¹ Na ukusun wu ma woro, Yesu i guru mi a kafhanta ka Limajirai nimi a uparu kumana ku tibariya. Kenna ima cidda nici niyi. ² Saminu Bitrus ayi na Toma unna ana yesah gu kono ka Tagwai, na Natana'ilu awor u kana a payinzyi ma u Galili, na nono nannana na zabadi na Limajirai ni Yesu niyi ni ba. ³ Saminu Bitrus igu yen agu, "Indama kana kunara ku isani." Yenya gu yi agu, 'wurma ki dama zoboro bu." Yenya cizza aka ringzya kujigi, katukkami katuk yenya cizza aka ringzya ku jirgi, katukkami katuk yenya ma puru ani kadamana. ⁴ To, nikata nima vurka, Yesu ita nyezhaha auparu kagub, aman Limajirai nina yogotya nini agu a Yesu. ⁵ Yesu igu yeni agu, "Nasambi, ide kadamana ka kari?" Ninni guddu yi agu "Babu." ⁶ Igu yeni agi, villin karhagrhag usuku kacara karya ka ku jirgi kumi idama xugi dong mi." Ninni villya karhaghag kami bama suskanya makoko abara mazyibi na ugbaku u isani. ⁷ Limajirai nimi na Yesu imani ni gu Bitrusyi agu, "A picu wur ugbaki fa!" Na Saminu Bitrus yi ima potya, ashe a picu unwu gbaki, izya kuriga a shishi a kamuru, (abara na i yindari), i jigi kumana kumi. ⁸ Kudezye ku Limajirai nimi kuwana aku jirgi k cun, (abara na yenya danganani na kajhas, ayi nene i kamu ituru-ituri ba makanuzo), a daskan karhagrhag kami ka kuri isani. ⁹ Na matumu ma yeni a uparu, iyenya ta yita achani aura akati kami isani i tassan mi, na u gurasa. ¹⁰ Yesu igu yen agu, "yirin idong isani unyong u inna ipusun mina a yende." ¹¹ Saminu Bitrus ituga, a koko karhagrhag ma yende a uparu, ukuri na isani igbakazyi itumi ituru pituru a ituru kishi a katar (153) aman duk ugbaku yini, karhagrhag kami kana gmanta kani. ¹² Yesu igu yeni agu, "wanin ama rye maninaru." Unyong Limajirai nimi ba piyi shigruga ribiyi "ba yi wan?" Abara na yenya yo agu a picu yeni ugbaki. ¹³ Yesu ima tumu azya u gurasa ado yeni, yenna isani mi. ¹⁴ Mawana mari tar kenan na Yesu ima kana ka Limajirai nimi ubaya macoko maiyi awor ka mayaza. ¹⁵ Na ninni maka rey maninaru mami, Yesu igu Saminu Bitrus yi agu, "Bitrus kono ka Yahaya, pipirya mamani mi fiye na ayabgha?" Bitrus igu yi agu, "I picu gbaki, piyo agu in mani bu." Yesu iguyi agu "Duksha nono na magammanang maninaru." ¹⁶ Iguru mi a barya yi mani ba, agu, "Saminu kono ka Yahaya, pi mani mi?" Bitrus iguyi agu, "I picu gbaki, piyo in mani bu." Yesu iguyi agu, "dete mi magam." ¹⁷ Iguru mi a barya yi mani tar agu, "Pi mani mi?" Iguyi agu, "Picu gbaki piyo ko iyan piyo agu in mani bu." Yesu iguyi agu "duksha magam manang maninaru." ¹⁸ Ribin, ribin, inbasha bu, kapakanna pidoto shiri, pina camsana, aworobu akati kanna pimani makana. Aman inna piman kuna, pidama neskya icari mi pidong i cankaranabu, ajaga bu akati na pya dama kanabu." ¹⁹ To Yesu imagu kene ado yi ma saganya idug imake mamma dama zuga Bitrus yi mama zhakari ma Kashiri. Na ima barya kene, agu Bitrus yi agu, zoboro mi. ²⁰ Bitrus i kuburga ayita Limajiri ninna Yesu imani nizob yeni, piyami ma tengura a kasugu ka Yesu akapakanna yenya masu re ujibi unni imagu "picu gbaki, wani dama zyizyi bu?" ²¹ Na Bitrus ima yitayi agu Yesu igu, "Picu gbaki, iyanna piyanwunu idama deno?" ²² Yesu igu yi agu, "inna immanu magu izomo sai maguru manang mani mamu ma yimi? Zoboro mi." ²³ Aberya mi abakana unyong akwani agu, Limajiri ninnini nidama ke nini. Yesu na baran yi Bitrus yi agu, Limajiri nimi ni dama ke nini ba, aman "innan mani magu nizomo sai maguru manang mani mamu mayi mi?" ²⁴ Limajiri ninni dukhsa u shaida u ukusunwu unna inyakaran, kuma kiyo agu u shaida uyyi a ribin. ²⁵ Akwai kudezye ku na damana nanna Yesu ima yisha. Ana mada nyakarako ishe idhandha, imbashi ni, ko uya unwu udama suskanini ma zya manyakara manna a dama nyakara ba.