¹ Human sa kaguliyang, si Pablo gipadala alang sa mga tinon-an ug giawhag sila. Unya siya nagsulti ug panamilit kanila ug mibiya padulong didto sa Macedonia. ² Sa pag-adto niya niadtong mga rehiyona ug nag-awhag pag-ayo sa mga magtutuo, miadto siya Gresya. ³ Human siya nagpabilin didto sulod sa tulo ka bulan, ang tinagong laraw nga gihimo batok kaniya pinaagi sa mga Judio sa hapit na siya maglayag padulong sa Siria, busa nakahukom siya sa pagbalik agi sa Macedonia. ⁴ Giubanan siya hangtod sa Asya nila ni Sopater nga taga-Berea, ang anak ni Pyrrhus; si Aristarchus ug Secundus nga mga magtutuo gikan saTesalonica; si Gaius nga taga-Derbe; si Timoteo; ug Tychicus ug si Trophimus nga gikan sa Asya. ⁵ Apan kining mga tawhana miuna kanamo ug nagahulat kanamo sa Troas. ⁶ Milayag kami gikan sa Filipos pagkahuman sa mga adlaw sa pan nga walay lebadura, ug sa lima ka adlaw miabot kami kanila sa Troas. Didto nagpabilin kami sulod sa pito ka mga adlaw. ⁷ Sa unang adlaw sa semana, sa nagkatigom na kami aron sa pagpikaspikas sa tinapay, si Pablo nagsangyaw sa mga magtutuo. Naglaraw siya nga mobiya pagkasunod adlaw, busa nagpadayon siya sa pagsangyaw hangtod sa pagkatungang gabii. ⁸ Adunay daghan nga lampara sa ibabaw nga bahin sa lawak diin kami nagkatigom. ⁹ Diha sa bintana may naglingkod nga usa ka batan-on nga lalaki nga ginganlan ug Eutychus, nga giabot sa halalom nga paghikatulog. Kay taas na kaayo ang pagsangyaw ni Pablo, kining batan-on nga lalaki, nga nahinanok pa gihapon, nahulog gikan sa ikatulong andana ug gisakwat nga patay na. ¹⁰ Apan mikanaog si Pablo, mihapa siya kaniya, ug migakos kaniya. Unya miingon siya, "Ayaw kamo kaguol, kay siya buhi pa." ¹¹ Unya misaka siya balik sa taas ug gipikaspikas ang tinapay ug nangaon. Human sa pagpakigsulti kanila ug dugay hangtod sa kaadlawon, mibiya na siya. ¹² Gidala nila pagbalik ang lalaki nga buhi ug nahupay pag-ayo. ¹³ Kami sa among kaugalingon milakaw pag-una kang Pablo ngadto sa sakayan ug milayag padulong sa Asos, sa tuyo nga pasakyon namo si Pablo. Mao kini ang gitinguha niya sa iyang kaugalingon nga pagabuhaton, tungod kay gituyo niya nga didto agi sa yuta. ¹⁴ Sa nasugatan na namo siya sa Asos, gipasakay na namo siya sa sakayan ug miadto sa Mitylene. ¹⁵ Unya milayag kami gikan didto ug miabot pagkasunod adlaw atbang sa isla sa Chios. Sa pagkasunod adlaw midunggo kami sa isla sa Samos, ug pagkaugma midunggo kami sa siyudad sa Miletus. ¹⁶ Kay nakahukom man si Pablo nga maglayag agi sa Efeso, aron dili siya malangan sa Asya; kay nagdali siya nga moabot sa Jerusalem sa adlaw sa Pentecostes, kung kining tanan mamahimo na niyang buhaton sa ingon. ¹⁷ Gikan sa Miletus nagpadala siya ug mga tawo ngadto sa Efeso ug gipatawag niya ang mga kadagkoan sa simbahan. ¹⁸ Sa dihang miabot na sila ngadto kaniya, miingon siya kanila, "Nasayod na kamo sa inyong kaugalingon, nga sukad sa unang adlaw sa pagtunob sa akong tiil sa Asya, kung sa unsang paagi ako kanunay