¹ Na Yesu ma barya bereghana, acira yenna limajirai niyyi makanu manzu urapku kajhas ka u kidiron, kati na kuang kudaza kuyi, a rinya yenna limajirai niyyi. ² Yahuza umi dama zyizyi yi iyo kati kami, abara na a Yesui ana kanza mi yenna limajirai niyyi. ³ Yahuza, ima mankazya in soja mu gbaki awor ka mafiristoci, na a farisawa, na aya majalisa, yenya wana ni, a deshe itilla, na itocila, na makusu maniguma. ⁴ Yesu, umi iyo ukusunwu wanzangana nayi, ikana kazono, agu yenya gu, "wan na igbene?" ⁵ Yenya guddu yi agu, "Yesu piyu nazare." Yesu igu yen agu "A mi". Yahuza, umi iman zyizyi yi, i nyezyi yenna in soja mumi. ⁶ Na ima gu yen agu , "A mi", yenya nyeteh ka-cini a jigshini kajhas. ⁷ Iguru mi a ribi yen agu, "wan in gbene o?" Yenya gu, "Yesu piyu nazare." ⁸ Yesui guddu yenya gu, "ai imbarabni agu, ami. Ba migi na yi gbene, i biskya a yella yenya woroani," ⁹ Abara magu aberan nan ibaran ana cur, "unyong ayami na pidugi mi, ko ukusu dha u wurini mi." ¹⁰ Saminu Bitrus, abara na ide kitan, i khapkha a gog pideru kugbaku kuma firist mi, a gogo yi kuto ku kacara karye mi, nizagi ni pideru mi agu malkus. ¹¹ Yesu igu Bitrus yi agu, "guddu kitan ki mumi unyong kuberu kukini. Indama shezyemi ukusun na picu nang idugi mi?" ¹² Insoja mumi yenna ayacubru, na aya majalisa a yahudawa, ata pur Yesui, ashishi yi. ¹³ Acingha jaga yi u Hanana, abara na iyi pidoru kayafa, umi uma yi u firist kugbaki ni wanimi. ¹⁴ Kayafa yi ima do a Yahudawa u shawara, agu mupiri yeni magu piyu dha iki abara ayashillaci. ¹⁵ Saminu Bitrus izob kacini ka Yesu, kene na nidon limajiri nima dene, limajiri nimi a piyar unna ku firist kugbaki kuyo, inyi ma rinya kuri unyong uzonon u karari ka ku firist kumi yenna Yesui. ¹⁶ Aman Bitrus i nyahazhanha a karong usuku ya limajirai ninni manzu ninna ku firist kugbaki kuyo ni cira, aka berya ka piyinu mi ina mente karong, a ringda Bitrus i. ¹⁷ Kajinni kankana mente karong ka gu Bitrus i gu, "Idongu puma piyimi unyong limajirai ni piyanwu doh?" Igu "Inza mini." ¹⁸ Toh, adere yenna madogarai ma uhaikali umi a nyazyazhi, a kisan ura a mabir, asu baska, aabara na kiwag kiyi. Bitrus unnayi inyezyi na yeni asu baska. ¹⁹ Ku firist kun kugbaki ku ribi Yesui, limajirai niyyi yenna mabshi mayyi. ²⁰ Yesu ishere yi agu, Ai, imma berya ka yashillaci a uyanwu a chadharhan. Aman bashazya andhagha mu ma konusura anatinamna a Yahudawa nadug ana konosura. Idoto ma barya kadamana a kanisa. ²¹ Iyan ideni na pi ripshimio? Ribi ayami a rakurgan a potya ukusu nan ku, ai yenya yo ukusun nan baran. ²² Na Yesu imagu kene, pidong unyong aya majalisa i nyezyi mi i turgu Yesui, aguyi agu, "pi shere kugbaku kuma firist abere kene?" ²³ Yesu iguddu yi abere agu, "Innan beran abere amakari to, pi barya kenna dene pitungumio?" ²⁴ Hanana ikunu agu ajag yesui umi i shishizyin u Kayafa, ku firist kugbaki. ²⁵ Toh, Siman Bitrus inyezyi asu baska. Ayashillaci ami aguyi agu, "Anya pugi ma pizabu unyong limajirai ni piyanwu?" Ita sarayi ata guragu, "o'o, inzami unyong uyeni." ²⁶ Pidong unyong adere a kugbaku kuma firist, waton kobinu piyami na Bitrus ima ceske yi kuto, igu, "Ashe, imma yitami pi a ku lambu kumi?" ²⁷ Bitrus iguru mi asarayi; kugono kuta gokori. ²⁸ Apazyi Yesui awor u Kayafa majaga a kapada ka ku gomna. Kagmop, yen anaci ayeni ana rinzya ni kapada kaku gomna kumi, abara magu anya zu nagaza aci ayeni ba ma zuga ma re ujibi u keterewa. ²⁹ Bilatus icira makanu yeni, agu yen agu, "mayan mabishi naibishi piyanwu?" ³⁰ Yenya shere aguddu yi agu, "piyanwu ina deni yi ukusu makari, iyan idama dene ki yende yi upu." ³¹ Bilatus igu yen agu, "worinni a deyi u taini mana, aka ceskeyi abere kenna ina yisha matya mayin." A Yahudawa aguyi agu, "ai ki zaidi u iko uma ceske pidong a uhunkunci uma keh." ³² Yen agu kene abara ma kurgani ma aberenna Yesui ma berya, ami ama duntanya idug ima keh manna idama ke. ³³ Bilatus iguru mi a rinya unyong kapada ka ku gomna, ayharkya Yesui aguyi agu, "pu a pigomo a Yahudawa?" ³⁴ Yesu i guddu agu, "mummunu ama beri mamu, ba adong awana ma barya kene upu?" ³⁵ Bilatus i guddu aguyi agu, "migi azan pi Yahudawa, ba ini o? Ai a ayamu na magbaku ma mafiristoci a zyizyibumi. Iyan na piden yo?" ³⁶ Yesu ishere agu, "u mulki unang azan uya unwu, umulki unang unayi uya'unwu adere anang ana gumana agu azu zya mi a zyizyi a Yahudawa. Amma u mulki unang azan uciri innaka." ³⁷ Bilatus iguyi agu, "waton, pu a pigomo?" Yesu ishere, "Kenna pi ku, mi a pigomo. Abara kene na ama wabami, abara kene kuma nan ma tumu unyong uyanwu, saga imana do shaida u ribin. Kowan imani ribin ina rakurga a potya rimigh ninang." ³⁸ Bilatus iguyi agu, "Iyan iyi ribino?" Na ima duru ma gura kene, aguru mi a cira kana ka Yahudawa, agu yenyagu, "mi kam, inzugi mi piyangwu na idong ibang. ³⁹ Aman yin ide udong usahr, unna inna kpaku idin keterewa kawani. Inna ciddi ni piyu dha. To imani magu inciddini pigomo wa Yahudawa?" ⁴⁰ Yenya gurumi a deni gum asu kuma gu, "A'a, azan piyangwu, biskidi Barabaszyi." Barabas umi kuma a pidakara.