¹ Si Saulo nag-uyon bahin sa iyang kamatayon. Busa didto nagsugod niadtong adlawa ang usa ka dako kaayong paglutos batok sa simbahan sa Jerusalem; ug ang mga magtutuo nagkatibulaag sa tibuok nga mga rehiyon sa Judea ug sa Samaria, gawas sa mga apostoles. ² Ang mga mainampuon nga tawo naglubong kang Estefen ug nagbuhat ug hilabihang pagbangotan ngadto kaniya. ³ Apan si Saulo misulay sa paglaglag sa simbahan. siya miadto sa matag kabalayan ug gipangguyod pagawas ang mga lalaki ug mga babaye, ug gibutang sila didto sa bilanggoan. ⁴ Apan ang mga magtutuo nga nagkatibulaag nanglakaw aron sa pagsangyaw sa pulong. ⁵ Si Felipe miadto didto sa siyudad sa Samaria ug gisangyaw ngadto kanila ang Cristo. ⁶ Ang panon sa katawhan nagtagad pag-ayo kong unsa ang giingon ni Felipe; Uban sa usa ka hunahuna sila nakadungog kaniya, ug sila nakakita sa mga ilhanan nga iyang gibuhat.. ⁷ Ang mahugaw nga mga espiritu migula gikan sa daghang mga giyawaan,misinggit uban sa makusog nga tingog, ug daghan nga mga paralitiko ug mga bakul ang nangaayo. ⁸ busa didto adunay dakong kalipay niadto nga siyudad. ⁹ Apan adunay usa ka tawo sa siyudad nga ginganlan ug Simon, nga sa bag-o lang nagabuhat ug pagpamarang; iyang gipahibulong ang mga katawhan nga taga-Samaria, samtang nag-angkon nga siya usa ka mahinungdanon nga tawo. ¹⁰ Ang tanan nga mga Samaritanhon, gikan sa pinakaubos ngadto sa pinakataas, namati pag-ayo kaniya; sila miingon, "Kining tawhana ang gahom sa Dios ug gitawag nga Bantogan." ¹¹ sila namati kaniya tungod kay dugay na niyang nahibulong sila sa iyang mga salamangka. ¹² Apan sa dihang sila nagtuo kung unsa ang gisangyaw ni Felipe mahitungod sa ebanghelyo sa gingharian sa Dios ug ang pangalan ni Jesu Cristo, sila nabawtismohan, babaye ug lalaki. ¹³ Bisan si Simon mismo mituo, ug human siya mabautismohan siya nagpabilin uban kang Felipe sa kanunay.sa dihang siya nakakita sa mga timailhan ug dagkong mga butang nga nabuhat, siya nahibulong. ¹⁴ Karon sa dihang ang mga apostoles sa Jerusalem nakadungog nga ang Samaria nakadawat na sa pulong sa Dios, sila nagpadala kanila ni Pedro ug ni Juan. ¹⁵ Sa dihang sila naglugsong, sila nag-ampo alang kanila, nga ila untang madawat ang Balaang Espiritu. ¹⁶ Kay hangtud niana nga panahon, ang Espiritu Santo wala mikunsad kang bisan kinsa kanila; nabautismohan lamang sila sa ngalan ni Ginoong Jesus ¹⁷ Unya si Pedro ug si Juan nagbutang sa ilang mga kamot ngadto kanila, ug ilang nadawat ang Balaang Espiritu. ¹⁸ Karon sa dihang si Simon nakakita nga ang Balaang Espiritu mahatag pinaagi sa pagpandong sa mga apostoles sa ilang mga kamot, siya nagtanyag kanila ug salapi. ¹⁹ Siya miingon, "Hatagi ako niini nga gahom, usab, nga kang bisan kinsa man nako ibutang ang akong mga kamot mahimong madawat ang Balaang Espiritu." ²⁰ Apan si Pedro miingon kaniya, "Unta ang imong plata nga salapi malaglag kauban nimo, tungod kay naghunahuna ka man sa pagbaton ug gasa sa Dios inubanan sa salapi. ²¹ Wala kay kaparti o bahin niining butanga, tungod kay ang imong kasingkasing dili matarong uban sa Dios. ²² Busa paghinulsol niining imong pagkadaotan, ug pag-ampo