naggahin ug panahon alang kaninyo. ¹⁹ Nagpadayon ako pag-alagad sa Ginoo uban sa pagpa-ubos sa hunahuna ug inubanan sa mga luha, ug sa mga pag-antos nga nahitabo kanako tungod sa mga laraw sa mga Judio. ²⁰ Nasayod kamo nga wala akoy pagpugong sa pagpadayag kaninyo sa bisan unsa nga mapuslanon, ug giunsa ko kamo pagtudlo sa dayag ug miadto usab sa kabalayan. ²¹ nga nagpamatuod sa mga Judio ug mga Greciahanon mahitungod sa paghinulsol ngadto sa Dios ug sa pagtoo sa atong Ginoong Jesus. ²² Karon tan-awa, moadto ako sa Jerusalem, nga minando-an sa Balaang Espiritu, nga walay kasayoran sa bisan unsang mahitabo kanako didto, ²³ gawas sa gipamatuod sa Balaang Espiritu kanako sa matag siyudad ug nagaingon nga ang mga gapos ug pag-antos naghulat na kanako. ²⁴ Apan wala nako hunahunaa ang akong kinabuhi sa kung unsang paagi nga mas bililhon pa sa akong kaugalingon, aron mahingpit na ang akong lumba ug ang pag-alagad nga akong nadawat gikan kang Ginoong Jesus, sa pagsaksi sa maayung balita diha sa grasya sa Dios. ²⁵ Karon tan-awa, nasayran ko nga kamong tanan, taliwala kanila ako milakaw nga nagmantala sa gingharian, dili na makakita sa akong panagway. ²⁶ Busa gipamatuod-an ko kaninyo niining adlawa, nga ako hinlo sa dugo ni bisan kinsang tawo. ²⁷ Kay wala ako nagpugong sa pagpadayag kaninyo sa kinatibuk-ang kabubut-on sa Dios. ²⁸ Busa pag-amping kamo sa inyong kaugalingon, ug mahitungod sa tibuok panon diin kamo gihimo sa Espiritu Santo nga mga magtatan-aw. Pag-amping sa pagbantay sa simbahan sa Diyos, nga iyang gipalit sa iyang kaugalingong dugo. ²⁹ Nasayod ako nga human sa akong pagbiya,Ang mabangis nga mga lobo mosulod sa inyong taliwala ug dili mopagawas sa panon. ³⁰ Ako nahibalo nga gikan sa taliwala ninyo adunay mga tawo nga moabut ug magtuis sa kamatuoran aron sa pagpabulag sa mga tinon-an sunod kanila. ³¹ Busa pagtukaw kamo. Hinumdomi nga sulod sa tulo ka tuig wala ako maghunong sa pagpahimangno sa matag usa kaninyo inubanan sa luha sa adlaw ug gabii. ³² Ug karon gipiyal ko na kamo sa Dios, ug ngadto sa pulong sa iyang grasya, nga mao ang makahimo kaninyo sa pagpa-uswag ug maghatag kaninyo sa kabilin taliwala sa tanang gilain. ³³ Wala ako maibog sa tawong may plata, bulawan, o bisti. ³⁴ Kamo sa inyong kaugalingon nasayod nga kining mga kamot nagsangkap sa akong kaugalingon nga mga panginahanglan ug niadtong kauban nako. ³⁵ Sa tanan nga mga butang naghatag ako kaninyo ug panig-ingnan kung unsaon ninyo pagtabang ang huyang pinaagi sa pagpamuhat, ug kung unsaon ninyo paghinumdom ang mga pulong sa Ginoong Jesus, mga pulong nga siya mismo miingon: "Labing bulahan ang paghatag kay sa pagdawat." ³⁶ Human siya nagsulti niining paagiha, miluhod siya ug nag-ampo uban kanilang tanan. ³⁷ Labihan ang ilang paghilak ug migakos kang Pablo ug gihagkan siya. ³⁸ Naguol gayod sila tungod sa iyang gipamulong, nga sila dili na makakita sa iyang panagway pag-usab. Unya giubanan nila siya hangtod sa sakayan.