¹ Lelo nci tacasekeshepo Yona nakambi kakalipa saana. ² Elo Yona apepele kuli Yawee nokulabila ti, '' Aah, Yawee, Bushe mfi tefyopo nalabiile ulo nali kucalo canji? ecalengele ukuti ncite mfi pakutampa kanjesha ukufyukila ku Tashishi - kanjishibila ati waliba noluse nakambi uwaisulamo ukutemwa ukutapwa, ulabwelamo ukutuma ubonaushi. ³ Kanshi nomba Yawee, nakupapata, fumyamo umweo muli ne, pantu cawa kuli ne ukufwa ukucila ukuba umumi.'' ⁴ Yawee kalabila,'' Bushe ici cawama we ukukalipa?'' ⁵ Elo Yona afumine mu musumba nokuya kwikala kulubali lwakukabanga ka musumba. nko eko apangile nkunka nokwikalamo akouba mucimfule pakuti engabona ifikocitika ku musumba. ⁶ Yawee Lesa apangile akalimbwa nokukalenga ukukula peulu lya ku Yona pakuti kengaba cimfule pamutwi wakwe icakumubweshako ukulunguluka. Yona katemwe 'cakuti pamulandu wa cilimbwa. ⁷ Lelo Lesa kapekenye akashiishi pakupasa kwa kasuba pabushiku bwa konkelepo. Kakalya akalimbwa nako kakooma. ⁸ Caishile kuba ulucelo ulo akasuba kapashile ulucelo lwakonkelepo, Lesa kapekenye umwela wakumutule suba uukabile. Na kasuba kakatulila Yona pakati kamutwi kabili kalelefuka. Elo Yona afwaile ukuti afwe. kalokuisosha, '' Cawama nebo ukufwa ukucila ukuba umumi. ⁹ Elyo Lesa alabiile kuli Yona,'' Napo ciweme ukuti we wakalipe pa mulandu wacilimbwa?'' Elo Yona alabiile ati, '' Ciweme pakuti ndikalipile cikanga mfwe.'' ¹⁰ Yawee kalabila, '' walikwatile icilimbwa inkumbu ici we utabombelepo, nangu ukucilenga ukukula. Cakulile ubushiku nakambi kacifwa ubushiku. ¹¹ Nba kuli ne, napo tekuti nkwatilepo Ninefe inkumbu, ngulya umusumba uukulu, umo mwaba abantu ukucila pa makana umwanda umo namakumi abili (1,200) abateshi bupusano pakati kakuboko kwa kulyo nokuboko kwabo kwakuso, nakambi nenama ishinji?''