¹ Ang labaw nga pari miingon, "Tinuod ba kining mga butanga?" ² Si Esteban mitubag, "Mga igsoon ug mga amahan, pamati kamo kanako: Ang Dios nga mahimayaon nagpakita sa atong amahan nga si Abraham samtang didto pa siya sa Mesopotamia, sa wala pa siya nagpuyo sa Haran; ³ Siya miingon ngadto kaniya, "Biya sa imong yuta ug kaparyentihan, ug lakaw ngadto sa dapit nga akong ipakita kanimo. ⁴ Busa mibiya siya sa yuta sa taga-Caldaean ug nagpuyo sa Haran; gikan didto, human mamatay ang iyang amahan, gidala siya sa Dios niining yutaa, diin kamo nakapuyo karon. ⁵ Wala siyay gihatag nga panulondon kaniya, wala, bisan igo lang nga matindogan sa tiil. Apan siya nagsaad— bisan ug si Abraham wala pa gayoy anak—nga iyang ihatag ang yuta isip usa ka panag-iyahon alang kaniya ug sa iyang kaliwatan nga mosunod kaniya. ⁶ Ang Dios nakigsulti kaniya sama niini nga paagi, nga ang iyang kaliwatan mopuyo sa mubo nga panahon sa langyaw nga yuta, ug ang mga lumulupyo didto pagahimuon silang ulipon ug motagad kanila ug dili maayo sulod sa upat ka gatus ka tuig. ⁷ ' Apan hukman ko ang nasod nga ilang gialagaran, miingon ang Dios, 'ug pagkahuman niana sila mogawas ug mosimba kanako niining dapita.' ⁸ Unya ang Dios mihatag kang Abraham sa pakigsaad sa pagpatuli, busa si Abraham nahimong amahan ni Isaac ug gituli niya siya sa ikawalo nga adlaw; Si Isaac nahimong amahan ni Jacob, ug si Jacob amahan sa dose ka patriarka. ⁹ “Tungod kay ang mga patriarka nasina kang Jose, ilang gibaligya siya ngadto sa Ehipto; apan ang Dios nag-uban kaniya, ¹⁰ ug giluwas siya sa tanan niyang mga kalisdanan. Iyang gihatagan si Jose ug pabur ug kaalam sa atubangan ni Paraon, nga hari sa Ehipto. kinsa naghimo kaniya nga gobernador sa tibuok Egipto ug sa tibuok niyang panimalay. ¹¹ “Karon miabot ang gutom sa tibuok Ehipto ug Canaan, ug dako nga pag-antus, ug ang atong mga amahan wala makakaplag ug pagkaon. ¹² Apan sa dihang si Jacob nakadungog nga didto adunay trigo sa Ehipto, iyang gipadala ang atong mga amahan sa ilang unang panaw. ¹³ Sa ilang ikaduhang panaw si Jose nagpaila sa iyang kaugalingon ngadto sa iyang mga igsoon, ug ang banay ni Jose nailhan ni Paraon. ¹⁴ Gipabalik ni Jose ang iyang mga igsoon aron sultihan si Jacob nga iyang amahan nga moadto sa Ehipto, uban sa tanan niyang mga paryente, kapitoan ug lima ka tawo ang tanan. ¹⁵ Busa si Jacob milugsong ngadto sa Egipto, ug siya namatay, siya ug ang atong mga amahan. ¹⁶ Gidala sila ngadto sa Sichem ug gipahiluna sa lubnganan nga gipalit ni Abraham sa bili nga plata gikan sa mga anak ni Hamor sa Sichem. ¹⁷ “Sa nagkaduol na ang panahon sa saad, ang saad nga gihimo sa Dios kang Abraham, ang mga tawo midako ug nanaghan sa Ehipto, ¹⁸ hangtod nga adunay mitungha nga laing hari sa Ehipto, usa ka hari kinsa wala makaila mahitungod kang Jose. ¹⁹ Iyang gilimbongan ang atong katawhan ug gipugos ang atong mga amahan nga ipanglabay nila ang ilang mga bag-ong natawo nga mga masuso aron dili sila mabuhi. ²⁰ Niana nga panahon si Moises natawo; siya ambungan gayod kaayo atubangan sa Dios ug giatiman sa tulo ka bulan sa puloy-anan sa iyang amahan. ²¹ Sa dihang gilabay siya sa gawas, gikuha siya sa anak nga babaye sa Paraon