¹ Elo Yona apepele kuli Yawee lesa wakwe ukufuma mumala ye sabi. ² Alabile ati,'' Naitile kuli Yawee mukupelelwa kwandi naye ali ngasukile ; ukufuma mwifumo lya ku mbo. nalilile paku ngafwa!Mwalyumfwile shiwi lyanji. ³ Wa mposele umwashika mumutima wa bemba, no mukuku kaunshingulukile ; namatamba namabimbi yenu yonse fyapitile peulu l;yanji. ⁴ Kandabila nati, '' Ndiposelwe ukufuma pamenso enu, lelo nakambi nkalolesha kuntanshi ye tempele lyenu ilya mushilo. ⁵ Amenshi kayanshinguluka ukufika mumukoshi wanji; ukushika konse kwalinshingulukile; Ifitupaala kafi mpomba ukushinguluka umutwi wanji. ⁶ Nintotobela panshi ya lupili; icalo nemikololokoso yaciko nainjisalila umuyayaya. Cibe we naumfumya umeo wanji ukufuma kucilindi,Yawee, Lesa wanji! ⁷ Ulo umupashi wanji wafwile icipungepunge muli ne naitile Yawee kumatontonkanyo; elo nepepo lyanji kalisa kuli we kwi tempele lyobe lya mushilo. ⁸ Ba posa amano kuli tulesa ututakwetepo ubupilibulo ulo abo bako suula icipangano ca cishinka. ⁹ Lelo ne, nakutuula ilambo kuli we neshiwi lya matotelo, nakufikilisha conse ico nalapa. Ipusukilo litula kuli Yawee! ¹⁰ Elo Yawee alabile kucisabi, naco kacilukila Yona kumulundu ukumine.