¹ Bilatus ima kpaba Yesui ani ma. ² In soja mumi mu nuga karawani ka masap. Adene Yesui anici a deneyi makusu ma kigomo. ³ A wanu yi anagu, "Nivataru nimu nigor, pigomoa Yahudawa!" aturgu yi. ⁴ Bilatus iguru mi a ciruya agu yenyagu, "yitin, indama yendini piyangwu sa i yogotya gu izugi miyi na idong ibang," ⁵ Yesui cira, ade karawani ka masap a deni makusu idug ima kigomo. Bilatus ifu "piyanwu unwu." ⁶ Na mgbaki ma firistoci na aya majalisa mama yita Yesui, a puru igum asu kuma gu, "a dhankari yi, adhankari yi. " Bilatus igu yeni agu, "Zhinin yi aka dhankaryayi, mi kama inzugi mi yi na idong ibang." ⁷ A Yahudawa aguyi agu, "ai kide matya, kuma abara matya mami mudugan magu i ki abara na iguddun nici niyi agu yi a kono ka Kashiri." ⁸ Na Bilatus ima potya abere mi isada potu usahd. ⁹ Aguru mi a rinya kapada ka ku gomna, agu Yesui agu, "pi ciriki yo?" aman Yesui kiza yi ba ma berya. ¹⁰ Bilatus iguyi agu "pidama berya bu umi? Piyo bu agu inde u iko u biskya bu, ko kuma u dangharya bu? ¹¹ Yesui gudduyi agu, "pi zabu u iko uzo unang sai inna adugibu awor uzo, abara kene, piyi zyan mi adobu yi ipirya made ibang." ¹² Na ma poti kene, Bilatus ita gbenti kenna adama biskya yi, aman a Yahudawa a zapkha amygh agu, "Inna pi biskan piyangwunu pigi azan pijamu Kaisar, piyi guddun nici niyyi agu ayi pigomo, i rhaphan Kaisari." ¹³ Na Bilatus ima poti idugya bere yeni isada cidda Yesu uya a kazomo a kugasa a kati na ana yhesah agu "Kitin ki matya." a kibiga kya Yahudawa kuma, "Gabbata." ¹⁴ To katuk kami aya ma chankarana ma u idin keterewa, ama dukani ma khadar ka kutashi, kacaci kanmygh, Bilatus igu a Yahudawa agu "pigomu yin wu ini!" ¹⁵ Yenya apuru igum, anagu aworoani adeyi, a ka sagariyi, Bilatus igu a Yahudawa agu, "In dhankari pigomu yinii? Magbaku ma firistoci magu, "Kizaidi pidong u gomo sai Kaisar." ¹⁶ Bilatus ita dug yeni Yesui sa aka dhankarya. ¹⁷ Yenya woroani ade Yesui, icira a pantana na patta ma kana kati na na yhasah gu "kati ka makubu ma nici" a kibiga kya Yahudawa kuma agu "Golgota." ¹⁸ Yenya dhankharya Yesui mi kati kami, yenna adong aya ba, udha usuku kacara karye ud usuku kacara ka giri, Yesui yi yenya kacaci. ¹⁹ Bilatus i nyakarya madong ma duntani uzo na patta nami agu, "YESU PIYU NAZARE, PIGOMO WA YAHUDAWA." ²⁰ A Yahudawa agbaki ama ka karanta mnyakara mami abara na kati kami na nma dhankharya Yesui ka pati y bigumi. Ma duntani man kuma ama nyakarya akibiga kya Yahudawa, na kya Romawa na kya Helinawa. ²¹ Magbaku ma mafiristoci ma Yahuda wa magu Bilatus yi agu, "azu nyakarya agu pigomo a Yahudawa, aman gura gu, 'piyanwu iku ayi pigomo wa Yahudawa.'" ²² Bilatus i guddu yenya gu, "ukusu nan man nyakarya in nyakaran kenan." ²³ Nan soja mumi muma dhankharya Yesui, mu gmana yi kuriga mabeke manaz, ko kishe na kukini sai kunku gbaki, kuza kuni ma tuzza akunugi awor uzo matoro kajhas. ²⁴ Yenya gu aci ayen agu, "ki zu gmanga kuriga kunku, ayhar a pekshi ukuna ukuni ayita piyi dama rey azha kuni, ama dene kene a do ma kurganya abere ami a kugu "Yenya tusanan ku deni kunang ana ci a yeni, a peksha ukuria a kunku alkyebba. ²⁵ Insoja mumi mummu ma yisha kene, pinu Yesu, yenna kobina, na Maryamu piyenu Kilofas, Maryamu Magadaliya. Ayinyanghana anyazhazhi a pati ka giciye ka Yesu. ²⁶ Na Yesui ma yita piwaban uyyi yenna limajiri ninni mani anyazhazhi a patazhi, igu, "piyini, ita, bezhenebi!" ²⁷ Agura gu limajiri nimi agu, "yita, piwaban umu!" A kadhar kami limajiri nimi ni zya pina umi ajagu giru nini. ²⁸ Na maduru Yesui, abara na iyo agu iyan imangurgan, saga a kurganya aberami, igu "Impok kusheg." ²⁹ A pituga pi yeni kuma aade kikuturu ki kuri mani manaci manyaki, yenya zya kusoso a togomi unyong mani mammanaci manyaki ashishi a kidogo a zhapkha a tungya yi akano. ³⁰ Na Yesui ma koko mani mamma nyaki, igu "a mari." A cinganya nici niyyi a biskya nivataru niyyi. ³¹ A Yahudawa mi, abara nayi katuk kama cankarana, abara magu azu biskya mayaza mami ma dhankhanzhan har katuk ka sabar (abara magu asabaci a Katuk kade muhimmanci), yenya gisa Bilatus yi agu itusurui bini mayaza mami a toddozo mani. ³² Insoja mumi mu wana am tusuru ibinai piyi zoni yenna uni ba unyong ayami na ama dankhanzya yeni na Yesu. ³³ Na mummuma wana aka Yesu ayita iman ke, mummu na tusuru muni ibina iyyi. ³⁴ Duk na kene pidong unyong insoja mumi icoko yi nibamza anikpan, manyo na manimashir mata cir. ³⁵ Piyi yitan ukusunwu, i wani ushaida, ushaida uyyi a ribin. Iyo agu ukusun na ibaran a nibin saga yinnaini i dumya agu a ribin. ³⁶ Manang mami mama wanzagana kene abara ma kurganya abere ami, "ba ku kubu kudha unyong makubu ma nipum niyyi na dam tuzu." ³⁷ Amanzu abere agu, "yenya dama ita yi umi na ma jokso." ³⁸ Makusu mmma woro, Yusufu piyheru Arimatiya, umi uyi Limajiri ni Yesu, (aman a ka nisa abara mapogma usahd wa Yahudawa) igisa Bilatus i dumya yi, Yusufi ima ka zya kuyaza kumi. ³⁹ Nikodimun nayi wana, imi ima cingha tumu u Yesu katug, a yende mamai marentu kunya ma umur na u al'ul mazyib ne makurgi ituru pituru. ⁴⁰ Yanyangha mazya kuyaza ku Yesu agusaza unyong kuzani kuma nikshi ku uluhin na makusu mammana rentu kunya, abara maniksha ne ma a Yahudawa. ⁴¹ Toh a katikam na ama dhankharya yi kudong ku daza kuyimi, unyong kudaza kumi kudong kusheg ku yimi kunna adoto ma niksha pidong mi unyong. ⁴² Abara na ama yi katug kama cankarana ma a Yahudawa kusheg kumi ku pati, yenya ta nikshi Yesu mi.