¹ Nahitabo kini samtang si Apolos anaa sa Corinto, miagi si Pablo sa ibabaw sa kabungtoran ug miabot siya sa siyudad sa Efeso, ug nakaplagan ang pipila sa mga tinon-an didto. ² Miingon si Pablo kanila, "Nadawat ba ninyo ang Balaang Espiritu sa dihang mituo kamo?" Miingon sila kaniya, "Wala, wala man gani kami makadungog mahitungod sa Balaang Espiritu." ³ Miingon si Pablo, "Ngadto sa unsa man nga kamo nagpabawtismo?" Miingon sila, "Ngadto sa pagbawtismo ni Juan." ⁴ Busa si Pablo mitubag, "Si Juan mobawtismo inubanan ang pagbawtismo sa paghinulsol. Gisultihan niya ang mga tawo nga kinahanglan motuo sila sa usa kong kinsa ang bout moabot human kaniya, mao kana, si Jesus." ⁵ Sa dihang ang mga tawo nakadungog niini, gibawtismohan sila sa ngalan ni Ginoong Jesus. ⁶ Unya sa dihang gitapion ni Pablo ang iyang mga kamot kanila, ang Balaang Espiritu mikunsad kanila ug nagsulti sila ug nagkalain-laing mga pinulongan ug nanagna. ⁷ Ang tanan mga napulo ug duha ka mga lalaki. ⁸ Miadto si Pablo sa sinagoga ug nagsulti nga walay kahadlok sulod sa tulo ka bulan. Nangulo siya sa mga panaghisgot ug nagdani sa mga tawo mahitungod sa mga butang nga may kalabutan sa gingharian sa Dios. ⁹ Apan sa dihang ang pipila ka mga Judio nagmagahi ug nagmasinupakon, nagsugod sila sa pagsulti ug daotan nga pamaagi mahitungod kang Cristo didto sa panon sa katawhan, busa si Pablo mibiya kanila, ug gidala ang mga tinon-an uban kaniya. nangatarongan uban kanila kada adlaw sa hawanan sa tudloanan sa Tiranus. ¹⁰ Kini nagpadayon sulod sa duha ka tuig, aron ang tanang tawo nga namuyo sa Asia makadungog sa pulong sa Ginoo, ang mga Judio ug Griyego. ¹¹ Ang Dios naghimo ug mga gamhanang buhat pinaagi sa mga kamot ni Pablo, ¹² sa pagkaagi nga bisan ang mga panyo ug mga tapis nga nakahikap kaniya gidala ngadto sa mga masakiton ug ang ilang mga sakit nangawala kanila ug ang mga dautang espiritu nanggula kanila. ¹³ Apan adunay mga Judio nga espiritista nga nagbiyahe sa maong lugara. Sila mitawag sa ngalan sa Ginoong Jesus aron sila makabaton ug gahum batok sa dautang mga espiritu sa diha nga sila miingon, "Ako nagmando kanimo pinaagi kang Jesus nga gisangyaw ni Pablo nga mobiya." ¹⁴ Ang pangulong pari nga Judio, nga ginganlag Sceva, may pito ka anak nga lalaki nga nagbuhat niini. ¹⁵ Ang daotang espiritu mitubag kanila, "Nakaila ako kang Jesus, ug nakaila ako kang Pablo; apan kinsa man kamo?" ¹⁶ Ang daotang espiritu naa sa tawo milukso sa Espiritista ug nalupig sila ug gikulata sila. Unya nanghawa sila pagawas sa balay nga hubo ug samaran. ¹⁷ Kini nahibal-an sa tanan, sa mga Judio ug mga Griyego, nga namuyo sa Efeso. Sila nangahadlok kaayo, ug ang ngalan ni Ginoong Jesus napasidunggan. ¹⁸ Daghan usab sa mga magtutuo miabot ug nagsugid ug miangkon sa mga daotang mga butang nga ilang nahimo. ¹⁹ Daghan ang nagbansay ug mga salamangka ug nagdala sa ilang mga basahon ug gisunog sa panan-aw sa matag-usa. Sa dihang ilang giihap ang bili niini, kini mga singkwinta ka libu ang kadaghanon sa plata. ²⁰ Busa ang pulong sa Ginoo mikaylap sa gamhanang mga pamaagi. ²¹ Karon sa natapos na ni Pablo ang iyang pagpangalagad sa Efeso, nakahukom siya diha sa Espiritu nga moagi sa Macedonia ug Acaya sa iyang dalan ngadto sa