ngadto sa Ginoo, aron siya mahimo pa tingaling makapasaylo kanimo kung unsa ang gitinguha sa imong kasingkasing. ²³ Kay nakita ko nga anaa ka sa hilo sa kapaitan ug sa mga gapos sa sala." ²⁴ Si Simon mitubag ug nag-ingon, "Pag-ampo sa Ginoo alang kanako, nga wala sa mga butang nga imong gipanulti mahimong mahitabo kanako." ²⁵ Sa diha nga sila nakapamatuod ug nakasulti sa pulong sa Ginoo, si peddro ug mibalik ngato sa Jerusalem; didto sa dalan, sila nagsangyaw sa ebanghelyo sa daghang mga baryo sa mga Samaritanhon. ²⁶ Karon ang manulonda sa Ginoo nakigsulti ngadto kang Felipe ug nag-ingon, "Barog ug adto padulong sa habagatan didto sa dalan nga palugsong gikan sa Jerusalem ngadto sa Gaza." (Kini nga dalan anaa sa desyerto nga bahin.) ²⁷ Siya mibarog ug miadto. Tan-awa, adunay usa ka tawo nga gikan sa Etiopia, usa siya ka yunoko nga dako ang kagahom ilalom sa Candace, nga mao ang rayna sa mga taga-Etiopia. Siya mao ang gisaligan sa tanan niya nga kabtangan. Siya miadto sa Jerusalem aron sa pagsimba. ²⁸ Siya mibalik ug naglingkod sa iyang karwahe, ug nagbasa sa basahon ni propeta Isaias. ²⁹ Ang Espiritu miingon kang Felipe, "Lakaw ug ubani kini nga karwahe." ³⁰ Busa si Felipe midagan ngadto kaniya, ug nadunggan niya siya nga nagbasa sa Isaias nga mao ang propeta, ug nag-ingon, "Ikaw ba nakasabot kung unsa ang imong gibasa?" ³¹ unya siya miingon, "Unsaon man nako, gawas kon adunay mogiya kanako?Iyang gidapit si Felipe sa pagsakay sa karwahe ug sa paglingkod uban kaniya. ³² Karon ang basahon sa kasulatan nga maoy gibasa sa taga-Etiopia mao kini, "Siya gidala sama sa karnero nga paingon sa ihawanan; ug sama sa usa ka nating karnero didto sa atubangan sa iyang manggugupit hilom, ug wala niya gibuka ang iyang baba: ³³ Sa iyang pagpaubos ang hustisya gikuha palayo gikan kaniya, Kinsa man ang mopahayag sa iyang kaliwatan? Tungod kay ang iyang kinabuhi gikuha gikan sa kalibotan." ³⁴ Busa ang yunoko nangutana kang Felipe, ug nag-ingon, "Ako nagpakiluoy kanimo, kang kinsa man ang propeta nakigsulti? Sa iyaha bang kaugalingon, o sa ubang tawo?" ³⁵ Si Felipe misugod sa pagsulti, ug sugod niini nga kasulatan iyang gisanyaw ang Maayong Balita mahitungod kang Jesus ngadto kaniya. ³⁶ Sa ilang pagpadayon didto sa dalan, miabot sila diin adunay tubig; ang yunoko miingon, "Tan awa, adunay tubig diri; unsa man ang makapugong kanako nga magpabawtismo?" ³⁷ (Ang pinaka maayo ug karaang kopya giwala ang Buhat 8: 37) Si Felipe miingon, "Kung ikaw mituo sa tibuok nimong kasingkasing, ikaw mahimong pagabawtismohan." Ang taga-Etiopia mitubag, "Ako nagtuo nga si Jesu Cristo mao ang Anak sa Dios." ³⁸ Busa ang taga-Etiopia nagmando nga ang karwahe ipapahunong. Sila mituslob didto sa tubig, si Felipe ug ang yunoko, ug si Felipe nagbawtismo kaniya. ³⁹ Sa dihang sila mihaw-as sa tubig, ang Espiritu sa Ginoo nagkuha kang Felipe palyo,ug ang yunoko wala na makakita kaniya, apan nagpadayon sa iyang dalan nga malipayon. ⁴⁰ Apan si Felipe nagpakita didto sa Azotus.ug Siya miagi niana nga rehiyon ug nagsangyaw sa maayung balita sa tibuok nga mga siyudad, hangtod miabot siya sa Cesarea.