ²⁸ Toma ishere agu, "Picu nang ugbaki na Kashiri kanang." ²⁹ Yesu igu yi agu, "waton abara na piyi tanmi, pimpi dumun ko? Ayami ayitan ani aman a dumya yenya de libarka, aman dumya." ³⁰ Yesu iyisha ma dukanzyi mabaktazyi ka Limajirai niyyi, mami na a nyakaran ani ani tafi ninni ba. ³¹ Aman a nyakaran mamma, magu dumin na Yesu agu ayi almasihu, kono ka Kashiri, ama dumi ado ini mazuga magarga unyong nizagi niyyi.