Jerusalem; siya miingon, "Pagkahuman nako ug adto didto, kinahanglan usab nako makita ang Roma." ²² Gipadala ni Pablo sa Macedonia ang duha niya ka mga katabang, si Timoteo ug si Erastus, Apan siya nagpabilin makadiyot sa Asya. ²³ Niadtong panahona walay gamay nga kasamok sa Efeso mahitungod sa Dalan. ²⁴ Ang usa ka platero nga ginganlan ug Demetrius, kinsa naghimo ug plata nga istatuwa ni Diana, nagdala sa dakong negosyo alang sa mga platero. ²⁵ Busa gitigom niya ang mga trabahante sa maong panginabuhi ug miingon, "Mga sir, nakabalo kamo nga kini nga negosyo nakapahimo kanato ug daghan nga kuwarta. ²⁶ Kamo nakakita ug nakadungog niana, dili lamang sa Efeso, apan halos tibuok Asya, kini si Pablo nagdani ug nagpalayo sa daghang mga tawo. Siya nagaingon nga walay mga dios nga hinimo sa mga kamot. ²⁷ Ug dili lamang ang kakuyaw nga ang atong mga negosyo dili na kinahanglanon, apan bisan pa ang templo sa bantogang diosa nga si Diana mahimong kining walay pulos. Unya siya mawad-an na sa iyang kadungganan, siya nga gisimba sa tanan sa Asya ug sa tibuok kalibotan." ²⁸ Sa dihang nadungog nila kini napuno sila sa kasuko ug misinggit sa kusog, sa pag-ingon, "Bantogan si Diana sa mga taga-Efeso." ²⁹ Ang tibuok siyudad napuno sa kalibog, ug ang mga tawo nagdali-dali uban sa usa kahunahuna miadto sa tiyatro. Gidakop nila ang mga kauban ni Pablo sa pagbiyahe, nga si Gaius ug si Aristarchus, nga miabot gikan sa Macedonia. ³⁰ Si Pablo bout mosulod taliwala sa panon sa katawhan, apan ang mga tinon-an nagpugong kaniya. ³¹ Usab, pipila ka mga pangulo nga higala ni Pablo nagpadala sa pulong ug naghangyo kaniya nga dili mosulod sa tiyatro. ³² Pipila ka mga tawo naninggit sa usa ka butang, ug ang pipila lahi, kay ang pundok sa katawhan anaa sa kalibog. Kasagaran kanila wala gani nasayod nganong nagtigom sila. ³³ Ang pipila sa panon sa katawhan mitambag kang Alejandro, nga giduso sa mga Hudiyo. Misinyas si Alexander sa iyang kamot, buot maghatag ug depensa sa asembliya. ³⁴ Apan sa dihang nakaamgo sila nga siya usa ka Judio, silang tanan naninggit sa usa ka tingog nga hapit miabot sa duha ka oras, "Bantogan si Diana sa mga taga Efeso." ³⁵ Sa dihang gipahilom sa tigdumala sa lungsod ang pundok sa katawhan, siya miingon, "Kamo mga tawo sa Efeso, unsa nga tawo didto ang wala masayod nga ang siyudad sa mga taga-Efeso mao ang magbalantay sa templo sa bantogang Diana ug sa mga larawan nga nahulog gikan sa langit? ³⁶ Sa pagkakita nga kining mga butanga dili ikalimod, kamo kinahanglan nga maghilom ug dili magdalidali ³⁷ Kay inyong gidala kining mga tawhana dinhi sa korte nga dili man gani mga kawatan sa templo ni tigpasipala sa atong diosa. ³⁸ Busa, kung si Demetrius ug ang mga plateros uban kaniya adunay mga sumbong batok ni bisan kinsa, abre ang mga hukmanan ug adunay mga gobernador. Tugoti sila nga magpasangil sa usag-usa. ³⁹ Apan kung mangita kamo sa bisan unsang mga butang mahitungod sa laing mga butang, kinahanglan kini mahusay sa kasagaran nga panagtigom. ⁴⁰ Kay sa pagkatinuod kita anaa sa kakuyaw mahitungod sa kagubot niining adlawa. Walay hinungdan alang niining kagubot, ug dili kita makahimo sa pagpahayag niini." ⁴¹ Sa dihang nasulti na niya kini, gitapos niya ang panagtigom.