¹ Ishiwi lyaku Yawee kalisa kuli Yona umuku wakulenga bubili, ² ati ''Ima, koya ku Ninife, ngulya um,usumba uukulu, nokubila imbila nkukonkomeshe muku bapeela.'' ³ Na Yona kaimunuka kaya naku Ninife , ukulingana neshiwi lya ku Yawee. Na Ninife wali musumba uukulu saana, ulwa lwendo lwa nshiku shitatu. ⁴ Yona katendeka ukwingila mu musumba panuma yalwendo lwabushiku bumo, kabilikisha ati,'' Munshiku amakumi ane (40) Ninife akoonaulwa,'' ⁵ Abantu bamu Ninife kaba sumina Lesa nabo kababila ne mbila yakuleka ukulya. Bonse kaba fwala ifisapwa, ukutampila kuba kulu ukufika naku baice abamuli bo. ⁶ Mukampampa imbila kaifika ku mfumu ya Ninife. kaima napacipuna caiko icabufumu, kaifuula nomwingila wa bufumu, kaifwala ifisapwa, kaikala namumatoi. ⁷ Kaituma imbila iikolabila ati, '' Mu Ninife yonse, kumaka ya mfumu naba filolo baiko: '' Mulekapo umuntu onse ne cinama conse icamweo conse nomukuni ukusondapo icili conse. Muleka filyepo nagu kunwapo amenshi. ⁸ Lelo muleke abantu ne nama kumo bafwale ifisapwa elo babilikishe noku puunda kuli Lesa. Kabili lekeni cina umo naumo aluke ukufuma kunshila shakwe isha bubifi necimfulunganya icili mu maboko yakwe. ⁹ Mbo wishibile ninani? Lesa kuti abweshamo umutima aleka icipyu cakwe icikali ekuti fwe tuloba.'' ¹⁰ Lesa kabona ifi bacitile, nefi baalukile ukufuma munshila sha bubifi. Elo Lesa aalwile amano yakwe nokwalula ukukanda nko alabiile ukuti akucita kuli bo lelo tacitilepo.