ug giatiman siya ingon nga iyang anak. ²² Natudloan si Moises sa tanan nga nahibaw-an sa mga Ehiptohanon; ug siya gamhanan sa iyang mga pulong ug mga buhat. ²³ "Apan sa diha nga siya mga kap-atan ka tuig ang panuigon, miabot sa iyang kasingkasing nga ang iyang mga kaigsoonan, ang mga kaliwatan sa Israel. ²⁴ Sa pagkakita sa usa ka Israelita nga gidagmalan,Gipanalipdan siya ni Moises ug gipanimalos siya nga gidaugdaog pinaagi sa pagpatay sa Ehiptohanon: ²⁵ siya naghunahuna nga ang iyang mga igsoon makasabut nga ang Dios pinaagi sa iyang kamot nagluwas kanila, apan sila wala makasabut. ²⁶ Sa sunod nga adlaw nakita niya ang duha ka tawo nga nag-away ug misulay siya sa pagpakigdait kanila, nga nag-ingon, 'Mga tawo, managsoon kamo; nganong nagpasakitay kamo sa usag usa?' ²⁷ Apan ang usa nga maoy nakabuhat ug sayop sa iyang silingan gituklod siya, ug miingon, 'Kinsa ang naghatag kanimo ug katungod nga magmando ug maghukom kanamo? ²⁸ Buot ba nimong patyon ako, sama sa pagpatay nimo sa Ehiptohanon kagahapon?' ²⁹ Nibiya si Moises palayo human niya kini madungog; nahimo siyang langyaw sa yuta sa Midian, diin siya nahimong amahan sa duha ka anak nga lalaki. ³⁰ “Sa milabay ang kap-atan ka tuig, ang usa ka manolonda nagpakiya didto sa kamingawan sa Bukid sa Sinai, sa usa ka siga sa kalayo sa usa ka sampinit. ³¹ Samtang si moses nakakita sa kalayu, siya nahibulong sa talan-awon;ug samtang miduol siya aron tan-awon kini, dihay miabut nga tingog sa Ginoo, nag-ingon, ³² 'Ako ang Dios sa imong mga amahan, ang Dios ni Abraham, ni Isaac, ug ni Jacob.' Nangurog si Moises ug wala mangahas sa pagtan-aw. ³³ Ang Ginoo misulti kaniya, 'Huboa ang imong sandalyas gikan sa imong tiil, kay ang dapit nga imong gitindogan maoy balaang yuta. ³⁴ Nakita ko gayod ang pag-antos sa akong katawhan nga atua sa Ehipto; Nadungog ko ang ilang mga pag-agulo, ug nanaug ako sa pagluwas kanila; karon umari ka, ipadala ko ikaw sa Egipto.' ³⁵ Kining Moises ng ilang gisalikway, sa dihang sila miingon, 'Kinsa ang naghimo kanimo nga magmamando ug maghuhukom?'—siya ang usa ngagipadala sa Diyos ingon nga magmamando ug manluluwas. Gipadala siya sa Dios pinaagi sa kamot sa anghel nga nagpakita kang Moises didto sa sampinit.. ³⁶ Si Moises nangulo kanila pagawas sa Ehipto, pagkahuman niya ug buhat ug mga milagro ug ilhanan sa Ehipto, ug sa dagat nga mapula, ug sa kamingawan sa sulod sa kap-atan ka tuig. ³⁷ Mao usab kini ang Moises nga miingon sa katawhan sa Israel, Ang Dios magapatindog alang kaninyo ug usa ka propita gikan sa inyong mga igsoon, usa ka propita nga sama kanako. ³⁸ Kini mao ang tawo nga didto sa katilingban sa kamingawan uban sa manolonda kinsa nakigsulti kaniya didto sa bukid sa Sinai, nga uban sa atong mga amahan, ug kinsa nakadawat sa buhi nga mga pulong aron ihatag kanato. ³⁹ “Apan ang atong mga amahan nagdumili sa pagsugot kaniya; ilang gitukmod siya palayu gikan sa ilang kaugalingon, ug sa ilang mga kasingkasing sila mibalik ngadto sa Egipto. ⁴⁰ Nianang panahona miingon sila kang Aaron, 'Himoi kami ug diosdios nga mangulo kanamo. Kini nga Moises, nga maoy nangulo sa atong kagawasan sa Ehipto, wala na kami makabalo kung unsa ang nahitabo kaniya.' ⁴¹ Mao nga naghimo sila ug nating baka niadtong panahona ug nagdala ug halad sa diosdios, unya naglipay tungod sa binuhat sa ilang mga kamot. ⁴² Apan ang Dios mitalikod ug mitugyan kanila sa pagsimba sa mga bitoon sa langit, ingon sa nahisulat sa libro sa mga propeta, 'Naghalad ba kamo kanako ug gipatay nga mapintas nga mananap ug uban pang mga halad sulod sa 4kap-atan ka tuig sa kamingawan, panimalay sa Israel? ⁴³ Gidawat ninyo ang tolda ni Molec ug ang bituon sa diosdios nga si Repan, ug ang mga larawan nga inyong gibuhat aron mosimba kanila: Ug dalhon ko kamo palayu saylo pa sa Babilonia.' ⁴⁴ Ang atong mga katigulangan adunay tolda sa pagpamatuod sa kamingawan, sama sa gimando sa Dios sa dihang nakig-istorya siya kang Moises, nga kinahanglan niyang hmuon kini sama sa sumbanan nga iyang nakita. ⁴⁵ Sa ulahi, ang among mga amahan,ubos ni Joshua, midawat sa tolda ug gidala kini uban kanila sa dihang ilang gipanag-iya ang yuta.Gikuha sa Dios ang yuta gikan sa mga nasud ug gipapahawa sila sa atubangan sa atong mga amahan. Ang tolda nagpabilin sa yuta hangtod sa panahon ni David, ⁴⁶ kinsa nakakaplag ug kaluoy sa mata sa Dios; nangayo siya ug usa ka puloy-anan alang sa Dios ni Jacob. ⁴⁷ Apan si Solomon maoy nagtukod sa balay alang sa Diyos. ⁴⁸ Ngani, ang Labing Halangdon wala magpuyo sa mga balay nga binuhat lamang sa mga kamot; sama sa giingon sa propeta, ⁴⁹ 'Ang langit ang akong trono, ug ang yuta ang tumbanan sa akong tiil. Unsa nga matang sa balay ang imong matukod alang kanako? miingon ang Ginoo: O diin man ang dapit nga ako makapahulay? ⁵⁰ Dili ba ang akong kaugalingong kamot man ang nagbuhat niining mga butanga?' ⁵¹ Kamong mga gahig liog nga mga tawo, ug wala natuli ang kasingkasing ug dalunggan, kanunay kamong nagdumili sa Balaang Espiritu; nagabuhat kamo sama sa gibuhat sa inyong mga amahan. ⁵² Kinsa sa mga propeta ang wala lutosa sa inyong mga amahan? Gipatay nila ang propeta nga nagpakita sa wala pa ang Usa ka Matarong; ug kamo nahimo karon nga mga magbubudhi ug mga mamumuno kaniya usab, ⁵³ kamong mga tawo nga nakadawat sa balaod nga gipatukod sa mga manulonda, apan wala ninyo kini gitipigan." ⁵⁴ Karon sa dihang nakadungog ang mga miyembro sa konseho niining mga butanga, nasamaran ang ilang kasingkasing, ug sila nagpangagot sa ilang mga ngipon kang Esteban. ⁵⁵ Apan siya, nga puno sa Balaang Espiritu, mihangad sa langit ug nakita ang himaya sa Dios; ug iyang nakita si Jesus nga nagtindog sa tuo nga kamot sa Dios. ⁵⁶ Miingon si Esteban, "Tan-awa, nakita ko ang langit nga naabli, ug ang Anak sa Tawo nagtindog sa tuo nga kamot sa Dios." ⁵⁷ Niini ang mga membro sa konseho nagtabon sa ilang mga dalunggan,ug misinggit sa makusog nga tingog, gidali nila siya sa usa ka katuyoan. ⁵⁸ ilang Giguyod siya pagawas sa siyudad ug gisugdan pagbato siya. Ang mga saksi nagbutang sa ilang panggawas nga besti sa tiilan sa usa ka batan-ong lalaki nga ginganlag Saulo. ⁵⁹ Samtang gibato nila si Esteban, nagsangpit siya sa Dios ug miingon, "Ginoong Jesus, dawata ang akong espiritu." ⁶⁰ Miluhod siya ug misinggit sa makusog nga tingog, "Ginoo, ayaw sila pakasad-a niining mga butanga." samtang gisulti niya kini, natulog siya.